29 એપ્રિલના મહત્વના સમાચાર : પશ્ચિમ બંગાળમાં આજે બીજા તબક્કાનું મતદાન, 142 સીટો પર થશે
આજે 29 એપ્રિલને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને દેશના વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો…
LIVE NEWS & UPDATES
-
બનાસકાંઠાઃ દાંતા તાલુકામાં ચૂંટણીની અદાવતમાં દૂધ લેવાનો ઈનકાર
બનાસકાંઠાના દાંતા તાલુકામાં ચૂંટણીની અદાવતને લઈને વિવાદ સર્જાયો છે, જ્યાં પાતળીયા દૂધ મંડળી દ્વારા કેટલાક પશુપાલકોનું દૂધ ન લેવાયું હોવાનો ગ્રામજનો આક્ષેપ કરી રહ્યા છે. ગ્રામજનોના જણાવ્યા મુજબ, મંડળીના સભ્યો અને સરપંચે મતદાન દરમિયાન મત ન આપવાના કારણે દૂધ લેવાનું બંધ કર્યું છે. જ્યારે કેટલાક ગ્રામજનોએ દાવો કર્યો છે કે તેમણે 60 ટકાથી વધુ મત ભાજપને આપ્યા હોવા છતાં તેમનું દૂધ લેવામાં આવતું નથી. આ મુદ્દે નારાજ થયેલા પશુપાલકો દૂધ સાથે પોલીસ સ્ટેશન પહોંચ્યા હતા અને સમગ્ર મામલે યોગ્ય કાર્યવાહી કરવાની માંગ કરી છે.
-
ભુજઃ પાલરા જેલમાંથી મોબાઈલ ઝડપાયો
ભુજની પાલરા જેલમાં બેરેક નંબર-10 નજીકના બાથરૂમમાંથી સિમકાર્ડ સાથેનો સ્માર્ટફોન મળતા જેલ સુરક્ષા વ્યવસ્થાને લઈને ગંભીર પ્રશ્નો ઉભા થયા છે. અમદાવાદની સ્પેશિયલ ઝડતી સ્ક્વોડ દ્વારા કરવામાં આવેલી તપાસ દરમિયાન મોબાઇલ ઝડપાયો હતો, જેને હવે ફોરેન્સિક તપાસ માટે મોકલવામાં આવશે. પ્રતિબંધિત વસ્તુ હોવા છતાં મોબાઇલ જેલની અંદર કેવી રીતે પહોંચ્યો અને તેમાં કોની સંડોવણી હોઈ શકે તે અંગે તપાસ તેજ કરવામાં આવી છે. આ સમગ્ર મામલે જેલર દેવશી કરંગીયાએ ભુજ બી ડિવિઝન પોલીસ સ્ટેશનમાં ગુનો નોંધાવાની પ્રક્રિયા શરૂ કરી છે, જેથી જવાબદાર વ્યક્તિઓ સામે કડક કાર્યવાહી કરી શકાય.
-
-
પશ્ચિમ બંગાળમાં આજે બીજા અને અંતિમ તબક્કાનું મતદાન
પશ્ચિમ બંગાળમાં આજે બીજા અને અંતિમ તબક્કાનું મતદાન છે. મતદાન સવારે 7 વાગ્યે શરૂ થયું. આ બીજા તબક્કામાં 142 મતવિસ્તારોમાં મતદાન ચાલી રહ્યું છે. 23 એપ્રિલે પ્રથમ તબક્કામાં 152 મતવિસ્તારોમાં 92 ટકાથી વધુ મતદાન થયું હતું. આ બીજા તબક્કામાં 1,448 ઉમેદવારોનું ભાવિ દાવ પર છે.
આજે 29 એપ્રિલને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને દેશના વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો…
Published On - Apr 29,2026 7:31 AM
