24 માર્ચના મહત્વના સમાચાર : 14.2ના બદલે 10 કિલોનો સિલિન્ડર કરવાની માત્ર અફવા, પેટ્રોલિયમ મંત્રાલયે કહ્યું કે અફવાઓથી ડરવું નહીં
આજે 24 માર્ચને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
અમદાવાદઃ પેટ્રોલ અંગે સરકારની અપીલની અસર નહીં
-
અમેરિકાની એક રિફાઈનરીમાં બ્લાસ્ટ
અમેરિકાના ટેક્સાસ રાજ્યમાં આવેલા પોર્ટ આર્થર શહેરની એક તેલ રિફાઈનરીમાં પ્રચંડ વિસ્ફોટ થતા ભીષણ આગ ભભૂકી ઊઠી હતી. વિસ્ફોટ બાદ આકાશમાં ધુમાડાના ગોટેગોટા છવાઈ ગયા હતા અને તેની અસર આસપાસના ગ્રોવ્સ અને નેધરલેન્ડ વિસ્તારોમાં પણ જોવા મળી હતી. આ રિફાઈનરી વાલેરો એનર્જીની છે, જેની દૈનિક ક્ષમતા આશરે 3.8 લાખ બેરલ છે. ઘટનાને કારણે વિસ્તારના લોકોમાં ભયનો માહોલ ફેલાયો હતો અને તંત્ર દ્વારા પરિસ્થિતિ કાબૂમાં લેવા તાત્કાલિક પગલાં લેવામાં આવ્યા હતા.
-
-
14.2ના બદલે 10 કિલોનો સિલિન્ડર કરવાની માત્ર અફવા
તાજેતરમાં LPG સિલિન્ડરનું વજન 14.2 કિલોથી ઘટાડીને 10 કિલો કરવામાં આવશે તેવી અફવાઓ સોશિયલ મીડિયા પર ફેલાઈ રહી હતી. આ મુદ્દે પેટ્રોલિયમ મંત્રાલયે સ્પષ્ટતા કરી છે કે આવી કોઈ યોજના નથી અને આ માત્ર અફવા છે. મંત્રાલયે જણાવ્યું કે હાલ જે 14.2 કિલોનું સિલિન્ડર આપવામાં આવે છે તેમાં કોઈ ફેરફાર કરવામાં આવશે નહીં. સાથે જ લોકોએ આવી ભ્રામક માહિતીથી ગેરમાર્ગે દોરાવું નહીં અને અફવાઓથી દૂર રહેવાની અપીલ પણ કરવામાં આવી છે.
-
વડોદરા: પેટ્રોલ પંપ પર નાના વાહન ચાલકોનો હોબાળો
વડોદરા નજીક દામાપુરા ગામ પાસે આવેલા પેટ્રોલ પંપ પર આજે નાના વાહનચાલકોમાં ભારે રોષ જોવા મળ્યો હતો. આરોપ મુજબ પંપ સંચાલકો મોટા વાહનો તેમજ ડ્રમ અને કેરેબામાં મોટી માત્રામાં પેટ્રોલ-ડિઝલ આપી રહ્યા છે, જેના કારણે સામાન્ય ટુ-વ્હિલર ચાલકોને ઇંધણ મળવામાં મુશ્કેલી પડી રહી છે. ડ્રમ અને કેરેબામાં ઇંધણ ભરાવવા પડાપડી થતાં પંપ પર જલ્દી ઇંધણ ખૂટી જવાની આશંકા વ્યક્ત થઈ રહી છે. આ પરિસ્થિતિને કારણે નાના વાહનચાલકોમાં અસંતોષ ફાટી નીકળ્યો છે અને નિયમોનો ભંગ કરીને બોટલ, ડ્રમ અને કેરેબામાં ઇંધણ આપવાનો આરોપ લગાવવામાં આવી રહ્યો છે.
આજે 24 માર્ચને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Mar 24,2026 7:24 AM
