હોસ્પિટાલિટી ક્ષેત્રમાં 10 લાખ નોકરીઓની તક મળવાની અપેક્ષા, કોરોના બાદ ઉદ્યોગમાં પ્રતિભાની માંગમાં વધારો
હોસ્પિટાલિટી સેક્ટરમાં થોડા વર્ષોમાં લગભગ 10 લાખ નોકરીઓ ઉમેરવાની અપેક્ષા છે. કોરોના બાદ રિકવર થયેલું આ ક્ષેત્ર પ્રતિભાઓની ભારે અછતનો સામનો કરી રહ્યું છે.
હોસ્પિટાલિટી સેક્ટરમાં થોડા વર્ષોમાં લગભગ 10 લાખ નોકરીઓ ઉમેરવાની અપેક્ષા છે. કોરોના બાદ રિકવર થયેલું આ ક્ષેત્ર પ્રતિભાઓની ભારે અછતનો સામનો કરી રહ્યું છે. રેન્ડસ્ટેડ ઇન્ડિયાના ડિરેક્ટર સંજય શેટ્ટીએ જણાવ્યું હતું કે ઉદ્યોગમાં પ્રતિભાની માંગ અને પુરવઠા વચ્ચેનો તફાવત 55-60 ટકા છે.
શેટ્ટીએ કહ્યું કે, મહામારી પછી નોકરીઓમાં ઉછાળાને કારણે પ્રતિભાની માંગમાં ઘટાડો થયો છે. આ ગતિ આગામી કેટલાક વર્ષો સુધી ચાલુ રહી શકે છે. તેના કારણે ઓછામાં ઓછી 10 લાખ નોકરીઓનું સર્જન થશે. હોસ્પિટાલિટી ક્ષેત્રના નિષ્ણાતોના મતે કેટલીક કંપનીઓ હાલની પ્રતિભાને સુધારી રહી છે. માંગને પહોંચી વળવા તેઓ અન્ય ઉદ્યોગોમાંથી પણ ભરતી કરી રહ્યા છે. આ કારણે અન્ય ક્ષેત્રોએ સ્પર્ધાત્મક પગાર, લાભો અને કારકિર્દી વિકાસની ઓફર કરીને પ્રતિભાઓને આકર્ષવા માટેના પ્રયાસો તેજ કર્યા છે.
વર્ષ 2023માં 1.11 કરોડ લોકોને રોજગારી મળી
ટીમલીઝ ડિગ્રી એપ્રેન્ટિસશીપના વાઇસ પ્રેસિડેન્ટ ધૃતિ પ્રસન્ના મહંતે જણાવ્યું હતું કે પ્રવાસન અને હોસ્પિટાલિટી ઉદ્યોગમાં 2023 દરમિયાન અંદાજે 1.11 કરોડ લોકોને રોજગારી મળવાનો અંદાજ છે. ઉદ્યોગને 2024 સુધીમાં 1.18 કરોડ લોકોની જરૂર પડી શકે છે. આ માંગ 16.5 ટકાની વાર્ષિક વૃદ્ધિ સાથે 2028 સુધીમાં વધીને 1.48 કરોડ થઈ શકે છે.
NSEએ ઈન્ડિયા ટુરિઝમ ઈન્ડેક્સ લોન્ચ કર્યો
નેશનલ સ્ટોક એક્સચેન્જે નવો થીમેટિક ઈન્ડેક્સ – નિફ્ટી ઈન્ડિયા ટુરિઝમ ઈન્ડેક્સ લોન્ચ કર્યો છે. તે નિફ્ટી 500 કંપનીઓની કામગીરીને ટ્રેક કરશે જે ટ્રાવેલ અને ટુરિઝમ ઉદ્યોગ સાથે સંકળાયેલી છે. આ ઇન્ડેક્સ 6 મહિનાની સરેરાશ ફ્રી-ફ્લોટ માર્કેટ કેપિટલાઇઝેશનના આધારે પસંદ કરાયેલ પાત્ર મૂળભૂત ઉદ્યોગોના સૌથી મોટા 30 શેરોને ટ્રેક કરશે. આ ઇન્ડેક્સના વર્તમાન 17 શેર્સમાં BLS ઇન્ટરનેશનલ, બંગલો સર્વિસિસ, દેવયાની ઇન્ટરનેશનલ, ઇઝી ટ્રિપ પ્લાનર્સ, GMR એરપોર્ટ્સ, ઇન્ડિયન હોટેલ્સ, IRTC અને ઇન્ટરગ્લોબ એવિએશન સહિતની ઘણી કંપનીઓનો સમાવેશ થાય છે.
આ ઇન્ડેક્સમાં ફક્ત તે જ શેરોનો સમાવેશ કરવામાં આવશે, જે સમીક્ષા સમયે નિફ્ટી 500 ઇન્ડેક્સનો ભાગ હશે. ઇન્ડેક્સમાં દરેક સ્ટોકનું વજન ફ્રી ફ્લોટ માર્કેટ કેપિટલાઇઝેશન પર આધારિત હશે. ઇન્ડેક્સની બેઝ ડેટ એપ્રિલ 1, 2005 છે અને બેઝ વેલ્યુ 1,000 છે. દર 6 મહિને ઇન્ડેક્સનું પુનર્ગઠન કરવામાં આવશે અને દર ત્રિમાસિકમાં પુનઃસંતુલિત કરવામાં આવશે. સ્ટોકનું વજન 20% પર મર્યાદિત છે.
આ પણ વાંચો : Swiss Bankમાં ભારતીયોનું નાણું ચાર વર્ષની નીચી સપાટીએ પહોંચ્યું, રકમ 70% ઘટીને 9771 કરોડ થઈ