26 જુલાઈના મહત્વના સમાચાર : ગુજરાતમાં વિરામ લેતો વરસાદ ! 24 કલાકમાં 203 તાલુકામાં વરસાદ, સૌથી વધુ વલસાડના કપરાડામાં 6 ઈંચ
Gujarat Live Updates આજ 26 જુલાઈના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો..
LIVE NEWS & UPDATES
-
ગીર સોમનાથના ફુલકા ગામે ખેડૂતે દીપડાને પાંજરે નહીં ઘરમાં પૂર્યો !
ગીર સોમનાથના ફુલકા ગામે દીપડાને પાંજરે નહીં ઘરમાં પૂર્યો હતો. ઉનાના ફુલકા ગામે વાડી વિસ્તારમાં એક મકાન અંદર દીપડો ઘુસતા ખેડૂતે દીપડાને ઓરડામાં કેદ કર્યો હતો. જશાધાર વન વિભાગને જાણ કરતા વન વિભાગની રેસ્ક્યુ ટીમ દ્વારા રેસ્ક્યુ હાથ ધરાયું હતું. દરવાજામાં પાંજરુ મૂકી દીપડાને લીડ કરવામાં આવ્યું. દીપડો પાંજરે પુરાતા વન વિભાગ અને ખેડૂતો એ રાહતનો શ્વાસ લીધો હતો.
-
અમદાવાદના એરપોર્ટ ટર્મિનલ – 2 પર મહિલા આપઘાતનો કર્યો પ્રયાસ
અમદાવાદના એરપોર્ટ ટર્મિનલ – 2 પર મહિલા આપઘાતનો કર્યો પ્રયાસ. મિત્રને મળવા આવેલ મહિલાએ કર્યો આપઘાતનો પ્રયાસ. એરપોર્ટ ટર્મિનલ -2 પાસે મહિલાએ ફિનાઈલ પી આપઘાતનો પ્રયાસ કર્યો હતો. પ્રેમ પ્રકરણમાં મહિલાએ આપઘાતનો પ્રયાસ કર્યાની આશંકા. એરપોર્ટ પોલીસે વધુ તપાસ હાથ ધરી છે.
-
-
ગુજરાતમાં વિરામ લેતો વરસાદ ! 24 કલાકમાં 203 તાલુકામાં વરસાદ, સૌથી વધુ વલસાડના કપરાડામાં 6 ઈંચ
ગુજરાતમાં શનિવાર સવારના 6 વાગ્યાથી રવિવાર સવારના 6 વાગ્યા સુધીના છેલ્લા 24 કલાકમાં 203 તાલુકામાં હળવો વરસાદ વરસ્યો છે. વિતેલા 24 કલાકમાં સૌથી વધુ વરસાદ વલસાડ જિલ્લાના કપરાડામાં આશરે 6 ઈંચ જેટલો નોંધાયો છે. બનાસકાંઠાના ઓગડમાં પોણાચાર ઈંચથી વધુ વરસાદ વરસ્યો છે. ખેડાના નડિયાદમાં સવા ત્રણ ઈંચ જેટલો વરસાદ નોંધાયો છે.
આજે 26 જુલાઈને રવિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jul 26,2026 7:11 AM
