31 જુલાઈના મહત્વના સમાચાર : આજે રાજ્યમાં મેઘતાંડવને લઈને તંત્ર એલર્ટ, લોકોને તકેદારીના ભાગરૂપે બહાર ન નીકળવા સૂચન
આજે 31 જુલાઈને શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
સુરતઃ શહેરમાં ભારે વરસાદને લઈ તંત્ર એલર્ટ
સુરત શહેરમાં ભારે વરસાદ અને દરિયામાં ઉગ્ર મોજાંની આગાહીને ધ્યાનમાં રાખીને તંત્ર એલર્ટ મોડમાં આવી ગયું છે. લોકોની સુરક્ષાને પ્રાથમિકતા આપતાં ડુમસ બીચ અને સુવાલી બીચને આગામી સૂચના સુધી જાહેર જનતા માટે બંધ કરવામાં આવ્યા છે. વાતાવરણ સામાન્ય ન બને અને દરિયાની સ્થિતિ અનુકૂળ ન થાય ત્યાં સુધી બીચ પર પ્રવેશ પર પ્રતિબંધ રહેશે. તંત્રએ લોકોને બીચ તેમજ દરિયાકાંઠાના વિસ્તારોમાં જવાનું ટાળવા અને સાવચેતી રાખવા અપીલ કરી છે.
-
દેશના 23 રાજ્યોમાં ભારેથી અતિભારે વરસાદની આગાહી
દેશભરમાં ચોમાસું ફરી સક્રિય બનતાં આગામી કલાકોમાં 23 રાજ્યોમાં ભારેથી અતિભારે વરસાદની આગાહી કરવામાં આવી છે. આજે ગુજરાત, મહારાષ્ટ્ર, તેલંગાણા, મધ્યપ્રદેશ અને છત્તીસગઢમાં અતિભારે વરસાદની સંભાવનાને પગલે રેડ એલર્ટ જાહેર કરવામાં આવ્યું છે. જ્યારે રાજસ્થાન, ઉત્તર પ્રદેશ, બિહાર સહિત 18 રાજ્યોમાં ઓરેન્જ એલર્ટ યથાવત રાખવામાં આવ્યું છે. અનેક જિલ્લાઓમાં અચાનક પૂર આવવાની ચેતવણી અપાઈ છે, જ્યારે પહાડી વિસ્તારોમાં પણ ભારે વરસાદ અને ભૂસ્ખલનની શક્યતા વ્યક્ત કરવામાં આવી છે. આસામ અને આસપાસના પૂર્વોત્તર રાજ્યોમાં 1 ઓગસ્ટ સુધી ભારે વરસાદ સાથે વાવાઝોડાની સ્થિતિ સર્જાઈ શકે તેવી હવામાન વિભાગે ચેતવણી આપી છે.
-
-
રાજ્યના 106 તાલુકામાં મેઘમહેર, અનેક વિસ્તારોમાં ધોધમાર વરસાદ
રાજ્યમાં છેલ્લા 24 કલાક દરમિયાન 106 તાલુકામાં વરસાદ નોંધાતા અનેક વિસ્તારોમાં ચોમાસાએ ફરી જોર પકડ્યું છે. સૌથી વધુ વરસાદ છોટાઉદેપુર જિલ્લાના પાવી જેતપુર અને પંચમહાલના જાંબુઘોડામાં 2.83 ઇંચ નોંધાયો છે. ઉપરાંત છોટાઉદેપુરના કવાંટમાં 2.64 ઇંચ અને નસવાડીમાં 2.36 ઇંચ વરસાદ વરસ્યો છે. રાજ્યના કુલ 16 તાલુકામાં 1 ઇંચથી વધુ જ્યારે 7 તાલુકામાં 2 ઇંચથી વધુ વરસાદ નોંધાતા અનેક વિસ્તારોમાં વરસાદી માહોલ છવાઈ ગયો છે.
-
રાજ્યમાં આજે મેઘતાંડવનો ખતરો, તંત્ર હાઈ એલર્ટ પર
રાજ્યમાં આજે ભારે વરસાદની આગાહીને પગલે તંત્ર સંપૂર્ણ એલર્ટ મોડમાં છે. હવામાન વિભાગની ચેતવણી બાદ 15 જિલ્લાઓમાં અતિભારે વરસાદની સંભાવના વ્યક્ત કરવામાં આવી છે. સંભવિત જળબંબાકાર અને ભારે પવનની સ્થિતિને ધ્યાનમાં રાખીને લોકોને બિનજરૂરી બહાર ન નીકળવા અપીલ કરવામાં આવી છે. સ્ટેટ ઈમરજન્સી ઓપરેશન સેન્ટરને હાઈ એલર્ટ પર રાખવામાં આવ્યું છે, જ્યારે દરિયાકાંઠાના વિસ્તારોમાં ભારે પવનને કારણે વિશેષ સાવચેતી રાખવા સૂચના આપવામાં આવી છે. સાથે જ માછીમારોને આગામી સૂચના સુધી દરિયો ન ખેડવા તાકીદ કરવામાં આવી છે.
આજે 31 જુલાઈને શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jul 31,2026 7:47 AM
