Breaking News : 4,800 કિલોથી વધુ શંકાસ્પદ વરિયાળી અને પ્રતિબંધિત કલર ઝડપાયો, ઊંઝામાં ફૂડ વિભાગના દરોડા, જુઓ Video

મહેસાણાના ઊંઝામાં શંકાસ્પદ વરિયાળીની ફેક્ટરી પર ફૂડ વિભાગે CID પોલીસની મદદથી મોટી કાર્યવાહી કરી છે. વરિયાળી અને મસાલાના વેપાર માટે દેશભરમાં જાણીતા ઊંઝામાં, મકતુપુર સ્થિત ગણેશ ક્લીનિંગ પેઢી પર સર્ચ ઓપરેશન હાથ ધરવામાં આવ્યું હતું.

આ દરોડા દરમિયાન ફેક્ટરીમાંથી 4,800 કિલોથી વધુ કલરયુક્ત અને ભેળસેળવાળી હોવાની શંકાસ્પદ વરિયાળીનો જથ્થો મળી આવ્યો છે. આ ઉપરાંત, પ્રતિબંધિત ગ્રીન કલરનો જથ્થો પણ ઝડપાયો હતો, જેનો ઉપયોગ વરિયાળીમાં ભેળસેળ કરવા માટે થતો હોવાનું મનાય છે. આ કાર્યવાહીમાં અંદાજે 2 લાખ રૂપિયાથી વધુનો મુદ્દામાલ સીઝ કરવામાં આવ્યો છે.

ફૂડ વિભાગ દ્વારા આ સમગ્ર જથ્થાના નમૂના લઈ તપાસ માટે મોકલવામાં આવ્યા છે. વરિયાળીમાં રંગનો ઉપયોગ શા માટે કરવામાં આવ્યો હતો અને આ જથ્થો ક્યાં સપ્લાય થવાનો હતો, તે અંગે તંત્ર દ્વારા સઘન તપાસ શરૂ કરવામાં આવી છે. આ કાર્યવાહીથી ખાદ્ય ચીજોમાં થતી ભેળસેળ સામે તંત્રની કડક નીતિનો સંદેશ સ્પષ્ટ થયો છે, અને ફૂડ સેફ્ટી અંગેની ચિંતાઓ ફરી ચર્ચામાં આવી છે.

ભુજ નજીક કુકમા પાસે ઓઇલ ગોડાઉનમાં ભયાનક આગનો બનાવ, જુઓ Video