28 નવેમ્બરના મહત્વના સમાચાર : ભાજપ પ્રદેશ ઉપાધ્યક્ષની હત્યાનું કાવતરું ઘડનારને કોર્ટે સંભળાવી 5 વર્ષની સજા, છોટા શકિલનો શૂટર છે આરોપી
Gujarat Live Updates : આજે 28 નવેમ્બરના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો.
LIVE NEWS & UPDATES
-
રાજકોટ : પરિણીતાના પ્રેમીએ પતિને છરી મારી
રાજકોટઃ જેતપુરમાં અનૈતિક પ્રેમ સંબંધમાં પરિણીતાના પ્રેમીએ પતિને છરી મારી છે. પત્નીના પ્રેમીએ પતિને છરી મારી જાનથી મારી ધમકી આપી હોવાનો આરોપ છે. પરિવાર સાથે બહારગામ ફરવા જવામાં પણ પ્રેમી સાથે આવશે તેવી પત્નીએ જીદ કરી હતી. ઇજાગ્રસ્ત પતિને છરી વાગતા સારવાર માટે સરકારી હોસ્પિટલ ખસેડાયો છે. જેતપુર સિટી પોલીસે ઇજાગ્રસ્ત પતિની ફરિયાદ નોંધી પત્ની અને પ્રેમી વિરુદ્ધ તપાસ શરૂ કરી.
-
મહેશ લાંગાની પેઢીનું વધુ એક કારસ્તાન સામે આવ્યુ
રાજકોટ: GSTમાં બોગસ બિલ કૌભાંડ મામલે મહેશ લાંગાની પેઢીનું વધુ એક કારસ્તાન સામે આવ્યુ છે. રાજકોટ પોલીસની બોગસ બિલીંગ કૌભાંડ મામલે મોટી કાર્યવાહી કરી. 14 જેટલી પેઢીઓ પર એકસાથે દરોડા પાડવામાં આવ્યા છે. ભાવનગર,જામનગર,અમદાવાદમાં દરોડા પાડવામાં આવ્યા. વેરાવળ, કડી, મહેસાણા,ગાંધીનગર મળી 14 સ્થળોએ કાર્યવાહી કરવામાં આવી. દરોડામાં લાખો રૂપિયાની કરચોરીનો પર્દાફાશ થયો છે. બોગસ પેઢી અને બોગસ બિલીંગના આધારે કરચોરી થતી હતી. પોલીસ 5 આરોપીઓની અટકાયત કરી કાર્યવાહી હાથ ધરી છે.
-
-
સુરત: મેટ્રોની કામગીરીમાં મોટી દુર્ઘટના સર્જાતા ટળી
સુરત: મેટ્રોની કામગીરીમાં મોટી દુર્ઘટના સર્જાતા ટળી છે. ડુભાલ વિસ્તારમાં ખોદકામ કરતા સમયે માટી ધસી પડી હતી. માટી ધસી પડતા શ્રમિક નીચે દબાયો હતો. ફાયરની ટીમે સમયસર યુવકને રેસ્ક્યૂ કરી બહાર કાઢ્યો. મજૂરને સમયસર બહાર કાઢી લેતા બચાવ થયો છે. મજૂરને તાત્કાલિક હોસ્પિટલે સારવાર માટે ખસેડાયો છે.
-
હેમંત સોરેને આજે ઝારખંડમાં CM પદના શપથ લેશે
હેમંત સોરેન આજે ચોથી વખત મુખ્યમંત્રી પદના શપથ લેવા જઈ રહ્યા છે. શપથ ગ્રહણ સમારોહ આજે સાંજે 4:00 વાગ્યે રાંચીના ઐતિહાસિક મોરહાબાદી મેદાનમાં યોજાશે. ટૂંક સમયમાં વિધાનસભાનું વિશેષ સત્ર બોલાવવામાં આવશે, જ્યાં ફ્લોર ટેસ્ટ બાદ કેબિનેટનું વિસ્તરણ કરવામાં આવશે.
-
અમદાવાદ: રેલવે પોઈન્ટ મેને કરી આત્મહત્યા
અમદાવાદ: રેલવે પોઈન્ટ મેને આત્મહત્યા કરી છે. ધર્મેન્દ્રકુમાર યાદવે ઝેરી દવા પી જીવન ટૂંકાવ્યું છે. અમદાવાદ ડિવિઝનમાં ઝખવાડા પોઈન્ટ પર તૈનાત હતા. ધર્મેન્દ્રકુમારની સુસાઈડ નોટમાં લખ્યુ છે કે, ઉપરી અધિકારીઓની હેરાનગતિના કારણે આત્મહત્યા કરી છે. મારા પર ખોટી રીતે કેસ કરવામાં આવ્યો છે. હું બિહારથી ગુજરાત રેલવેમાં નોકરી કરવા આવ્યો હતો. પરંતુ આ લોકોએ મને બરબાદ કરી નાખ્યો.
-
-
ગોરધન ઝડફિયાની હત્યાનું કાવતરું ઘડનારને કોર્ટે આપી સજા
અમદાવાદ: ભાજપ પ્રદેશ ઉપાધ્યક્ષ ગોરધન ઝડફિયાની હત્યાનું કાવતરું ઘડનારને કોર્ટે 5 વર્ષની સજા સંભળાવી. છોટા શકીલના શૂટર ઈરફાન કાલિયા શેખને કોર્ટે 5 વર્ષની સજા સંભળાવી. તે ગુજસીટોકના કેસમાં પણ આરોપી છે. અન્ય આરોપી સિદેશ ખરાડે પૂરાવાના અભાવે નિર્દોષ જાહેર થયો. આરોપી ઈરફાનના મોબાઈલમાંથી ગોરધન ઝડફિયાનો ફોટો મળી આવ્યો હતો. શાર્પ શૂટર ઈરફાને કમલમની રેકી કરીને વીડિયો નેધરલેન્ડ પણ મોકલ્યો હતો.
બંગાળની ખાડીમાંથી ઉદ્દભવેલુ ફેંગલ વાવાઝોડું ચક્રવાતમાં ફેરવાયું. આગામી બે દિવસમાં તમિલનાડુ તરફ આગળ વધશે. મેડિકલ ટીમ અને સ્ટાફ સ્ટેન્ડબાય રાખવામાં આવ્યા છે. મહારાષ્ટ્રમાં સરકાર બનાવાને લઈ કવાયત તેજ થઇ છે. અમિત શાહે ભાજપ મહાસચિવ વિનોદ તાવડે સાથે બેઠક યોજી છે. શિંદેને CM ન બનાવવાથી રાજ્યમાં રાજકીય અસરને લઈને ચર્ચા થઈ. તો આ તરફ આજે મહારાષ્ટ્રના નવા મુખ્યપ્રધાનના નામની જાહેરાત થઈ શકે છે. અમિત શાહ આજે મહાયુતિના ત્રણેય ટોચના નેતાઓ સાથે બેઠક યોજશે. અમદાવાદના રેલવે પોઈન્ટ મેનને ઝેરી દવા પી ટૂંકાવ્યું જીવન. ઉપરી અધિકારીઓની હેરાનગતિના કારણે આત્મહત્યા કરી હોવાનો સૂસાઈડ નોટમાં ઉલ્લેખ. ભાજપ પ્રદેશ ઉપાધ્યક્ષ ગોરધન ઝડફિયાની હત્યાનું કાવતરું ઘડનારને પાંચ વર્ષની સજા. 2020માં રિલિફ રોડની હોટલમાંથી છોટા શકિલનો શૂટર ઝડપાયો હતો. અમદાવાદના દંપતી સામે પાલનપુરમાં ચાર કરોડની ઉચાપાતની વધુ એક ફરિયાદ નોંધાઇ. બી.એડ કોલેજના પ્રમુખે ખોટા સહી સિક્કા કરી બી.એડ કોલેજના નાણાંની ઉચાપત કર્યાનો આક્ષેપ કર્યો.
Published On - Nov 28,2024 8:49 AM
