આજનું હવામાન : ગુજરાતમાં મેઘરાજા ફરી બોલાવશે ધબડાટી ! આ જિલ્લાઓમાં અપાયુ રેડ એલર્ટ, જુઓ Video
હવામાન વિભાગની આગાહી અનુસાર આગામી 5 દિવસ ગુજરાતના કેટલાક વિસ્તારોમાં ધોધમાર વરસાદ ખાબકી શકાય છે. ગુજરાતના કેટલાક વિસ્તારોમાં રેડ એલર્ટ આપવામાં આવ્યુ છે.
હવામાન વિભાગની આગાહી અનુસાર આગામી 5 દિવસ ગુજરાતના કેટલાક વિસ્તારોમાં ધોધમાર વરસાદ ખાબકી શકાય છે. બનાસકાંઠા, પંચમહાલ, દાહોદ, ભરૂચમાં પણ ઓરેન્જ એલર્ટ આપવામાં આવ્યુ છે. તાપી, નવસારી, ડાંગ, ભાવનગર જિલ્લામાં પણ ઓરેન્જ એલર્ટ આપવામાં આવ્યુ છે.
દક્ષિણ ગુજરાતના કેટલાક જિલ્લાઓમાં અપાયુ રેડ એલર્ટ
આ તરફ અમરેલી,ભાવનગર,અમદાવાદમાં યલો એલર્ટ આપવામાં આવ્યુ છે. આણંદ, ખેડા, મહીસાગર, અરવલ્લી, સાબરકાંઠામાં ભારે વરસાદની આગાહી કરવામાં આવી છે. બીજી તરફ આજે ભરૂચ, સુરત સહિતના જિલ્લાઓમાં રેડ એલર્ટ આપવામાં આવ્યુ છે. આ તરફ ભાવનગર, બોટાદ, આણંદ, વડોદરામાં ઓરેન્જ એલર્ટ આપવામાં આવ્યુ છે.
ગુજરાતમાં સાર્વત્રિક વરસાદથી 113 જળાશયો સંપૂર્ણ ભરાયા
મેઘરાજાની સાર્વત્રિક મહેરના પરિણામે રાજ્યના 206 જળાશયોમાંથી 113 જળાશયો સંપૂર્ણ એટલે કે 100 ટકા જ્યારે 43 જળાશયો-ડેમ 70 થી 100 ટકા વચ્ચે ભરાતા હાઈ એલર્ટ જાહેર કરાયા છે. આ સિવાય રાજ્યના 18 ડેમ 50 ટકાથી 70 ટકા ભરાતા એલર્ટ અપાયું છે. જ્યારે 23 ડેમમાં 25 થી 50 ટકા વચ્ચે તેમજ 9 ડેમમાં 25 ટકાથી ઓછુ પાણી સંગ્રહ થયું છે.
