Breaking News : Asian Games 2026 મિક્સ માર્શલ આર્ટસમાં ભારતે પહેલી વખત જીત્યો મેડલ

Asian Games 2026 : એશિયન ગેમ્સ 2026માં ભારતના ખાતામાં ચોથો મેડલ આવ્યો છે. આ મેડલ ભારત માટે ખુબ ખાસ છે કારણ કે,એશિયન ગેમ્સમાં મિક્સ્ડ માર્શલ આર્ટ્સમાં આ ભારતનો પહેલો મેડલ છે. આ મેડલ સુચિકા તરિયાલે (Suchika Tariyal )જીત્યો છે.

Nirupa Duva | Updated on: Sep 21, 2026 | 10:06 AM

સુચિકા તરિયાલે મિક્સ માર્શલ આર્ટ્સ (MMA)માં બ્રોન્ઝ મેડલ જીતી ઈતિહાસ રચ્યો છે. મહિલાઓની 60 કિગ્રા સેમિફાઇનલમાં સુચિકા તરિયાલને સિંગાપોરની ટીઓ હુઈ હૂનને 2-0 થી હરાવી છે. એશિયન ગેમ્સમાં મિક્સ્ડ માર્શલ આર્ટ્સમાં આ ભારતનો પહેલો મેડલ છે.એશિયન ગેમ્સમાં પ્રથમ વખત MMAનો સમાવેશ કરવામાં આવ્યો હતો.

MMA પહેલીવાર એશિયન ગેમ્સમાં સામેલ

ભારતીય MMA ફાઇટર સુચિકા તરિયાલે 2026 એશિયન ગેમ્સમાં બ્રોન્ઝ મેડલ જીત્યો હતો. એશિયન ગેમ્સમાં આ ભારતનો ચોથો મેડલ છે. અગાઉ, ભારતે શૂટિંગમાં ત્રણ સિલ્વર મેડલ જીત્યા હતા. સુચિકાનો મેડલ શૂટિંગ સિવાયની રમતમાં ભારતનો પહેલો મેડલ છે. MMA ને પહેલીવાર એશિયન ગેમ્સમાં સામેલ કરવામાં આવ્યું હતું. તેથી, સુચિકા તરિયાલની સફળતા નોંધપાત્ર છે.

સુચિકા સેમિફાઇનલના પરિણામથી નારાજ

સુચિકા તરિયાલ તેની સેમિફાઇનલ મેચ હારી ગઈ હતી, પરંતુ તે નિર્ણયથી નારાજ દેખાતી હતી. મેચ પછી જ્યારે તેમણે રેફરી સાથે હાથ મિલાવવાનો ઇનકાર કર્યો ત્યારે આ સ્પષ્ટ થયું. જ્યારે રેફરીએ તેનો હાથ પકડીને વિજેતા જાહેર કરવાનો પ્રયાસ કર્યો, ત્યારે સુચિકાએ ઇનકાર કર્યો. પોતાનું અંતર જાળવી રાખ્યું.

WATCH SUCHIKA CREATE HISTORY

CREDIT @Navinsports https://t.co/KlX0fc06dv

— IndiaSportsHub (@IndiaSportsHub) September 20, 2026

2017માં ડેબ્યૂ અને 7 વર્ષનો બ્રેક

સુચિકા તરિયાલે 2017માં જીત સાથે MMA માં ડેબ્યૂ કર્યું, ત્યારબાદ તેણીએ રમતમાંથી 7 વર્ષનો બ્રેક લીધો, પરંતુ આ સમય દરમિયાન જુડો અને જુ-જિત્સુમાં સફળતાપૂર્વક સ્પર્ધા કરવાનું ચાલુ રાખ્યું. નવેમ્બર 2024માં, તે મહિલા સ્ટ્રોવેઇટ વિભાગમાં BRAVE કોમ્બેટ ફેડરેશન સાથે મલ્ટી-ફાઇટ કરાર પર હસ્તાક્ષર કર્યા. ડિસેમ્બર 2024માં તે બહેરીનમાં BRAVE CF 92માં મિશ્ર માર્શલ આર્ટ્સમાં પાછી ફરી અને જીતી.

સુચિકા એમએમએને તેના માટે માર્શલ આર્ટ્સનું સૌથી સંપૂર્ણ સ્તર ગણાવે છે. તેમણે કહ્યું, “જુડોએ મને એમએમએ માટે તૈયાર કરી. જુડોને કારણે મારી ગ્રાઉન્ડ ફાઇટિંગ અને ગ્રેપલિંગ મજબૂત હતું. મારે ફક્ત મારી સ્ટેન્ડિંગ ગેમ અને સ્ટ્રાઇકિંગ શીખવાની હતી.”

એશિયન ગેમ્સ 2026માં ભારતના મેડલ વિજેતાઓ

1. ઇલાવેનિલ વાલારિવન, સોનમ મસ્કર અને વિધર્ષા વિનોદ – મહિલા 10 મીટર એર રાઇફલ ટીમ ઇવેન્ટ (શૂટિંગ): સિલ્વર

2. ઇલાવેનિલ વાલારિવન – મહિલા 10 મીટર એર રાઇફલ (શૂટિંગ): સિલ્વર

3. રુદ્રાક્ષ પાટિલ, હિમાંશુ ધિલ્લોન અને પાર્થ રાકેશ માને – પુરુષોની 10 મીટર એર રાઇફલ ટીમ ઇવેન્ટ (શૂટિંગ): સિલ્વર

4. સુચિકા તરિયાલ – મહિલા 60 કિગ્રા (MMA) – બ્રોન્ઝ

5. રુદ્રાક્ષ પાટિલ – પુરુષોની 10 મીટર એર રાઇફલ (શૂટિંગ): બ્રોન્ઝ

6. હિમાંશુ ધિલ્લોન – પુરુષોની 10 મીટર એર રાઇફલ (શૂટિંગ): સિલ્વર

લોકપ્રિય ટીવી શોમાં જોવા મળી

સુચિકા તરિયાલની જુડોમાં સફળતાએ તેમની લોકપ્રિયતામાં પણ વધારો કર્યો છે. ચાર વિશ્વ ચેમ્પિયનશિપ અને 30 થી વધુ આંતરરાષ્ટ્રીય સ્પર્ધાઓમાં દેશનું પ્રતિનિધિત્વ કરવા બદલ, તેમજ તેમની એથ્લેટિક શ્રેષ્ઠતા, યુવાનો પર પ્રભાવ અને મહિલા સશક્તિકરણનું ઉદાહરણ આપવા બદલ, તેમને ભારતના રાષ્ટ્રપતિ અને વડા પ્રધાન દ્વારા સન્માનિત કરવામાં આવ્યા છે. તરિયાલ એમટીવી રોડીઝ અને પ્રાઇમ વિડીયોના “ઇન્ડિયાઝ અલ્ટીમેટ વોરિયર” જેવા લોકપ્રિય ટીવી શોમાં પણ જોવા મળી છે.