WHO on Omicron: શું દરેક ઓમિક્રોન વેરિઅન્ટથી સંક્રમિત થશે? WHOએ આ રીતે આપ્યો સવાલનો જવાબ
વિશ્વભરમાં કોરોના વાયરસનું ઓમિક્રોન વેરિઅન્ટ (Omicron Variant) ભૂતકાળમાં જોવા મળતા આલ્ફા, બીટા અને ઘાતક ડેલ્ટા જેવા વેરિએન્ટને બદલી રહ્યું છે.
વિશ્વભરમાં કોરોના વાયરસનું ઓમિક્રોન વેરિઅન્ટ (Omicron Variant) ભૂતકાળમાં જોવા મળતા આલ્ફા, બીટા અને ઘાતક ડેલ્ટા જેવા વેરિએન્ટને બદલી રહ્યું છે. વર્લ્ડ હેલ્થ ઓર્ગેનાઈઝેશનની (World Health Organization) ટેકનિકલ લીડએ લોકોને સતર્ક રહેવા જણાવ્યું છે. કારણ કે ઓમિક્રોન ‘લોકોમાં ઝડપથી ફેલાઈ રહ્યો છે’. એક ઇવેન્ટમાં WHO ટેકનિકલ લીડ મારિયા વાન કેરખોવે જણાવ્યું હતું કે, ઓમિક્રોન ડેલ્ટા કરતાં ઓછું ખતરનાક છે પરંતુ તે ગંભીર પણ હોઈ શકે છે, જેમ કે આપણે અગાઉના વેરિએન્ટ દરમિયાન જોયું હતું.
જ્યારે પૂછવામાં આવ્યું કે, ઓમિક્રોન ડેલ્ટા કરતા ઓછું ખતરનાક છે, તો તેનાથી ચેપગ્રસ્ત લોકોને શા માટે હોસ્પિટલમાં દાખલ કરવામાં આવે છે અને કેટલાક લોકો શા માટે મરી રહ્યા છે? આના પર, તેમણે કહ્યું, ‘જે લોકો ઓમિક્રોનથી સંક્રમિત થઈ રહ્યા છે તેઓ પણ રોગની અસર (WHO on Omicron Variant) દર્શાવે છે. જો કોઈમાં લક્ષણો નથી, તો કોઈની સ્થિતિ ગંભીર થઈ રહી છે. લોકો પણ મરી રહ્યા છે.’ તેમણે કહ્યું, ‘જે લોકો મોટી ઉંમરના છે, તેમને રસી આપવામાં આવી નથી અથવા તેમને અન્ય ગંભીર બીમારીઓ છે, તેમની સ્થિતિ કોવિડ-19ના ઓમિક્રોન વેરિઅન્ટને કારણે ગંભીર બની શકે છે.’
શું દરેક ઓમિક્રોનથી સંક્રમિત થશે ?
જ્યારે કેરખોવને પૂછવામાં આવ્યું કે, શું દરેકને ઓમિક્રોનથી ચેપ લાગશે? તો આના પર તેમણે કહ્યું, ‘ઓમિક્રોન ઝડપથી ફેલાવાના સંદર્ભમાં અન્ય પ્રકારોને બદલી રહ્યું છે અને તે લોકોમાં સરળતાથી ફેલાઈ રહ્યું છે.’ તેનો અર્થ એ નથી કે દરેક પાસે ઓમિક્રોન હશે. યુનાઈટેડ નેશન્સ હેલ્થ એજન્સી (WHO) એ અગાઉ કહ્યું હતું કે, પ્રારંભિક પુરાવા સૂચવે છે કે વર્તમાન કોવિડ -19 રસીઓ ઓમિક્રોન ચેપ સામે ઓછી અસરકારક છે. ફરીથી ચેપ લાગવાનું જોખમ સૌથી વધુ છે.
લોકોએ ઓમિક્રોનને હળવાશથી ન લેવું જોઈએ – WHO
સંસ્થાએ આ મહિનાની શરૂઆતમાં કહ્યું હતું કે, ‘આથી જ ચિંતાના આ નવા પ્રકારનું જોખમ ખૂબ જ વધારે છે.’ WHOના વડા ટેડ્રોસ અધાનમ ઘેબ્રેયેસસે તાજેતરમાં પુનરોચ્ચાર કર્યો હતો કે, રોગચાળો હજી સમાપ્ત થયો નથી. ઓમિક્રોનને હળવાશથી લેતા લોકોની સ્થિતિ પર ચિંતા વ્યક્ત કરતા તેમણે કહ્યું, ‘આ રોગચાળો સમાપ્ત થયો નથી.’ હાલમાં વિશ્વમાં કોરોના વાયરસથી સૌથી વધુ પ્રભાવિત દેશ અમેરિકા છે. અમેરિકા પછી ભારત બીજા સ્થાને છે. જો કે અમેરિકી રાષ્ટ્રપતિ જો બાઈડનના ચીફ મેડિકલ ઓફિસર એન્થોની ફૌસીનું કહેવું છે કે, ઓમિક્રોન વેરિઅન્ટ ટૂંક સમયમાં ટોચ પર આવશે, પરંતુ તેનો ઘટાડો સમગ્ર અમેરિકામાં એકસરખો જોવા મળશે નહીં.