19 ઓક્ટોબરના મહત્વના સમાચાર : છેલ્લા નોરતે સૌરાષ્ટ્ર અને દક્ષિણ ગુજરાતમાં માવઠાની આગાહી
આજે 19 ઓક્ટોબરને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
મુંબઈમાં ફાયરિંગ બાદ સેલિબ્રિટીઝની સુરક્ષા વધારાઈ, સલમાન ખાન પણ પોલીસના સુરક્ષા ઘેરામાં
મુંબઈમાં અભિનેતા ટાઇગર શ્રોફ પર ફાયરિંગની ઘટના બાદ મુંબઈ પોલીસ એલર્ટ મોડ પર આવી છે. ઘટનાને પગલે સેલિબ્રિટીઝની સુરક્ષા વ્યવસ્થા વધુ સઘન બનાવવામાં આવી છે. ટાઇગર શ્રોફના નિવાસસ્થાને ખાસ પોલીસ બંદોબસ્ત તૈનાત કરવામાં આવ્યો છે, જ્યારે જુહુ વિસ્તારમાં પણ VIP સુરક્ષા વધારવામાં આવી છે. ફાયરિંગની ઘટનાને ગંભીરતાથી લઈને પોલીસ દ્વારા સંવેદનશીલ વિસ્તારોમાં સતર્કતા વધારવામાં આવી છે. બીજી તરફ, અભિનેતા સલમાન ખાનની સુરક્ષા પણ વધારવામાં આવી હોવાનું જાણવા મળ્યું છે. સલમાન ખાન સાથે કામ કરનારાઓને ધમકી આપવામાં આવી હોવાના અહેવાલો વચ્ચે પોલીસ સેલિબ્રિટીઝની સુરક્ષાને લઈને વધુ સાવચેત બની છે. સમગ્ર મામલે પોલીસ દ્વારા તપાસ અને સુરક્ષા વ્યવસ્થાની સમીક્ષા કરવામાં આવી રહી છે.
-
મુંબઈમાં અભિનેતા ટાઇગર શ્રોફ પર ફાયરિંગ, લોરેન્સ બિશ્નોઇ ગેંગે લીધી જવાબદારી
મુંબઈમાં અભિનેતા ટાઇગર શ્રોફ પર ફાયરિંગની ઘટના સામે આવી છે. આ ઘટનાનો લાઇવ વીડિયો પણ સામે આવ્યો હોવાનો દાવો કરવામાં આવી રહ્યો છે. મળતી માહિતી મુજબ, ત્રણ હુમલાખોરોએ ટાઇગર શ્રોફને નિશાન બનાવી પાંચ રાઉન્ડ ગોળીબાર કર્યો હતો. જોકે, અભિનેતા ટાઇગર શ્રોફ સંપૂર્ણપણે સુરક્ષિત હોવાનું જણાવાયું છે, જ્યારે ફાયરિંગની ઘટનામાં તેમનો ડ્રાઇવર અને એક રિક્ષાચાલક ઘાયલ થયા છે. ઘટનાને પગલે પોલીસે એક શંકાસ્પદ વ્યક્તિની અટકાયત કરી છે. બીજી તરફ, આ હુમલાની જવાબદારી લોરેન્સ બિશ્નોઇ ગેંગે લીધી હોવાનો દાવો સામે આવ્યો છે. ગેંગ સાથે સંકળાયેલા અનિલ પંડિત અને હરમન સંધૂએ ફાયરિંગની જવાબદારી લીધી હોવાની માહિતી છે. ગેંગસ્ટર અનિલ પંડિતે સોશિયલ મીડિયા પર પોસ્ટ કરીને દાવો કર્યો હતો કે, ટાઇગર શ્રોફને અગાઉ ચેતવણી આપવામાં આવી હતી, પરંતુ તેણે વાત માની નહોતી. પોસ્ટમાં સલમાન ખાન સાથે કામ કરનારાઓને પણ ગંભીર પરિણામો ભોગવવાની ધમકી આપવામાં આવી હોવાનું જણાવાયું છે. જોકે, ગેંગ દ્વારા કરવામાં આવેલા દાવાઓની સત્તાવાર પુષ્ટિ થવી જરૂરી છે. પોલીસે સમગ્ર મામલે તપાસ હાથ ધરી છે.
-
-
અમદાવાદમાં સસ્તા ભાવે ગરબાના પાસ આપવાના નામે ઠગાઈ, બે આરોપી ઝડપાયા
અમદાવાદમાં ગરબાની ટિકિટ સસ્તા ભાવે વેચવાના નામે લોકો સાથે છેતરપિંડી કરવાના કૌભાંડનો પર્દાફાશ થયો છે. સાયબર ક્રાઇમ બ્રાન્ચે આ મામલે બે આરોપીઓની ધરપકડ કરી છે. આરોપીઓ મોંઘા ગરબાના પાસ સસ્તા ભાવે આપવાની લોભામણી જાહેરાતો ઇન્સ્ટાગ્રામ પર મૂકીને લોકોને આકર્ષતા હતા. શહેરમાં યોજાતા 25 જેટલા ગરબા આયોજનોના પાસ વેચવાના નામે આરોપીઓએ લોકોને નિશાન બનાવ્યા હતા અને તેમની પાસેથી હજારો રૂપિયા પડાવ્યા હતા. સોશિયલ મીડિયા પરની જાહેરાતો પર વિશ્વાસ કરીને પાસ ખરીદવા ઇચ્છતા લોકો સાથે આ રીતે છેતરપિંડી આચરવામાં આવતી હતી. સમગ્ર મામલે સાયબર ક્રાઇમ બ્રાન્ચે બંને આરોપીઓને ઝડપી પાડી વધુ તપાસ હાથ ધરી છે. તપાસ દરમિયાન આ કૌભાંડમાં અન્ય કોઈની સંડોવણી છે કે કેમ અને અત્યાર સુધી કેટલા લોકો ભોગ બન્યા છે તે સહિતની વિગતો મેળવવાના પ્રયાસો હાથ ધરવામાં આવ્યા છે.
આજે 19 ઓક્ટોબરને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Oct 19,2026 7:54 AM
