શું ક્રિસ ગેલ IPL 2025માં રમશે? વિરાટ કોહલીની ઓફર બાદ શરૂ થઈ અટકળો, RCB ડ્રેસિંગ રૂમમાં થઈ મીટિંગ
શું 44 વર્ષીય ક્રિસ ગેલ ફરી IPL રમતા જોવા મળશે? પ્રશ્ન મોટો છે. પરંતુ, આમાં રસ જાગ્યો છે કારણ કે વિરાટ કોહલીએ પોતે ક્રિસ ગેલને આવતા વર્ષે રમવા માટે વ્યક્તિગત રીતે આમંત્રણ આપ્યું છે. એવામાં IPL 2025 પહેલા યોજાનાર મેગા ઓક્શનમાં ક્રિસ ગેલ પોતાનું નામ નોંધાવી શકે છે અને શક્ય છે કે ફરી RCB તરફથી રમી શકે છે એવી અટકણો શરૂ થઈ છે.
IPL 2024 સમાપ્ત થવાનું છે અને જ્યારે IPL 2025 શરૂ થશે તે પહેલા એક મેગા ઓક્શન થશે, જેમાં શક્ય છે કે ક્રિસ ગેલ પણ ઓક્શન માટે પોતાનું નામ નોંધાવી શકે છે. ક્રિસ ગેલનું આવું કરવા પાછળનું કારણ વિરાટ કોહલી અને તેની ઓફર હશે. RCB IPL 2024 પ્લેઓફમાં પહોંચ્યા પછી, ક્રિસ ગેલ ડ્રેસિંગ રૂમમાં પહોંચ્યો, જ્યાં તે વિરાટને મળ્યો. ત્યાં જ, વિરાટ કોહલીએ તેને ફરીથી IPLમાં રમવાનો પ્રસ્તાવ મૂક્યો. હવે દેખીતી રીતે જ વિરાટ તરફથી પ્રસ્તાવ આવ્યો છે, તેથી ગેલ પણ RCB ટીમ તરફથી રમતા જોવા મળી શકે છે.
વિરાટે ગેલને કરી ઓફર
જો કે ગેલ આ મુદ્દે હજુ સુધી સહમત થયો નથી. પરંતુ, જો વિરાટે ઓફર આપી છે, તો એવી સંભાવના છે કે તે ચોક્કસપણે IPLમાં ફરી એકવાર પ્રવેશ કરવા વિશે વિચારે. મોટો પ્રશ્ન એ છે કે વિરાટ કોહલીએ ગેલને ફરીથી RCB તરફથી રમવાની ઓફર કેમ કરી? તે પણ જાણીને કે ક્રિસ ગેલ 44 વર્ષનો છે અને આગામી IPL સુધીમાં 45 વર્ષનો થઈ જશે.
ઈમ્પેક્ટ પ્લેયરના નિયમના આધારે મૂક્યો પ્રસ્તાવ
વિરાટ કોહલીએ વાસ્તવમાં ઈમ્પેક્ટ પ્લેયરના નિયમના કારણે ક્રિસ ગેલને IPLમાં રમવાની ઓફર કરી છે. આ ઘટના ત્યારે બની જ્યારે ક્રિસ ગેલ RCBના ડ્રેસિંગ રૂમમાં પહોંચ્યો. પહેલા ગેલે ત્યાં ટીમના કોચ એન્ડી ફ્લાવર અને અન્ય ખેલાડીઓ સાથે હાથ મિલાવ્યા હતા. પછી વિરાટને મળતા જ ગેલને IPLમાં રમવાની ઓફર મળી. વિરાટે ગેલને કહ્યું, કાકા, આવતા વર્ષે રમ, ઈમ્પેક્ટ પ્લેયરનો નિયમ છે. આમાં તમારે ફિલ્ડિંગ કરવાની જરૂર નહીં પડે. આ નિયમ ફક્ત તમારા માટે જ બનાવવામાં આવ્યો છે. આટલું કહીને વિરાટ પણ હસવા લાગ્યો. જો કે, તે આશ્ચર્યજનક છે કે IPLના ઈમ્પેક્ટ પ્લેયરના નિયમને વિરાટ પોતે યોગ્ય નથી માનતો, અને હવે તે ગેલને ઈમ્પેક્ટ પ્લેયર તરીકે આવતા વર્ષે રમવાની વાત કરી રહ્યો છે.
Chris Gayle and Virat Kohli in the RCB dressing room together – nostalgia max!
Virat jokingly asks Chris to come back to the #IPL – what do you think about it, 12th Man Army? #PlayBold #ನಮ್ಮRCB #IPL2024 pic.twitter.com/Bj9HVFfVka
— Royal Challengers Bengaluru (@RCBTweets) May 20, 2024
વિરાટે ગેલને સાઈન કરેલી જર્સી આપી
ગેલ સાથેની આ મુલાકાત દરમિયાન વિરાટ કોહલીએ તેને પોતાની હસ્તાક્ષરવાળી જર્સી પણ આપી હતી. CSK સામેની મેચમાં RCBને સપોર્ટ કરવા માટે ક્રિસ ગેલ પણ ચિન્નાસ્વામી સ્ટેડિયમમાં હાજર હતો.
IPLમાં ગેલનો રેકોર્ડ
ક્રિસ ગેલ આ પહેલા RCB અને PBKS માટે IPL પણ રમી ચૂક્યો છે. આ ટીમો તરફથી રમતા તેણે IPLની પિચ પર 141 ઈનિંગ્સમાં 4965 રન બનાવ્યા છે. આ સમયગાળા દરમિયાન તેનો સ્ટ્રાઈક રેટ 148.96 રહ્યો છે. તેણે પોતાના બેટથી 6 સદી અને 31 અડધી સદી ફટકારી છે.
આ પણ વાંચો : KKR vs SRH: જો આમ થશે તો કોલકાતા નાઈટ રાઈડર્સ ફાઈનલમાં જશે, IPL 2024નો ચોંકાવનારો નિયમ
