Rajkot Video : રાજકોટમાં દારૂબંધીના ખુલ્લેઆમ ધજાગરા ! જાહેર રસ્તા પર 2 શખ્સો વિદેશી દારુની પાર્ટી કરતા હોવાનો વીડિયો વાયરલ

ગુજરાતમાં દારુબંધી છે, છતા રાજ્યમાં અવારનવાર નશાકારક પદાર્થ ઝડપાતો હોય છે. ત્યારે ગુજરાતમાં દારુબંધીના ખુલ્લેઆમ ધજાગરા ઉડ્યા છે. રાજકોટમાં જાહેર રસ્તા પર વિદેશી દારુની મહેફિલ માણી રહ્યાં હોવાના દ્રશ્યો સામે આવ્યા હતા.

એક વીડિયો સામે આવ્યો છે કે ખોડિયાર ડેરી પાસે બે શખ્સ ખુલ્લેઆમ દારુની મહેફિલ માણતા હોય છે. સ્થાનિકે વીડિયો બનાવતા શખ્સોએ ચાલતી પકડી હતી. વધુ પુછપરછ કરતાં જાતે જ બોટલ બતાવી હતી. બર્થ – ડે પાર્ટી હોવાના કારણે દારુ પીધાનું રટણ થતુ હોવાનું સામે આવ્યુ છે. લોકોને કાયદાનો ડર કેમ નથી તે સૌથી મોટો સવાલ છે.

ભાવનગરમાં ઝડપાયો હતો વિદેશી દારુનો જથ્થો

બીજી તરફ ભાવનગરમાં મોટાપાયે વિદેશી દારુ ઘુસાડવાના ષડયંત્રનો પર્દાફાશ થયો છે. પોલીસે વિદેશી દારુથી ભરેલી ટ્રક ઝડપી પાડી હતી. પેરોલ ફ્લો સ્કોડની ટીમે દારુની ભરેલી ટ્રકને ઝડપી પાડી હતી. વિદેશી દારુની 178 પેટી સહિત 15 લાખનો મુદ્દામાલ જપ્ત કર્યો હતો. પોલીસે દારુ ભરેલ ટ્રક સાથે 2 આરોપી ઝડપી પાડ્યો હતો. અન્ય એક મુખ્ય બુટલેગર આરોપી ફરાર થયો હતો. રાજસ્થાનથી ભાવનગરમાં દારુ ઘુસાડવાનું ષડયંત્ર હોવાનું સામે આવ્યુ હતુ.