હૈદરાબાદી બિરયાનીમાં લખનવી રાયતુ ફેલાયું, યુઝર્સે કહ્યું – ‘કાવ્યા જી આ ટીમને વેચી દો’

આઈપીએલની 16મી સિઝનની 10મી મેચ હાલમાં સનરાઈઝર્સ હૈદરાબાદ અને લખનઉ સુપર જાયન્ટ્સ વચ્ચે રમાઈ હતી. લખનઉના એકના ક્રિકેટ સ્ટેડિયમમાં રમાઈ રહેલી આ મેચમાં હૈદરાબાદની ટીમે ટોસ જીતીને પ્રથમ બેટિંગ કરી હતી પણ આ નિર્ણય તેમને જ ભારે પડયો હતો. 20 ઓવરના અંતે આ ટીમ 8 વિકેટના નુકશાન સાથે 121 રન બનાવી શકી હતી. 122 રનના ટાર્ગેટને લખનઉ સુપર જાયન્ટ્સે 5 વિકેટના નુકશાન સાથે 16મી ઓવરમાં જ ચેઝ કરી લીધો હતો. આ દરમિયાન હૈદરાબાદની માલિક કાવ્યા મારનના ફોટો અને અન્ય મીમ સોશિયલ મીડિયા પર વાયરલ થયા હતા.

આ રહ્યા એ વાયરલ મીમ્સ

લખનઉ સુપર જાયન્ટ્સનું પ્રદર્શન

લખનઉના બોલરના ધમાકેદાર પ્રદર્શનને કારણે હૈદરાબાદની ટીમ આઈપીએલનો 2023નો સૌથી ઓછો સ્કોર બનાવ્યો હતો. પ્રથમ ઈનિંગમાં લખનઉ તરફથી ગુજ્જુ ઓલરાઉન્ડર કૃણાલ પંડયાએ 4 ઓવરમાં 18 રન આપીને 3 વિકેટ લીધી હતી. યસ ઠાકુર અને રવિ બિશ્નોઈએ 1-1 વિકેટ લીધી હતી. જ્યારે અમિત મિશ્રાએ 4 ઓવરમાં 23 રન આપીને 2 વિકેટ લીધી હતી.

બીજી ઈનિંગમાં રાહુલ-કૃણાલે જીતનો પાયો નાંખ્યો હતો. પણ જીતની નજીક પહોંચીને પણ લખનઉ ઘણી વિકેટ ગુમાવી હતી. બીજી ઈનિંગમાં લખનઉ તરફથી માયર્સે 13 રન, દીપક હુડ્ડાએ 7 રન, કૃણાલ પંડયાએ 34 રન, કેએલ રાહુલે 34 રન, સ્ટોઈનિશે 10 રન, શેપર્ડે 0 રન અને નિકોલસ પૂરને 11 રન બનાવ્યા હતા. બીજી ઈનિંગમાં લખનઉની ટીમે 3 સિક્સર અને 13 ચોગ્ગા ફટકાર્યા હતા.

સનરાઈઝર્સ હૈદરાબાદનું પ્રદર્શન

હૈદરાબાદની ઓપનિંગ જોડી અને કેપ્ટન એડન માર્કરામ પોતાના પ્રથમ મેચમાં જ ફલોપ ગયા હતા. એક સમયે સુંદર અને રાહુલ ત્રિપાઠીએ બાજી સંભાળી હતી, પણ તેઓ મોટો સ્કોર ઊભો કરી શકયા ન હતા. પ્રથમ ઈનિંગમાં હૈદરાબાદ તરફથી અનમોલપ્રીત સિંહે 31 રન, મયંક અગ્રવાલે 8 રન, કેપ્ટન એડન માર્કરામે 0 રન, હૈરી બ્રુકે 3 રન, રાહુલ ત્રિપાઠીએ 34 રન, વોશિંગટન સુંદરે 16 રન , આદિલ રાશિદે 4 રન, ઉમરાન મલિકે 0 રન, અબ્દુલ સમદે 21 રન બનાવ્યા હતા. આ ઈનિંગમાં 4 સિક્સર અને 10 ચોગ્ગા જોવા મળ્યા હતા.

બીજી ઈનિંગમાં હૈદરાબાદ તરફથી આદિલ રશિદે 3 ઓવરમાં 23 રન આપીને 2 વિકેટ લીધી હતી. જ્યારે ભુવનેશ્વર, ફારુકી અને ઉમરાન મલિકે 1-1 વિકેટ લીધી હતી.

ટ્રેડિંગ સમાચાર ગુજરાતીમાં વાંચો tv9gujarati.com પર

વાયરલ અને ટ્રેડિંગ વીડિયો સાથે જોડાયેલા તમામ ન્યૂઝ માટે જોડાયેલા રહો…