IPL 2024: વિરાટ કોહલીએ KKRના બેટ્સમેન રિંકુ સિંહને પોતાનું બેટ ગિફ્ટ કર્યું
રિંકુ સિંહ અને વિરાટ કોહલી વચ્ચે સારી દોસ્તી છે. રિંકુ સિંહ વારંવાર વિરાટ કોહલીને તેના બેટ માટે પૂછતો રહે છે. હાલમાં જ તેણે વિરાટ કોહલીએ ગિફ્ટ કરેલ એક બેટ તોડી નાખ્યું હતું પરંતુ વિરાટે તેને વધુ એક નવું બેટ ગિફ્ટ કર્યું છે. જે બાદ રિંકુ સિંહ ખૂબ જ ખુશ હતો અને વિરાટની બેટ સાથેનો વીડિયો હાલ સોશિયલ મીડિયામાં વાયરલ થયો છે.
વિશ્વ વિરાટ કોહલીને એક મહાન બેટ્સમેન તરીકે જાણે છે પરંતુ તે મેદાનની બહાર ઘણા લોકોનો મિત્ર પણ છે. આ દિગ્ગજ ખેલાડી ઘણીવાર જુનિયર ખેલાડીઓની મદદ કરતો જોવા મળે છે અને ફરી એકવાર વિરાટ આ કારણોસર ચર્ચામાં છે. વિરાટ કોહલીએ KKRના બેટ્સમેન રિંકુ સિંહને પોતાનું બેટ ગિફ્ટ કર્યું છે. તમને જણાવી દઈએ કે રિંકુ સિંહ પહેલા જ વિરાટ કોહલી પાસેથી બેટ લઈ ચૂક્યો છે. તમને જણાવી દઈએ કે રિંકુ સિંહને વિરાટનું બેટ આટલી સરળતાથી નથી મળ્યું.
રિંકુએ બેટ તોડી નાખ્યું હતું
હાલમાં જ KKR અને RCB વચ્ચેની મેચ પહેલા રિંકુ સિંહ વિરાટ કોહલી સુધી પહોંચી ગયો હતો. તેણે વિરાટ કોહલી પાસેથી બેટ માંગ્યું. તેણે વિરાટને કહ્યું કે તેણે તેને અગાઉ આપેલું બેટ તૂટી ગયું. ત્યારે વિરાટ કોહલીએ રિંકુની ફીરકી લીધી હતી. આ પછી રિંકુ સિંહે શપથ લીધા કે તે ફરી ક્યારેય વિરાટનું બેટ નહીં તોડે. ત્યારબાદ KKR અને RCB વચ્ચેની મેચ બાદ વિરાટે રિંકુ સિંહને બેટ આપ્યું હતું. હવે રિંકુ સિંહનો એક વીડિયો વાયરલ થઈ રહ્યો છે જેમાં તે બેટ લઈને ફરતો જોવા મળી રહ્યો છે. રિંકુએ કહ્યું કે આ વિરાટ કોહલીનું બેટ છે જે તેને ગિફ્ટમાં મળ્યું છે.
Mil gaya bat Rinku ko! Virat bhai Thank you pic.twitter.com/ul6vmIUH4r
— KolkataKnightRiders (@KKRiders) April 25, 2024
કોહલીની MRF સાથે 100 કરોડ રૂપિયાની ડીલ
વિરાટ કોહલી MRF બેટથી રમે છે. તેના બેટની કિંમત લાખોમાં છે. આ ખેલાડી તેની જરૂરિયાત મુજબ બેટને કસ્ટમાઈઝ કરે છે. તમને જણાવી દઈએ કે વિરાટ કોહલીને બેટ ફ્રીમાં મળે છે. એટલું જ નહીં, તેને બેટ પર MRF સ્ટીકર લગાવવા માટે કરોડો રૂપિયા મળે છે. વિરાટ કોહલી એવો ક્રિકેટર છે જે બેટ સ્ટીકરથી સૌથી વધુ કમાણી કરે છે. વિરાટ કોહલીની MRF સાથે 100 કરોડ રૂપિયાની ડીલ છે. દર વર્ષે તેને MRF બેટથી રમવા માટે 12.5 કરોડ રૂપિયા મળે છે.
આ પણ વાંચો : MS ધોની-વિરાટ કોહલીને આપી ટ્રેનિંગ, હવે T20 વર્લ્ડ કપ માટે આ ટીમના હેડ કોચ બન્યા