17 મેના મહત્વના સમાચાર : વલસાડના અતુલ ખાતે એક મહિલાનો બાંધેલી હાલતમાં કહોવાયેલો મૃતદેહ
Gujarat Live Updates આજ 17 મેના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો..
LIVE NEWS & UPDATES
-
વલસાડના અતુલ ખાતે એક મહિલાનો બાંધેલી હાલતમાં કહોવાયેલો મૃતદેહ
વલસાડના અતુલ ખાતે એક મહિલાનો બાંધેલી હાલતમાં મૃતદેહ મળી આવ્યો છે. અતુલમાં રેલવે ટ્રેક નજીક વાડીથી અજાણી મહિલાનો ડિકમ્પોઝ હાલતમાં મળ્યો મૃતદેહ. હાથ પગ બાંધેલી હાલતમાં મળ્યો મહિલાનો મૃતદેહ. હત્યાની આશંકા વલસાડ રૂલર અને LCB પોલીસે અલગ અલગ દિશામાં તપાસનો ધમધમાટ શરૂ કર્યો છે. પી.આઈ, DYSP, LCB સહિત જિલ્લા પોલીસના ઉચ્ચ અધિકારીઓ ઘટના સ્થળે પહોચ્યાં છે. મહિલાની ઓળખ કરવા સહિત ડોગસ્ક્વોડ, એફ.એસ.એલ સહિતની ટીમોએ હાથ ધરી તપાસ.
-
કોર્ટના હુકમનો અનાદર બદલ PI ને જ્યૂડીશયલ કસ્ટડીમાં મોકલવા ડિસ્ટ્રીકટ એન્ડ સેશન્સ જજનો આદેશ, DYSP સહિતના પોલીસ અધિકારીની વિનંતીથી પી.આઈનો શરતી જામીન પર છુટકારો
બોરસદના પી.આઈ અને અગાઉ ભાવનગરમાં પી.આઈ તરીકે ફરજ બજાવી ચૂકેલા પી.બી.જાદવ સામે કોર્ટના હુકમના અનાદર અંગે એડિશનલ ડિસ્ટ્રીકટ એન્ડ સેશન્સ જજ રોષે ભરાયા. અગાઉ પાલીતાણામાં ફરજ બજાવી ચૂકેલા પી.આઈને વારંવાર સમન્સ આપવા છતાં હાજર ના રહેતા જજ રોષે ભરાયા. એટ્રોસિટીના કેસમાં પી.આઈ વિરુદ્ધ NBW વોરન્ટ ઈશ્યુ કરવામાં આવ્યું હતું. જેમાં પી.આઈ હાજર ના રહેતા પી.આઈને જ્યૂડીશયલ કસ્ટડીમાં મોકલવા કર્યો આદેશ. પી.આઈને કસ્ટડીમાં મોકલવાના આદેશને લઈ DYSP સહિતના પોલીસ અધિકારીઓ કોર્ટમાં દોડી આવ્યા. ભારે વિનંતી અને કલાકો બાદ જજ એ બોરસદ પી.આઈને શરતી જામીન ઉપર મુક્ત કર્યા. જજ એ ભાવનગર સીટીના તમામ પોલીસ અધિકારીઓને કોર્ટના આદેશનું ચુસ્ત પાલન કરવા માટે આપ્યા આદેશ.
-
આજે 17 મેને રવિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - May 17,2026 7:14 AM
