Nuh: નૂહમાં ફરી નીકળશે યાત્રા, VHP-બજરંગ દળે નક્કી કરી તારીખ!, અગાઉ થઈ હતી હિંસા
આ આગેવાનોએ જણાવ્યું છે કે સ્થાનિક વહીવટીતંત્રને યાત્રા કાઢવા માટે પરવાનગી પત્ર રવિવારે મહાપંચાયતમાં લેવામાં આવનારા નિર્ણય અને યાત્રાના ફોર્મેટ અંગે મહાપંચાયતના નિર્દેશ બાદ જ આપવામાં આવશે.
Hariyana: હિન્દુ સંગઠનોએ હરિયાણાના નૂહમાં (Nuh) ફરી એકવાર બ્રજ મંડળ યાત્રા કાઢવા માટે 28 ઓગસ્ટની તારીખ નક્કી કરી છે. પરંતુ આ તારીખનો અંતિમ નિર્ણય 13 ઓગસ્ટે નૂહ અને પલવલ વચ્ચે પોંડરી ગામમાં યોજાનારી હિન્દુ મહાપંચાયતમાં જનતાની વચ્ચે બેસીને લેવામાં આવશે. હિન્દુ સંગઠનોની બેઠકમાં સામેલ ઘણા નેતાઓએ 28મી ઓગસ્ટની તારીખને લઈને અમારી સહયોગી ચેનલ TV9 ભારતવર્ષને કન્ફર્મેશન આપ્યું છે.
આ આગેવાનોએ જણાવ્યું છે કે સ્થાનિક વહીવટીતંત્રને યાત્રા કાઢવા માટે પરવાનગી પત્ર રવિવારે મહાપંચાયતમાં લેવામાં આવનારા નિર્ણય અને યાત્રાના ફોર્મેટ અંગે મહાપંચાયતના નિર્દેશ બાદ જ આપવામાં આવશે. મહાપંચાયતમાં યાત્રાની તારીખ, યાત્રામાં ભાગ લેનાર લોકોની સંખ્યા, લોકો માટેના નિયમો નિયમ સહિત અન્ય અનેક મુદ્દાઓ પર ચર્ચા થયા બાદ જ 28 ઓગસ્ટની તારીખ પર આખરી મહોર લગાવીને સ્થાનિક પ્રશાસન પાસેથી પરવાનગી માંગવામાં આવશે.
આ પણ વાંચો: અનુરાગ ઠાકુરે મણિપુર મુદ્દે રાહુલ ગાંધી અને કોંગ્રેસને લીધી આડે હાથ, કહ્યું ‘દેશ તમારો ઈતિહાસ ભૂલી શકતો નથી’
31 જુલાઈના રોજ નૂહમાં હિંસા ફાટી નીકળી હતી
તમને જણાવી દઈએ કે 31 જુલાઈના રોજ નૂહમાં વિશ્વ હિન્દુ પરિષદની મુલાકાત દરમિયાન હિંસા ભડકી હતી. જેમાં બે હોમગાર્ડ અને એક મૌલવી સહિત છ લોકોના મોત થયા હતા, જ્યારે ઘણા લોકો ઘાયલ થયા હતા. 200થી વધુ લોકોની ધરપકડ કરવામાં આવી હતી, જ્યારે 150થી વધુ FIR નોંધવામાં આવી હતી. નૂહમાં ફેલાયેલી હિંસા માત્ર નૂહ પુરતી સીમિત ન હતી, પરંતુ તે હરિયાણાના વિવિધ શહેરોમાં ફેલાઈ ગઈ હતી. હિંસાને લગભગ 13 દિવસ થઈ ગયા છે, પરંતુ હજુ પણ સ્થિતિ પહેલા જેવી નથી.
નૂહમાં 13 ઓગસ્ટ સુધી ઈન્ટરનેટ બંધ રહેશે
હરિયાણાના નૂહ જિલ્લામાં 31મી જુલાઈએ હિંદુ સંગઠનો દ્વારા કાઢવામાં આવેલી શોભા યાત્રા દરમિયાન પથ્થરમારો અને ગોળીબાર બાદ ચાલી રહેલા તણાવને ઓછો કરવાના પ્રયાસો ચાલુ છે. જિલ્લામાં શાંતિ જળવાઈ રહે તે માટે 13 ઓગસ્ટ સુધી ઈન્ટરનેટ બંધ રાખવા સૂચના આપવામાં આવી છે.
