Honda એ રિકોલ કર્યા આ બાઇક, મોટી ખામી આવી સામે, શું તમારું બાઈક તો નથી ને આ લિસ્ટમાં ?
Honda આ બાઇકમાં કેટલીક ખામીઓ જોવા મળી છે, જેના કારણે કંપનીએ આ બાઇકને રિકોલ કરવાનો નિર્ણય લીધો છે. સારા સમાચાર એ છે કે તમારે ખામીયુક્ત ભાગ બદલવા માટે કોઈ પૈસા ચૂકવવા પડશે નહીં.
Honda Motorcycle and Scooter India એ તાજેતરમાં એક મોટા સમાચાર આપ્યા છે. કંપનીએ તેની પ્રીમિયમ બાઇક GL1800 ગોલ્ડ વિંગના કેટલાક યુનિટ રિકોલ કરવાનો નિર્ણય કર્યો છે. આ પગલું વૈશ્વિક સ્તરે કરવામાં આવી રહેલી પ્રક્રિયાનો એક ભાગ છે. આ બાઇકમાં કેટલીક ખામીઓ જોવા મળી છે, જેના કારણે કંપનીએ આ બાઇકને રિકોલ કરવાનો નિર્ણય લીધો છે. સારા સમાચાર એ છે કે તમારે ખામીયુક્ત ભાગ બદલવા માટે કોઈ પૈસા ચૂકવવા પડશે નહીં.
શા માટે રિકોલ કરવામાં આવ્યા ?
કંપનીના જણાવ્યા અનુસાર, માર્ચ 2018 અને મે 2021 વચ્ચે ઉત્પાદિત કેટલીક GL1800 ગોલ્ડ વિંગ બાઇક્સમાં એન્જિનના પ્રાથમિક ડ્રાઇવ ગિયર ફાસ્ટનિંગ બોલ્ટમાં સમસ્યા જોવા મળી છે. આ ખામીને કારણે કેટલીક પરિસ્થિતિઓમાં બોલ્ટ તૂટી શકે છે, જેના કારણે એન્જિન અચાનક બંધ થઈ જાય છે. ગ્રાહક સુરક્ષાના સંદર્ભમાં ખૂબ જ ગંભીર સમસ્યા છે.
ગ્રાહકો પાસેથી કોઈ ચાર્જ લેવામાં નહીં આવે
હોન્ડાએ આ ખામીની ઓળખ કરી છે અને આ ખામી ધરાવતા મોટરસાઇકલના માલિકોને રાહત આપી છે. કંપનીએ કહ્યું કે ડિસેમ્બર 2024ના ત્રીજા સપ્તાહથી સમગ્ર ભારતમાં અસરગ્રસ્ત Honda GL1800 ગોલ્ડ વિંગના ખામીયુક્ત ભાગોને બદલવામાં આવશે. આ માટે ગ્રાહકો પાસેથી કોઈ ચાર્જ લેવામાં આવશે નહીં.
ગ્રાહકોએ શું કરવાનું રહેશે ?
જો તમારી પાસે માર્ચ 2018 અને મે 2021 વચ્ચે ઉત્પાદિત GL1800 ગોલ્ડ વિંગ મોટરસાઇકલ છે, તો તમારે તમારી નજીકની હોન્ડા ડીલરશિપનો સંપર્ક કરવો જોઈએ અને તમારી મોટરસાઇકલની તપાસ કરાવવી જોઈએ. કંપનીનું સર્વિસ સેન્ટર આ ખામીને વિનામૂલ્યે સુધારશે.
કંપની આજથી તેના ગ્રાહકોને તેના બિગવિંગ ડીલરો દ્વારા તેમની બાઇકની તપાસ વિશે કોલ/ઈ-મેલ/માહિતી મોકલીને જાણ કરશે. આ ઉપરાંત ગ્રાહકો હોન્ડા બિગવિંગ વેબસાઇટ પર તેમનો યુનિક વ્હીકલ આઇડેન્ટિફિકેશન નંબર (VIN) દાખલ કરીને તેમની બાઇક આ રિકોલનો ભાગ છે કે કેમ તે પણ ચકાસી શકે છે.
