સેફઈના મેળા મેદાનમાં આજે મુલાયમસિંહના અંતિમ સંસ્કાર, વિવિધ રાજ્યના મુખ્યપ્રધાન અને અનેક મહાનુભાવો રહેશે ઉપસ્થિત
26 સપ્ટેમ્બર 2022ના રોજ, મુલાયમ સિંહ યાદવ (Mulayam Singh Yadav)ચેકઅપ માટે મેદાંતા ગુરુગ્રામ પહોંચ્યા ત્યારથી તે છેક સુધી ત્યાં દાખલ રહ્યા. 1 ઓક્ટોબરની રાત્રે તેમને ICUમાં શિફ્ટ કરવામાં આવ્યા હતા.
ઉત્તર પ્રદેશ(Uttar Pradesh)ના પૂર્વ મુખ્યમંત્રી અને સપાના આશ્રયદાતા મુલાયમ સિંહ યાદવ (Mulayam Singh yadav) (82)નું સોમવારે નિધન થયું છે. તેઓ ઘણા સમયથી બીમાર હતા. તેમની તબિયત બગડતાં તેમને ગુરુગ્રામની મેદાંતા હોસ્પિટલ(Medanta Hospital)માં દાખલ કરવામાં આવ્યા હતા, જ્યાં સારવાર દરમિયાન સવારે 8:16 વાગ્યે તેમણે અંતિમ શ્વાસ લીધા હતા. તે જ સમયે, મુલાયમના નિધનના સમાચાર મળતા જ સપાના કાર્યકરોમાં શોકનું મોજુ ફરી વળ્યું હતું. મુલાયમના મૃતદેહને આજે હોસ્પિટલથી સીધો સૈફઈ લઈ જવામાં આવ્યો છે, જ્યાં આવતીકાલે બપોરે 3 વાગ્યે તેમના અંતિમ સંસ્કાર કરવામાં આવશે.
અંતિમ વિદાય વખતે રક્ષા મંત્રી રાજનાથ સિંહ હાજર રહેશે. આ સાથે જ ઉત્તર પ્રદેશના મુખ્યમંત્રી યોગી આદિત્યનાથ પણ સૈફઈ પહોંચ્યા છે. આ પહેલા ગૃહમંત્રી અમિત શાહે મેન્ડાટા હોસ્પિટલ પહોંચીને મુલાયમ સિંહને શ્રદ્ધાંજલિ આપી હતી. બિહાર સરકારે એક દિવસનો રાજ્ય શોક જાહેર કર્યો છે.
વડાપ્રધાન નરેન્દ્ર મોદીએ ગુજરાતમાં રેલીને સંબોધતા મુલાયમ સિંહ યાદવને યાદ કર્યા હતા. તેણે કહ્યું કે તેમની સલાહ અને આશીર્વાદ મારા માટે વિશ્વાસ સમાન છે. તેમનું નિધન દેશ માટે મોટી ખોટ છે. પીએમ મોદીએ કહ્યું કે 2019ની ચૂંટણી પહેલા પણ મને તેમના આશીર્વાદ મળ્યા હતા. આજે ગુજરાતની ધરતી પરથી હું તેમને શ્રદ્ધાંજલિ પાઠવું છું. આ સાથે જ સૈફઈમાં મુલાયમ સમર્થકો એકઠા થવા લાગ્યા છે. વહીવટી તંત્ર દ્વારા ચુસ્ત સુરક્ષા વ્યવસ્થા ગોઠવવામાં આવી છે.
સૈફઈ મેળાના મેદાનમાં મુલાયમના અંતિમ દર્શન
મુલાયમ સિંહ યાદવના અંતિમ દર્શન માટે આવતીકાલે સવારે 10 વાગ્યે તેમના પાર્થિવ દેહને સૈફઈ મેલા ગ્રાઉન્ડના પંડાલમાં રાખવામાં આવશે. તેમના અંતિમ સંસ્કાર 3 વાગ્યે કરવામાં આવશે.
आदरणीय नेताजी के अंतिम दर्शन के लिए उनका पार्थिव शरीर कल सुबह 10 बजे सैफ़ई मेला ग्राउंड के पंडाल में रखा जाएगा।
तत्पश्चात दोपहर 3 बजे अंतिम संस्कार होगा।
— Samajwadi Party (@samajwadiparty) October 10, 2022
ઉત્તર પ્રદેશના મુખ્યમંત્રી યોગી આદિત્યનાથે સૈફઈ પહોંચીને નેતાજી મુલાયમ સિંહ યાદવને અંતિમ શ્રદ્ધાંજલિ આપી હતી.
उत्तर प्रदेश: मुख्यमंत्री योगी आदित्यनाथ ने सैफई में पूर्व मुख्यमंत्री और समाजवादी पार्टी के संस्थापक मुलायम सिंह यादव को श्रद्धांजलि दी। https://t.co/FdDnZ7nwha pic.twitter.com/GjTpVg6AlU
— ANI_HindiNews (@AHindinews) October 10, 2022
Latest News Updates
