IND vs IRE: T20 વર્લ્ડ કપમાં ટીમ ઈન્ડિયાએ શાનદાર શરૂઆત કરી, બોલરોના દમ પર આયર્લેન્ડને હરાવ્યું

આ વર્લ્ડ કપમાં ભારત અને આયર્લેન્ડ વચ્ચેની આ પ્રથમ મેચ હતી અને ન્યૂયોર્ક સ્ટેડિયમમાં રમાયેલી દક્ષિણ આફ્રિકા-શ્રીલંકા મેચની જેમ તેમાં પણ ઝડપી બોલરોનો દબદબો જોવા મળ્યો હતો. ભારતની પેસ બોલરોએ આયર્લેન્ડને સંપૂર્ણ 20 ઓવર પણ રમવા દીધી ન હતી. જે બાદ બેટ્સમેનોએ અધૂરું કામ કર્યું અને ટીમને આસાન જીત અપાવી હતી.

IND vs IRE: T20 વર્લ્ડ કપમાં ટીમ ઈન્ડિયાએ શાનદાર શરૂઆત કરી, બોલરોના દમ પર આયર્લેન્ડને હરાવ્યું
Team India
Follow Us:
| Updated on: Jun 06, 2024 | 12:00 AM

ટીમ ઈન્ડિયાએ T20 વર્લ્ડ કપ 2024માં આસાન વિજય સાથે પોતાની સફર શરૂ કરી છે. ન્યૂયોર્કમાં ગ્રુપ Aની તેની પ્રથમ મેચમાં ટીમ ઈન્ડિયાએ ફાસ્ટ બોલરોના જોરદાર પ્રદર્શનના આધારે આયર્લેન્ડને 8 વિકેટથી હરાવ્યું હતું. હાર્દિક પંડ્યા, અર્શદીપ સિંહ અને બુમરાહે આયર્લેન્ડને માત્ર 96 રનમાં આઉટ કરીને ટીમ ઈન્ડિયાની જીતનો પાયો નાખ્યો હતો, ત્યારબાદ કેપ્ટન રોહિત શર્માએ મજબૂત અડધી સદી ફટકારીને ટીમને કોઈ સમસ્યા વિના લક્ષ્ય સુધી પહોંચાડી દીધી હતી. આ રીતે ટીમ ઈન્ડિયાએ જીત સાથે પોતાનું ખાતું ખોલાવ્યું.

ભારતીય ઝડપી બોલરોએ ધમાલ મચાવી

નાસાઉ કાઉન્ટીમાં બનેલા સ્ટેડિયમમાં રમાયેલી આ મેચમાં તે જ દ્રશ્ય જોવા મળ્યું જેની આગાહી કરવામાં આવી રહી હતી. સ્ટેડિયમની ડ્રોપ-ઈન પિચ અને ધીમી આઉટફિલ્ડને કારણે રન બનાવવા મુશ્કેલ બની ગયા હતા. પિચમાં અસમાન ઉછાળો ઉપરાંત નાસાઉ કાઉન્ટીમાં ઉપલબ્ધ સ્વિંગે ઝડપી બોલરોને જબરદસ્ત મદદ પૂરી પાડી હતી અને ભારતીય પેસરોનો આયર્લેન્ડના બેટ્સમેનો પાસે તેનો કોઈ જવાબ નહોતો.

આજનું રાશિફળ તારીખ : 15-06-2024
ઈટાલીના PM જ્યોર્જિયા મેલોનીની આ પર્સનલ વાત તમે નહીં જાણતા હોવ
આ દિવસે થશે વર્ષ 2024નું બીજું સૂર્યગ્રહણ! જાણો તારીખ સમય અને મહત્વપૂર્ણ વિગત
કોઈ પણ લોન તમે સરળતાથી ચૂકવી શકશો, આ 5 બાબતોનું રાખો ધ્યાન
વધારે પ્રમાણમાં બટેકાં ખાવ તો શું થાય ?
મની પ્લાન્ટનો થશે જબરદસ્ત ગ્રોથ, જાણી લો ટ્રીક

હાર્દિક-બુમરાહ-અર્શદીપનો કમાલ

ટોસ જીત્યા બાદ પ્રથમ બોલિંગ કરવાનો નિર્ણય ટીમ ઈન્ડિયા માટે સારો સાબિત થયો હતો અને પહેલી જ ઓવરથી જ આયરિશ બેટ્સમેનો મુશ્કેલીમાં મુકાઈ ગયા હતા. ત્રીજી ઓવરમાં અર્શદીપ સિંહે બંને ઓપનરને આઉટ કરીને આયર્લેન્ડની શરૂઆત બગાડી હતી. આ પછી હાર્દિક પંડ્યા અને બુમરાહે ચાર્જ સંભાળ્યો હતો. હાર્દિકે 3 વિકેટ લઈને આયર્લેન્ડની વાપસીની આશાને બરબાદ કરી દીધી હતી, જ્યારે બુમરાહની ઝડપ અને મુશ્કેલ લાઈન આયરિશ બેટ્સમેનો માટે મુશ્કેલીરૂપ સાબિત થઈ હતી. 50 રનમાં માત્ર 8 વિકેટ પડી હતી પરંતુ ગેરેથ ડેલાની અને જોશ લિટલે અંતે 46 રન ઉમેરીને ટીમને સ્પર્ધાત્મક સ્થિતિમાં પહોંચાડી હતી.

રોહિતની જોરદાર અડધી સદી, પંત પણ ચમક્યો

ટાર્ગેટ મોટો ન હોવા છતાં ટીમ ઈન્ડિયાને પણ શરૂઆતમાં મુશ્કેલીઓનો સામનો કરવો પડ્યો હતો. કેપ્ટન રોહિત પ્રથમ ઓવરમાં જ કેચ આઉટ થતા ચૂકી ગયો હતો, જેણે આયર્લેન્ડની પુનરાગમનની આશાઓને ફટકો આપ્યો. જો કે, વિરાટ કોહલી મોટો શોટ રમવાનો પ્રયાસ કરતા ત્રીજી ઓવરમાં જ આઉટ થયો હતો. જો કે આ પછી પણ રોહિતે સાવધાનીપૂર્વક રમીને ઈનિંગને આગળ ધપાવી હતી અને આમાં તેને રિષભ પંતનો સારો સાથ મળ્યો હતો. સેટ થયા બાદ રોહિતે આક્રમક વલણ અપનાવ્યું અને 36 બોલમાં અડધી સદી ફટકારી. જો કે, ત્યારબાદ રોહિત રિટાયર્ડ હર્ટ થયો હતો. કારણ કે તેના ખભા પર બોલ વાગ્યો હતો. રિષભ પંત અંત સુધી અડગ રહ્યો અને 13મી ઓવરમાં સિક્સ ફટકારીને ટીમને 8 વિકેટે યાદગાર જીત અપાવી.

આ પણ વાંચો : T20 WC IND vs IRE : પહેલા હાથ તોડ્યો, પછી માથા પર માર્યો બોલ… બુમરાહનો આ બોલ જોઈને બાબર-રિઝવાનની આત્મા કંપી જશે

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો

Latest News Updates

g clip-path="url(#clip0_868_265)">