મુકેશ અંબાણીએ કરી મોટી ડીલ, રિલાયન્સ અને વોલ્ટ ડિઝનીના મીડિયા બિઝનેસનું થશે મર્જર
રિલાયન્સના શેર 23 ફેબ્રુઆરીના રોજ વધારા સાથે બંધ થયા હતા. બોમ્બે સ્ટોક એક્સચેન્જ પર રિલાયન્સ ઇન્ડસ્ટ્રીઝનો શેર 0.78 ટકા અથવા 23 રૂપિયાના વધારા સાથે 2986.35 રૂપિયા પર બંધ થયા હતા. ભાવ વધારા બાદ કંપનીનું માર્કેટ કેપ 20,20,470.88 કરોડ રૂપિયા થયું છે.
વોલ્ટ ડિઝની અને રિલાયન્સ ઈન્ડસ્ટ્રીઝે ભારતમાં તેમની મીડિયા ઓપરેશન્સને મર્જ કરવા માટે કરાર પર હસ્તાક્ષર કર્યા છે. મીડિયા અહેવાલ મૂજબ આ કેસ સાથે જોડાયેલા લોકો દ્વારા આ જાણકારી મળી છે. રિપોર્ટ અનુસાર મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝ મર્જ થયેલી કંપનીમાં 61 ટકા હિસ્સો હોઈ શકે છે. ડિઝની સ્પર્ધાને કારણે ભારતમાં તેની વ્યૂહરચનાનું પુનઃમૂલ્યાંકન કરી રહી છે.
ટાટા પ્લેમાં તેનો 50.2 ટકા હિસ્સો
આ મીડિયા અહેવાલ પર ડિઝની અને રિલાયન્સના અધિકારીઓએ હજુ સુધી મર્જર કરાર અંગે કોઈ ટિપ્પણી કરી નથી. રિલાયન્સ ઈન્ડસ્ટ્રીઝ ટાટા પ્લે લિમિટેડના સંપાદન પર પણ વિચારણા કરી રહી છે, જે એક બ્રોડકાસ્ટ સર્વિસ પ્રોવાઇડર છે જેમાં ડિઝની પણ હિસ્સો ધરાવે છે. ટાટા પ્લે હાલમાં ટાટા સન્સની માલિકીની છે. ટાટા પ્લેમાં તેનો 50.2 ટકા હિસ્સો છે. બાકીના શેર ડિઝની અને સિંગાપોરની ઈન્વેસ્ટમેન્ટ ફર્મ ટેમાસેક પાસે છે.
રિલાયન્સ 61 ટકા હિસ્સા માટે $1.5 બિલિયનનું રોકાણ કરશે
એક વખત મર્જર પ્રોસેસ પૂર્ણ થયા બાદ ડિઝની અને રિલાયન્સ વૈશ્વિક સ્તરે સૌથી ઝડપથી વિકસતા મનોરંજન બજારોમાં એક શક્તિશાળી અને પ્રભાવશાળી મીડિયા જાયન્ટ બનશે. અહેવાલો અનુસાર રિલાયન્સ તેના 61 ટકા હિસ્સા માટે $1.5 બિલિયનનું રોકાણ કરી રહી છે.
રિલાયન્સનું માર્કેટ કેપ 20,20,470.88 કરોડ રૂપિયા
રિલાયન્સના શેર ગયા અઠવાડિયે છેલ્લા ટ્રેડિંગ દિવસે 23 ફેબ્રુઆરીના રોજ વધારા સાથે બંધ થયા હતા. બોમ્બે સ્ટોક એક્સચેન્જ પર રિલાયન્સ ઇન્ડસ્ટ્રીઝનો શેર 0.78 ટકા અથવા 23 રૂપિયાના વધારા સાથે 2986.35 રૂપિયા પર બંધ થયા હતા. ભાવ વધારા બાદ કંપનીનું માર્કેટ કેપ 20,20,470.88 કરોડ રૂપિયા થયું છે.
આ પણ વાંચો : ગુજરાતી IT કંપની 1 શેર પર આપશે 2 બોનસ શેર, ભાવ 100 રૂપિયાથી પણ ઓછો, જાણો ક્યારે છે રેકોર્ડ ડેટ
ડિઝનીની સ્ટ્રીમિંગ સર્વિસ Disney+Hotstar એ ઓક્ટોબર અને નવેમ્બરમાં ક્રિકેટ વર્લ્ડ કપ માટે રેકોર્ડ દર્શકોને આકર્ષ્યા હતા. આ ક્રિકેટ પ્રેમી દેશમાં મેચ મફતમાં બતાવવામાં આવી હતી. આવક પર ધ્યાન કેન્દ્રિત કરવાને બદલે ગ્રાહકોને પાછા લાવવાના હેતુથી આ પગલું લીધું હતું. રિલાયન્સે વર્ષ 2023 ની શરૂઆતમાં IPL મેચો વિનામૂલ્યે સ્ટ્રીમ કરી મોટી સંખ્યામાં દર્શકો મેળવ્યા હતા.
