08 સપ્ટેમ્બરના મહત્વના સમાચાર : ગુજરાત વિધાનસભાના ચોમાસુ સત્રનો બુધવાર 9 સપ્ટેમ્બરથી થશે પ્રારંભ

બુધવાર 9 સપ્ટેમ્બરે વિધાનસભાના ચોમાસુ સત્રનો થશે પ્રારંભ

ગુજરાત વિધાનસભાનુ આવતીકાલ 9મી સપ્ટેમ્બરથી ત્રણ દિવસ માટે ચોમાસુ સત્રનો પ્રારંભ થશે. વિધાનસભાના ચોમાસુ સત્ર પહેલા 10 વાગ્યે ભાજપની વિધાનસભા પક્ષની બેઠક મળશે. જ્યારે કોંગ્રેસ દ્વારા સત્યાગ્રહ છાવણી ખાતે જન આક્રોશ સભાનું યોજાશે.

મહિસાગરના સંતરામપુરના ઝાલદડા ગામે પિતાએ પોતાના 3 વર્ષના સગા દીકરાને કૂવામાં ફેંકી દઈ મોતને ઘાટ ઉતાર્યો

મહીસાગરમાં કળયુગી પિતાએ પોતાના 3 વર્ષના સગા દીકરાને કૂવામાં ફેંકી દઈ મોતને ઘાટ ઉતાર્યો. મહીસાગરમાં પિતાએ 3 મહિનાના માસૂમ પુત્રને કૂવામાં ફેંકી મોતને ઘાટ ઉતાર્યો. સંતરામપુરના ઝાલદડા ગામે કાળજું કંપાવી દે તેવી ઘટના. પત્ની સાથેના ઝઘડા અને ચારિત્ર્ય પર શંકા રાખી પિતાએ જ પોતાના 3 માસના વહાલસોયા પુત્ર લવ્યાંશની હત્યા કરી. પિયર જવાની બાબતે થયો હતો ઝઘડો. પત્ની વારંવાર પિયર કેમ જાય છે તેવી તકરાર કરી.  આવેશમાં આવી પિતા આશીષ ભુરીયાએ પુત્રને ઘર નજીકના કૂવામાં ફેંકી દીધો. માસૂમનું ડૂબી જવાથી કરુણ મોત નીપજ્યું. બાળકની લાશ કૂવામાંથી બહાર કાઢી પોસ્ટમોર્ટમ અર્થે મોકલાઈ. પત્ની હિનાબેનની ફરિયાદના આધારે સંતરામપુર પોલીસે આરોપી પિતા સામે હત્યાનો ગુનો નોંધી આગળની તપાસ હાથ ધરી.

ડીસાના નહેરુનગરમાંથી પોલીસે 316 ગ્રામ ગાંજો ઝડપ્યો

બનાસકાંઠાના ડીસાના નહેરુનગરમાંથી ગાંજો ઝડપાયો. ડીસા ઉત્તર પોલીસે અમરત ઠાકોરના ઘરેથી ગાંજો ઝડપી પાડ્યો. પોલીસે 316 ગ્રામ ગાંજો, કિંમત રૂ. 15,800નો મુદ્દામાલ કબજે કર્યો. પોલીસે આરોપી અમરત ઠાકોરને ઝડપી પાડી વધુ તપાસ હાથ ધરી. સમગ્ર મામલે વધુ તપાસ ડીસા રૂરલ પોલીસને સોંપવામાં આવી

પુતિન 11 સપ્ટેમ્બરે પીએમ મોદીને મળશે: ક્રેમલિન

રશિયાના રાષ્ટ્રપતિ વ્લાદિમીર પુતિન ભારતની મુલાકાતે આવી રહ્યાં છે. તેઓ અહીં બ્રિક્સ સમિટમાં ભાગ લેશે. ક્રેમલિનના પ્રવક્તા દિમિત્રી પેસ્કોવે જણાવ્યું હતું કે, પુતિન 11 સપ્ટેમ્બરે દિલ્હીમાં પીએમ મોદી સાથે દ્વિપક્ષીય બેઠક કરશે.

સુરતના ભાટપોરમાંથી દૂઘાળા પશુઓ ચોરીને બારોબાર વેચી મારતા આરોપી ઝડપાયા

સુરતના ભાટપોરમાંથી 7 લાખની કિંમતના 11 પશુની ચોરી થવા પામી છે. ઈચ્છાપોર પોલીસ મથક વિસ્તારમાંથી પશુઓની ઉઠાંતરીની ઘટના બની છે. ખુલ્લી જગ્યામાં ચરવા મુકેલા પશુઓની ચોરી થતા ફરિયાદ કરાઈ છે. પ્રકાશ ઉર્ફે પકો અને સરતાન ઉર્ફે ભરત રબારી સામે ફરિયાદ નોંધાઈ છે. ઈચ્છાપોર પોલીસે ત્રણ શખ્સોને રોકડ મુદ્દામાલ સાથે ઝડપી પાડ્યા છે. ચોરી કરેલી ભેંસો વેચી મેળવેલા 3 લાખ રોકડા કબજે કર્યાં છે. સર્વેલન્સ ટીમે ખાનગી બાતમીના આધારે ગણતરીના સમયમાં કાર્યવાહી કરી. પોલીસે ભેંસ ચોરીનો ગુનો ઉકેલી ટોળકીને ઝડપી પાડી. આરોપીઓ અન્ય ચોરીમાં સંડોવાયેલા છે કે કેમ તપાસ શરૂ. BNS કલમો હેઠળ ગુનો નોંધી પોલીસે વધુ તપાસ હાથ ધરી

પીએમ મોદીને મળીને ધ્રુસકે ધ્રુસકે રડી પડી જૂનાગઢની વિશ્વા

વડોદરા ખાતે પીએમ મોદીને મળીને જૂનાગઢની વિશ્વા ધ્રુસકે ધ્રુસકે રડી પડી હતી. SAG માં ચેસ કોચ એવી  જૂનાગઢની વિશ્વા વડોયાએ કહ્યું,”આજે મેં ભગવાનને જોયા”. SAG માં ચેસ કોચ વિશ્વા મોદીને ભગવાન માને છે. “મોદીએ શરૂ કરેલ ખેલ મહાકુંભને કારણે મને નોકરી મળી તેવુ વિશ્વાનું કહેવું છે. “મારો આખો પરિવાર મોદીજીને ભગવાન માને છે”. “આજનો દિવસ હું મારી જિંદગીમાં ક્યારેય નહીં ભૂલું”  “નરેન્દ્ર મોદીએ, છોકરીઓને ગામડામાંથી બહાર કાઢી અહીંયા સુધી પહોંચાડી.

જામનગરના 25 ડેમમાં માત્ર 10 ટકા પાણી, નર્મદાના પાણીની માગણી

જામનગર જિલ્લામાં ચોમાસા દરમિયાન ઓછો વરસાદ થતાં જળાશયોમાં પાણીની આવક ઘટી છે. જિલ્લાના 25 ડેમમાં હાલ માત્ર 10 ટકા જેટલો જ પાણીનો જથ્થો ઉપલબ્ધ હોવાનું સામે આવ્યું છે. આગામી સમયમાં પીવાના પાણીની સમસ્યા ન સર્જાય તે માટે નર્મદાના પાણીની માગણી કરવામાં આવી છે. પાણીની અછતને પહોંચી વળવા સૌની યોજના હેઠળ જિલ્લાના 6 મુખ્ય ડેમમાં નર્મદાનું પાણી આપવામાં આવશે.

PM મોદી નવસારીની મુલાકાતે, ‘નમો કમલમ’નું કર્યું લોકાર્પણ

જામનગરના બેડીમાં બે જૂથ વચ્ચે બબાલ, છૂટાહાથે મારામારી બાદ પથ્થરમારો

જામનગરના બેડી વિસ્તારમાં બે જૂથ વચ્ચે છૂટાહાથે મારામારીની ઘટના સામે આવી છે. કોઈ મુદ્દે બોલાચાલી થયા બાદ બંને જૂથ સામસામે આવી ગયા હતા અને મામલો ઉગ્ર બન્યો હતો. આ દરમિયાન કેટલાક શખ્સો દ્વારા પથ્થરમારો કરવામાં આવ્યો હોવાની પણ માહિતી સામે આવી છે. ઘટનાને પગલે વિસ્તારમાં તંગદિલીનો માહોલ સર્જાયો હતો.

બનાસકાંઠાના આકોલી ગામે દારૂબંધીનો સંકલ્પ, દારૂ વેચનારનો બહિષ્કાર

બનાસકાંઠાના દાંતીવાડાના આકોલી ગામે ગ્રામજનોએ દારૂના દૂષણને ડામવા મહત્વનો નિર્ણય લીધો છે. ઉપસરપંચની આગેવાનીમાં સર્વ સમાજની બેઠક યોજાઈ હતી, જેમાં મહંત સદાનંદજી મહારાજની ઉપસ્થિતિમાં ગામને નશામુક્ત બનાવવાનો સંકલ્પ લેવાયો હતો. ગ્રામજનોએ દારૂ બનાવનાર અને વેચનારનો બહિષ્કાર કરવાનો તેમજ દારૂ અંગે માહિતી આપનારની સુરક્ષાની જવાબદારી લેવાનો નિર્ણય કર્યો છે. દારૂ વેચાણ અંગે માહિતી મળતા પોલીસને જાણ કરી કાયદેસરની કાર્યવાહી કરાવવામાં આવશે. સાથે જ યુવાનો અને ગ્રામજનોને નશાથી દૂર રાખી શિક્ષણ અને સંસ્કાર તરફ વાળવાનો સંકલ્પ પણ લેવાયો છે.

વડોદરાને ચોખ્ખુ ચણાક રાખવા PM મોદીની વડોદરાવાસીઓને અપીલ

વડોદરા વાસીઓએ મારુ એક કામ કરવુ પડે તેમ કહીને વડાપ્રધાન મોદીએ કહ્યું કે, હવે આપણે નક્કી કરીએ કે વડોદરાને ગંદુ થવા જ નથી દેવું. જો આ સંકલ્પ કરીએ તો વડોદરા ગંદુ થાય. ગણેશ ઉત્સવ, નવરાત્રી, દિવાળી ચોક્ખી જાય. તેમ વડાપ્રધાન નરેન્દ્ર મોદીએ જણાવ્યું હતું.

જુઠ્ઠાણા ફેલાવનારા દરેક ચાર રસ્તા પર મળી જશે, પરંતુ આજનો યુવાન સચ્ચાઈના હુંકારની સાથે ચાલી રહ્યો છેઃ PM મોદી

જુઠ્ઠાણા ફેલાવનારા દરેક ચાર રસ્તા પર મળી જશે પરંતુ સચ્ચાઈના હુંકારની સાથે ભારતનો યુવાન ચાલી રહ્યો છે. સોલાર, વીન્ડ, હાઈડ્રો સેકટર પર સરકાર કેટલા ફોક્સથી કામ થાય છે તે યુવા જોઈ રહ્યો છે. ઈલેક્ટ્રીક ઈકો સિસ્ટમ પર આવનાર સમય નિર્ભર રહેશે. ડેટા સેન્ટ્રર, ચીપ સેકટરનો ખોરાક ઈલેક્ટ્રીક ક્ષેત્ર જ છે. તેની જરૂરીયાત આજે પૂરી કરવી પડશે. દેશના યુવાનોનુ ભવિષ્ય સુરક્ષિત કરવા માટે સરકાર કામ કરી રહી  છે. દુનિયા ઝડપથી બદલાઈ રહી છે ડિગ્રીની સાથે સ્કીલ ઉપર ફોક્સ થઈ રહ્યો છે.

ચિપથી શીપ સુધીની નવી ગાથા ભારત લખી રહ્યું છે: PM મોદી

ચિપથી શીપ સુધીની નવી ગાથા ભારત લખી રહ્યું છે. પૂર્જા અને પ્રોડકશન પણ ભારતનું છે. હવે સોલર પાવર ક્ષેત્રે પણ આવુ જ છે. કડાણા ડેમમાં ફ્લોટીગ સોલાર પેનલ 200 ગીગાવોટથી વધુની શક્તિ ઉભી કરી શક્યા છીએ. 55 લાખ પરિવાર છત પર સોલાર પ્લાન્ટ લગાવી ચૂક્યા છે. 11 લાખ પરિવાર ગુજરાતના છે.

2014 પછી ભારતે 50,000 આધુનિક રેલ કોચ બનાવ્યા, જૂની સરકાર 50,000 ટોઈલેટ નહોતી બનાવી શકતી

વડોદરામાં વડાપ્રધાન નરેન્દ્ર મોદીએ, ઝેન જી સહીત વડોદરાવાસીઓને સંબોધન કરતા કહ્યું કે, વડોદરા એ MSME નું હબ બન્યું છે. જ્યોતિ, એલમ્બિક, જીએનએફસી જ હતું. આજે ક્યાથી ક્યા પહોચ્યું છે. આજે મેડ ઈન ઈન્ડિયા મીલીટરી એરક્રાફ્ટ માટે ઓળખાય છે. મેન્યુફેકટરીગની વાત થઈ રહી છે ત્યારે રેલ કોચ મેટ્રોકોચ બનાવવા માટે 2014 પછી ભારતે 50,000 આધુનિક રેલ કોચ બનાવ્યા છે. જૂની સરકાર 50,000 ટોઈલેટ નહોતી બનાવી શકતી.

ડેડીકેટેડ ફ્રેઈટ કોરીડોરથી ફૂંફાજી ટ્રકવાળાનુ ગાણું ગાશે, ડેડીકેટેડ ફ્રેઈટ કોરીડોરે ફૂંફાજીને નવું કામ આપી દીધી: PM મોદી

વડાપ્રધાન નરેન્દ્ર મોદીએ, વડોદરામાં વિવિધ વિકાસ કાર્યોનું લોકાપર્ણ અને શિલાન્યાસ કર્યા બાદ યુવા અને ઝેન જીને સંબોધતા કહ્યું કે, નારાજ ફૂંફાજી ચિલ્લાશે કે ટ્રકવાળાનું શુ થશે. ફુફાજીને કામ મળી ગયું છે. પહેલા વર્ષમાં એક-બા ટ્રેન આપવામા આવતી અને તેનો ઢોલ પીટવામાં આવતો. આજે વર્ષમાં અનેક ટ્રેન શરૂ થઈ રહી છે.

ડેડીકેટેડ ફ્રેઈટ કોરીડોર માટે ઈન્વેસ્ટમેન્ટ એક ટ્રેક પર કર્યું, ફાયદો અનેક ક્ષેત્રે થયોઃ PM મોદી

ઈસ્ટર્ન અને વેસ્ટર્ન ડેડીકેટેડ ફ્રેઈટ કોરીડોર જીવનરેખા છે. ટ્રાન્સપોર્ટ સેકશનની કાયાકલ્પ કર્યું છે. આ જ ટ્રેક પર માલગાડી, પેસેન્જર ટ્રેન ચાલતી હતી. પરંતુ ડેડીકેટેડ ફ્રેઈટ કોરીડોર સ્થિતિ બદલી નાખી છે. ઈસ્ટર્ન અને વેસ્ટર્ન ડેડીકેટેડ ફ્રેઈટ કોરીડોર રોજની 430થી વધુ માલગાડી દોડે છે. ટ્ર્કનું ઈંઘણ બચી રહ્યું છે. રોકાણ એક ટ્રેક પર કર્યું અને ફાયદો અનેક થયો.

કોંગ્રેસના રાજમાં તમારી 2-3 પેઢી વીતી ગઈ હોત તો પણ ફ્રેઈટ કોરીડોરનું કામ ના થાતઃ PM મોદી

લાલ કિલ્લા પરથી ઉચ્ચારેયાલ સપ્તધારામાં એક ધારા ગતિશક્તિની પણ છે. વિકસીત ભારત માટે એક એવી શક્તિ જોઈએ. જે જમાના અનુસાર તેજ હોય. વડોદરા તો ગતિશક્તિ યુનિવર્સિટીનું શહેર છે. આ ડેડેકેટીડ ફ્રેઈટકોરિડોર એ વાતનો સાક્ષી છે કે, દેશની કામ કરવાની શક્તિ કેવી રીતે બદલાઈ છે. 2004માં  આનો વિચાર શરૂ થયો હતો. અહી બેઠેલાઓનો કોઈનો જન્મ પણ થયો નહોતો. 2006માં કંપની બનાવાઈ પણ 2014 સુધી ફાઈલ એક જગ્યાએથી બીજા ટેબલ સુધી યાત્રા કરી રહી હતી. 2014માં મને દિલ્હી મોકલ્યો. સાત-આઠ વર્ષમાં એક કિલોમીટર ફ્રેઈટ કેરીડોરનું કામ પૂર્ણ નહોતું થયું તેમના સમયમાં તમારી બે-ત્રણ પેઢી ચાલી જાત તો પણ કામ ના થાત.

ગણેશ ઉત્સવ અને પછી નવરાત્રીમાં બધાનું ધ્યાન વડોદરા ઉપર હોય છે: PM મોદી

ગુજરાતની એક દિવસની મુલાકાતે આવેલા વડાપ્રધાન નરેન્દ્ર મોદીએ, ગુજરાત પ્રવાસના પ્રારંભે વડોદરામાં ઝેન જીને સંબોધન કરતા કહ્યું કે, મહારાજા સયાજીરાવ ગાયકવાડ યુનિવર્સિટીના મેદાનમાં વિકાસનો ઉત્સવ છે. અહીં બધુ એકસાથે થઈ રહ્યું છે. દેશના વિકાસની સાથે જોડાયેલા હજારો કરોડો રૂપિયાનું શિલાન્યાસ લોકાર્પણ થયું છે. વિકાસ પર્વ પર દેશવાસીઓને અભિનંદન પાઠવું છુ. સ્વચ્છતાથી સ્વાગત અભિયાન હાથ ધર્યું છે તે માટે વડોદરાવાસીઓનો આભાર. તમે જે રંગ દર્શાવ્યો છે તેનાથી સીના ચોડા થઈ ગયુ છે. ગણેશ ઉત્સવ અને પછી નવરાત્રીમાં બધાનું ધ્યાન વડોદરામાં હોય છે.

પીએમ મોદીની દુરદેશીતાનો લાભ ગુજરાતને છેલ્લા 25 વર્ષથી મળી રહ્યો છેઃ ભૂપેન્દ્ર પટેલ

વડોદરામાં ઝેન જીને સંબોધન કરતા ગુજરાતના મુખ્ય પ્રધાન ભૂપેન્દ્ર પટેલે કહ્યું કે, સ્વચ્છતાથી સ્વાગત અભિગમ વડાપ્રધાને અપનાવ્યો છે. પીએમ મોદીના ત્રીજા કાર્યકાળ દરમિયાન ભારત વિશ્વની ત્રીજી મોટી આર્થિક મહાસત્તા બનવા તરફ આગળ વધી રહ્યું છે. 1 લાખ 78 હજાર કરોડ સુધી ડિફેન્સ બજેટ પહોચ્યું છે. ટ્રાન્સપોર્ટથી કનેકટિવીટીના કામ તેઓ આજે લોકાર્પણ કરશે. પીએમ મોદીના શાસનકાળમાં ઈ લોજીસ્ટીકનું સમગ્ર મોડલ બદલાઈ ગયું છે. વિઝનરી નેતૃત્વ દેશને મળે તો અશક્ય કામ પણ શક્ય થઈ શકે છે તે તેમણે સાબિત કર્યું છે. ગુજરાતને પીએમ મોદીના દુરદેશીતાનો લાભ છેલ્લા 25 વર્ષથી મળી રહ્યો છે.

વડોદરામાં રેલવે પ્રધાને ઝેન-જીને કહ્યું- આ એવી જનરેશન છે જેમણે વંદે ભારતમાં પહેલી મુસાફરી કરી

રેલવે પ્રધાન અશ્વિની વૈષ્ણવે કહ્યું કે, ફ્રેઈટ કોરિડોરનુ 2014 પહેલા એક કિલોમીટર પણ લાઈન નહોતી નંખાઈ. પહેલો ફેઝ 2020માં પૂર્ણ થયો. આજે દાદરીથી ફ્રેઈટ કોરિડોરનુ લોકાપર્ણ કરાશે. આ તમારા જનરેશનનુ કામ છે. આ પહેલી જનરેશન છે જેમણે વંદેભારતમાં મુસાફરી કરી છે. હવે સ્લીપર વંદેભારત આવી રહી છે.

વડોદરામાં પીએમ મોદી યુવા ઝેન-જી ને રેમ્પ પરથી સંબોધન કરશે

વડાપ્રધાન નરેન્દ્ર મોદીએ આજે ગુજરાતની એક દિવસીય મુલાકાતના પ્રારંભે વડોદરામાં યુવા ઝેન-જી ને સંબોધન કરશે. વડોદરામાં તેઓ રેમ્પ ઉપર ચાલતા ચલતા યુવાઓ સાથે વાતચીત કરશે.

દુષ્કર્મી આસારામને જામીન આપવા ગુજરાત હાઇકોર્ટનો ઇન્કાર

દુષ્કર્મી આસારામને વધુ એક વખત રાહત આપવા ગુજરાત હાઇકોર્ટે ઇન્કાર કર્યો છે. જોધપુર જેલમાં બંધ દુષ્કર્મી આસારામે, ગુજરાત હાઈકોર્ટમાં કરી હતી જામીન અરજી. હાઇકોર્ટની ડીવીઝનલ બેન્ચે રાહત આપવા કર્યો ઇન્કાર. સરકાર તરફે GP (ગવેર્નમેન્ટ પ્લેડર) હાર્દિક દવેએ જામીન આપવા સામે દર્શાવ્યો હતો વિરોધ. હાર્દિક દવેની રજૂઆતોને ધ્યાને રાખીનવે આસારામને જામીન અંગે હાઇકોર્ટે આપ્યો ચુકાદો.

જૂનાગઢની સરકારી શાળામાં ઉર્સ ઉજવણીનો પ્રસાદ વહેંચતા વિવાદ

જુનાગઢ સરકારી શાળામાં ઉર્સ ઉજવણીનો પ્રસાદ વહેંચતા વિવાદ સર્જાયો હતો. વણઝારી ચોક ખાતે આવેલ ધાર્મિક સ્થાનના ઉર્સની હતી ઉજવણી. વણઝારી પ્રાથમિક શાળામાં પ્રસાદમાં મીઠા ભાતની વહેંચણી થઈ હતી. જે અંગે શિક્ષણાધિકારીએ તુરંત પહોંચી બધો સામાન અને લોકોને બહાર નીકળી જવાનાં આપ્યા હતાં આદેશ. DEO એ આ અંગે શાળાના સંચાલકો તેમ જ જવાબદાર વ્યક્તિઓ સામે કરવામાં આવી તપાસ. આવી કોઈ લેખિત મંજૂરી ન હતી પરંતુ સરકારી શાળામાં આવી પ્રવૃતિ કરી શકાતી નથી. આથી સૂચના આપી હવે પછી આવું ના બને તેની ખાસ તકેદારી રાખવા સૂચના આપવામાં આવી.

રાજકોટ લોધિકા સંઘની ચૂંટણી પહેલા હાઈવોલ્ટેજ ડ્રામા, 19 મતદારોએ મતદાન કર્યું

રાજકોટ લોધિકા ખરીદ-વેચાણ સંઘની ચૂંટણી પહેલા હાઈવોલ્ટેજ ડ્રામા જોવા મળ્યો છે. કુલ 21 મતદારોમાંથી 19 મતદારોએ પોતાના મતાધિકારનો ઉપયોગ કર્યો છે, જ્યારે હજુ બે મતદારોનું મતદાન બાકી છે. કુવાડવા અને ખોખદડ બેઠક પર એક-એક મતદાર દ્વારા મતદાન કરવાનું બાકી છે. સંઘની કુલ 15 બેઠકોમાંથી 10 બેઠકો બિનહરીફ થઈ ચૂકી છે, જ્યારે બાકી રહેલી 5 બેઠકો માટે આજે મતદાન પ્રક્રિયા હાથ ધરાઈ રહી છે.

નવસારીમાં PM મોદીના હસ્તે ‘નમો કમલમ’નું ઉદઘાટન, 5 હજારથી વધુ બુદ્ધિજીવીઓ સાથે સંવાદ

વડાપ્રધાન નરેન્દ્ર મોદી આજે નવસારીમાં નવનિર્મિત જિલ્લા ભાજપ કાર્યાલય ‘નમો કમલમ’નું ઉદઘાટન કરશે. આશરે રૂ.10 કરોડના ખર્ચે તૈયાર કરાયેલું આ કાર્યાલય દેશનું પ્રથમ AIથી સજ્જ ભાજપ કાર્યાલય હોવાનો દાવો કરવામાં આવ્યો છે. ઉદઘાટન બાદ PM મોદી 5 હજારથી વધુ બુદ્ધિજીવીઓ સાથે સંવાદ કરશે, જેમાં ડોક્ટર, એન્જિનિયર, શિક્ષકો સહિત વિવિધ ક્ષેત્રના લોકો અને ભાજપના કાર્યકરો સાથે પણ સંવાદ યોજાશે.

રાજકોટમાં લોધિકા ખરીદ-વેચાણ સંઘની ચૂંટણી, 5 બેઠકો માટે આજે મતદાન

રાજકોટના લોધિકા ખરીદ-વેચાણ સંઘની ચૂંટણી માટે આજે જૂની કલેક્ટર કચેરી ખાતે મતદાન યોજાઈ રહ્યું છે. કુલ 15 બેઠકોમાંથી 10 બેઠકો બિનહરીફ થયા બાદ બાકીની 5 બેઠકો માટે મતદારો મતદાન કરશે. માધાપર, કુવાડવા, ત્રંબા, ખોખડદળ અને પાડાસણ બેઠક પર ઉમેદવારો વચ્ચે ચૂંટણી જંગ જામ્યો છે. કુવાડવા બેઠક પર પૂર્વ મંત્રી અરવિંદ રૈયાણી સામે નીતિન ચોવટિયા મેદાનમાં છે, જ્યારે માધાપર બેઠક પર પૃથ્વીસિંહ જાડેજા અને વિજય સખિયા વચ્ચે ટક્કર છે. ખોખડદળ બેઠક પર બાબુ નશીત અને હરજી પીપળિયા, ત્રંબા બેઠક પર નીતિન રૈયાણી અને અનિરુદ્ધસિંહ જાડેજા તેમજ પાડાસણ બેઠક પર ધીરુ રોકડ અને મહેશ આસોદરિયા વચ્ચે ચૂંટણી જંગ છે.

અમરેલીમાં સિંહબાળનું કરુણ મોત, જાળીમાં ફસાતા શ્વાસ રૂંધાયો

અમદાવાદમાં રિક્ષાચાલકોની હડતાળનો બીજો દિવસ, મિશ્ર પ્રતિસાદ

અમદાવાદમાં રિક્ષાચાલકોની હડતાળનો આજે બીજો દિવસ છે, જોકે હડતાળને મિશ્ર પ્રતિસાદ મળી રહ્યો છે. શહેરમાં મોટા ભાગના રિક્ષાચાલકો હડતાળમાં જોડાયા નથી અને રાબેતા મુજબ રિક્ષા સેવા ચાલુ જોવા મળી રહી છે. બીજી તરફ, સાબરમતી રેલવે સ્ટેશન પર કેટલાક રિક્ષાચાલકો પેસેન્જરો પાસેથી ચાર ગણું ભાડું વસૂલતા હોવાની ફરિયાદો સામે આવી છે. પેસેન્જરોને હેરાનગતિ ન થાય તે માટે પોલીસે વિવિધ સ્થળોએ પોલીસ પોઈન્ટ ગોઠવીને દેખરેખ વધારી છે. અગાઉ હડતાળના પ્રથમ દિવસે પેસેન્જરોને હેરાન કરતા 13 રિક્ષાચાલકો સામે કાર્યવાહી કરવામાં આવી હતી. શહેરમાં રિક્ષા સેવા અને મુસાફરોની સુવિધાને લઈને પોલીસ દ્વારા સતત નજર રાખવામાં આવી રહી છે

અમેરિકામાં મેરી વાવાઝોડાનો ખતરો, દક્ષિણ કેલિફોર્નિયામાં હાઈ સર્ફ અને પૂરની ચેતવણી

અમદાવાદમાં તહેવાર ટાણે AMCની મોટી કાર્યવાહી, 3 એકમ સીલ

અમદાવાદમાં તહેવારોના સમયગાળા વચ્ચે AMCના ફૂડ વિભાગે ખાદ્ય પદાર્થો સામે મોટી કાર્યવાહી કરી છે. માધુપુરાના મહાવીર ઘી ભંડારમાંથી 1,140 કિલો ઘીનો જથ્થો સ્થગિત કરાયો છે, જ્યારે રામસન્સ અને નોવા ઘીના સેમ્પલ સબ-સ્ટાન્ડર્ડ જાહેર થયા છે. વટવા, વેજલપુર અને ચાંદલોડિયામાં કાર્યવાહી કરીને કુલ 3 એકમ સીલ કરવામાં આવ્યા છે. વટવાના એમ.એમ. ફૂડ પ્રોડક્ટ્સમાંથી લાઇસન્સ વગર અને અસ્વચ્છ સ્થિતિમાં ઉત્પાદિત 2,516 કિલો સોસ, ચટણી અને કોર્ન ફ્લોરનો જથ્થો અટકાવાયો છે. વેજલપુરના શ્રી માતેશ્વરી ચવાણા એન્ડ સ્વીટ માર્ટમાં નમકીનમાં પ્રતિબંધિત સિન્થેટિક ફૂડ કલરનો ઉપયોગ સામે આવતા 150 કિલો નમકીન જપ્ત કરાયું છે. ચાંદલોડિયાના ગુજરાત ફ્રાય સેન્ટર સામે પણ લાઇસન્સ વગર અને અસ્વચ્છ સ્થિતિમાં ખાદ્ય વ્યવસાય કરવા બદલ કાર્યવાહી કરાઈ છે. સમગ્ર કાર્યવાહીમાં કુલ 3,806 કિલો ખાદ્ય જથ્થો વેચાણથી અટકાવવામાં આવ્યો છે, જેની કિંમત રૂ.9.22 લાખ હોવાનું સામે આવ્યું છે.

PM મોદીનો એક દિવસીય ગુજરાત પ્રવાસ, જાણો કયા સમયે ક્યાં પહોંચશે!

વડાપ્રધાન નરેન્દ્ર મોદી આજે એક દિવસીય ગુજરાત પ્રવાસે આવી રહ્યા છે. તેઓ બપોરે 12 વાગ્યે વડોદરા એરપોર્ટ પર પહોંચશે અને બપોરે 12થી 1:15 વાગ્યા સુધી કાર્યક્રમ સ્થળે હાજરી આપશે. ત્યારબાદ બપોરે 2 વાગ્યે નવસારી પહોંચશે, જ્યાં બપોરે 2:45થી 4 વાગ્યા સુધી ‘નમો કમલમ્’ કાર્યાલયના ઉદ્ઘાટન કાર્યક્રમમાં હાજરી આપશે. પ્રવાસ પૂર્ણ કરીને સાંજે 4:30 વાગ્યે સુરત એરપોર્ટથી મુંબઈ જવા રવાના થશે.

ગુજરાતમાં PM મોદીનો ધમાકેદાર પ્રવાસ, વડોદરાને ₹35 હજાર કરોડથી વધુની ભેટ આપશે!

વડાપ્રધાન નરેન્દ્ર મોદી આજે ગુજરાત પ્રવાસે આવી રહ્યા છે. પ્રવાસ દરમિયાન તેઓ વડોદરા અને નવસારીના વિવિધ કાર્યક્રમોમાં હાજરી આપશે. વડોદરામાં PM મોદી ₹35 હજાર કરોડથી વધુના વિકાસકાર્યોની ભેટ આપશે. આ ઉપરાંત વિવિધ રેલવે પ્રોજેક્ટ્સનું શિલાન્યાસ અને ઉદઘાટન તેમજ નેશનલ હાઇવે પ્રોજેક્ટ્સનું શિલાન્યાસ કરશે. નવસારીમાં જિલ્લા ભાજપ કાર્યાલય ‘નમો કમલમ્’નું ઉદઘાટન પણ વડાપ્રધાન કરશે. જ્યારે વડોદરામાં PM મોદી GEN Z સાથે સંવાદ કરીને યુવાનો સાથે સીધી વાતચીત કરશે.