જાણીતા સિંગર શંકર મહાદેવને આ વરરાજાને કેમ કહ્યુ, “મે જિંદગીમાં આવો વરરાજા નથી જોયો”- જુઓ Viral Video

Follow us on

આજકાલ સોશિયલ મીડિયા પર એક લગ્ન પ્રસંગનો વીડિયો ખૂબ વાયરલ થઈ રહ્યો છે. જેમા જાણીતા સિંગર અને સંગીતકાર શંકર મહાદેવન પહોંચ્યા હતા. સ્ટેજ પર જ્યારે તેઓ ગાવા માટે પહોંચ્યા ત્યારે વરરાજા તેમની પાસે આવ્યો અને કહ્યુ કે હું તમારો ડાયહાર્ડ ફેન છું. ત્યારે શંકર મહાદેવને તેની સાથે તાલ મિલાવવા માટે વરરાજાને ચેલેન્જ કરી અને તેમનું પ્રખ્યાત બ્રેથલેસ સોંગ તેમની સાથે ગાવા માટે કહ્યુ. એ સમયે શંકરજીને અંદાજો પણ નહીં હોય કે વરરાજા ખુદ એક સારો સિંગર કમ આર્ટિસ્ટ છે.

“મૈને અબ તક ઐસા દુલ્હા નહીં દેખા!”

વાત શંકર મહાદેવનના સૌથી વધુ પ્રખ્યાત અને સૌથી વધુ મુશ્કેલ બ્રેથલેસ સોંગ ગાવાની હતી. જેને એકી શ્વાસે ગાવામાં આવે છે. જ્યારે શંકર મહાદેવને વરરાજાને બ્રેથલેસ ગાવાની ચેલેન્જ કરી તો ત્યાં ઉપસ્થિત સહુ કોઈને લાગ્યુ કે વરરાજા માટે આ અત્યંત મુશ્કેલ ટાસ્ક બની જશે. પરંતુ જેવો વરરાજાએ સૂર પકડ્યો અને તેને બ્રેથલેસ ગાતો જોઈને સહુ મહેમાનોની આંખો પહોળી થઈ ગઈ. તેની ગજબની સિંગિગ જોઈ ખુદ શંકર મહાદેવન પણ દંગ રહી ગય અને તેમણે વરરાજા માટે કહ્યુ “મૈને આજ તક ઐસા દુલ્હા નહીં દેખા”

અહીં જુઓ વાયરલ વીડિયો

હાલ ઈન્ટરનેટ પર આ વીડિયો ખૂબ જોવાઈ રહ્યો છે. તેને સોશિયલ મીડિયા પ્લેટફોર્મ X પર @WeUttarPradesh અકાઉન્ટ થી શેર કરવામાં આવ્યો છે જે ઝડપથી વાયરલ થઈ રહ્યો છે. આ વીડિયોને અત્યાર સુધીમાં અલગ અલગ પ્લેટફોર્મ પર હજારોથી વધુ વાર શેર કરવામાં આવ્યો છે. વીડિયોની કોમેન્ટ્સની વાત કરીએ તો એક યૂઝરે લખ્યુ છે કે આવો વરરાજા દરેક લગ્નોમાં હોવો જોઈએ.

દેશ અને દુનિયાના તમામ સમાચાર વાંચવા માટે અહીં ક્લિક કરો