14 ઓગસ્ટના મહત્વના સમાચાર : જીપીસીબીના અધિકારી અને પત્રકાર હોવાની ખોટી ઓળખ આપી ખંડણી વસૂલતી ગેંગ ઝડપાઈ
Gujarat Live Updates આજ 14 ઓગસ્ટના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો.
LIVE NEWS & UPDATES
-
જીપીસીબીના અધિકારી અને પત્રકાર હોવાની ખોટી ઓળખ આપી ખંડણી વસૂલતી ગેંગ ઝડપાઈ
જૂનાગઢમાંથી જીપીસીબીના અધિકારી અને પત્રકાર હોવાની ખોટી ઓળખ આપી ખંડણી વસૂલતી ગેંગ ઝડપાઈ ગઈ છે. કારખાનું સીલ કરવાની ધમકી આપી રૂપિયા 21 હજાર પડાવ્યા. જૂનાગઢ તાલુકા પોલીસે ગણતરીની કલાકોમાં 3 આરોપીઓની ધરપકડ કરી. બીજી ફરિયાદ એ.ડિવિઝન પોલીસ સ્ટેશનમાં પણ દાખલ કરવામાં આવી છે. જૂનાગઢ શહેરમાં બે પોલીસ સ્ટેશનમાં આ ગેંગ વિરુધ ફરિયાદ દાખલ કરાઈ છે. જેતપુરમાંથી 3 આરોપીઓને ઝડપી પાડ્યા, 2 આરોપી હજુ ફરાર. એજ દિવસે અન્ય કારખાનેદારોને પણ નિશાન બનાવ્યાનું પોલીસ તપાસમાં સામે આવ્યું. કુલ પાંચ વેપારીઓ આ ગેંગના ભોગ બન્યા છે.
-
ભ્રષ્ટાચારમાં ઝડપાયેલ પૂર્વ RAC કેતકી વ્યાસ જેલના સળીયા પાછળ ધકેલાઈ
RAC કેતકી વ્યાસ જેલ હવાલે થઈ છે. જ્યુડિશિયલ કસ્ટડી હેઠળ કેતકી વ્યાસને જેલમાં મોકલી આપવામાં આવી છે. રૂ. 2.29 કરોડથી વધુના અપ્રમાણસર રોકડ વ્યવહાર અને સંપત્તિનો કેસમાં ચાલી કાર્યવાહી હાથ ધરવામાં આવી છે. ACB દ્વારા પોલીસ રિમાન્ડની માંગણી ન કરાતા કોર્ટે જેલ હવાલે કર્યા છે.
-
-
સોમનાથમાં 23 રેસ્ટોરન્ટ અને ખાણી-પીણીની દુકાનમાં 34 કિલો વાસી અને અખાદ્ય ખાદ્ય સામગ્રીનો જથ્થો ઝડપાયો
પવિત્ર શ્રાવણ માસમાં સોમનાથ દાદાના દર્શને આવતા યાત્રાળુ અને ભક્તોના સ્વાસ્થયને ધ્યાને રાખીને, ફૂડ એન્ડ ડ્રગ્સ વિભાગે 23 રેસ્ટોરન્ટ અને ખાણી-પીણીની દુકાનોમાં ચકાસણી હાથ ધરી હતી. 34 કિલો વાસી અને અખાદ્ય ખાદ્ય સામગ્રીનો જથ્થો ઝડપાયો છે. સ્થળ પર જ અખાદ્ય જથ્થાનો નાશ કરવામાં આવ્યો હતો. યાત્રાળુઓના આરોગ્યને ધ્યાનમાં રાખીને હાથ ધરાઈ કાર્યવાહી. નિયમોનું ઉલ્લંઘન કરનાર સામે થશે કડક કાર્યવાહી કરવામાં આવી છે.
આજે 14 ઓગસ્ટને શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Aug 14,2026 7:19 AM
