Health Wealth: તમારું શરીર હંમેશા ગરમ રહેવાના પાછળ હોય છે અનેક કારણો, જાણો આ સમસ્યા કેટલી ગંભીર ?
કોઈ પણ સામાન્ય માણસના શરીરનું તાપમાન હંમેશા નોર્મલ કરતા વધારે જોવા મળે છે. કેટલીકવાર આ વધેલા તાપમાન કોઈ ગંભીર રોગની નિશાની પણ હોઈ શકે છે. પરંતુ શરીર હંમેશા ગરમ રહે તે વાત બિલકુલ સામાન્ય નથી. આ સમગ્ર બાબત પાછળ તમારી રોજ બરોજની જીવનશૈલી જવાબદાર હોઈ શકે છે. ખાવાની ખોટી આદતો, સ્વાસ્થ્યની સ્થિતિ, આલ્કોહોલ, કેફીન, મસાલેદાર ખોરાકનું સેવન અને પર્યાવરણીય પરિબળો પણ આ સમસ્યાનું કારણ બની શકે છે. પરંતુ અન્ય ઘણા કારણો છે જેના કારણે હંમેશા તમારું શરીર ગરમ રહે છે.
ઠંડા હવામાનમાં વધુ કપડાં પહેરવાને કારણે શરીરનું તાપમાન વધવું સામાન્ય છે. ત્યારે ઉનાળાની ઋતુમાં, સૂર્યપ્રકાશના લાંબા સમય સુધી સંપર્કમાં રહેવાથી શરીરનું તાપમાન પણ વધી શકે છે. ક્યારેક ગરમ કે ભેજવાળા હવામાનમાં હાઈપોથર્મિયાના કારણે શરીરનું તાપમાન પણ વધે છે, પરંતુ આ રીતે શરીરનું તાપમાન વધારવું એ ફક્ત તાવ આવવાના લક્ષણો નથી.
શું છે હાઈપોથાઈરોડિઝમ ?
થાઈરોઈડ વધવાને કારણે શરીરમાં થોડી ગરમી લાગે છે, પરંતુ શરીરની થોડી ગરમીની સાથે સાથે પરસેવો, ઝાડા એ થાઈરોઈડ વધવાના લક્ષણો હોઈ શકે છે. આવી સ્થિતિમાં, તમારે તાત્કાલિક ડૉક્ટરનો સંપર્ક કરવો જોઈએ. મહત્વનુ છે કે સાંજના સમયે શરીર ગરમ થવું એ સામાન્ય બાબત છે. તાવ આવ્યા વિના શરીરના તાપમાનમાં વધારો થાય તો તે સમગ્ર થાઈરોઈડને કારણે થાય છે. જ્યારે શરીરમાં T3 અને T4 વધી જાય ત્યારે આ સમસ્યા થાય છે. આ સમયગાળા દરમિયાન શરીરનું તાપમાન વધે છે અને અતિશય પરસેવો થાય છે.
બાળકો અને વૃદ્ધોની વધી શકે છે સમસ્યા
કોઈપણ તાવ આવ્યા વિના શરીરનું તાપમાન વધવાની સમસ્યા નાના બાળકો અને વૃદ્ધોમાં જોવા મળે છે. શાળાએ જતા નાના બાળકો, જેઓ ઘણીવાર તડકામાં રમે છે અને વૃદ્ધ લોકો, જેમની રોગપ્રતિકારક શક્તિ ઓછી હોય છે, તેઓ ઘણીવાર આ સમસ્યાથી પીડાતા હોય છે.
કોઈ ગંભીર રોગની નિશાની કે પછી…
જો તમારું શરીર દરરોજ રાત્રે સામાન્ય કરતાં વધુ ગરમ થાય છે, તો તે કોઈ ગંભીર રોગની નિશાની હોઈ શકે છે. જો દર્દીને ભૂખ ન લાગવી અને સતત વજન ઘટવા જેવી સમસ્યાઓની સાથે લો ગ્રેડ તાવનો અનુભવ થતો હોય તો તે ટીબીની નિશાની હોઈ શકે છે. આવી સ્થિતિમાં, તમારે શક્ય તેટલી વહેલી તકે ડૉક્ટરની સલાહ લેવી જોઈએ.
શરીરના ચોક્કસ ભાગનું તાપમાન
શરીરના કોઈપણ એક ભાગના તાપમાનમાં વધારો, તેમજ સોજો અથવા તે ભાગનો રંગ અન્ય ભાગોના રંગ કરતા અલગ દેખાતો હોય તે પણ કોઈ રોગની નિશાની હોઈ શકે છે. આવી સ્થિતિમાં શક્ય તેટલી વહેલી તકે ડૉક્ટરની સલાહ લો.
હળવો તાવ એટલે ચેપ
જો તમને તાવ આવતો હોય તો તે અમુક પ્રકારના ચેપનો સંકેત હોઈ શકે છે. આ ચેપ છાતી અથવા પેટ સાથે સંબંધિત હોઈ શકે છે, તેથી તેને અવગણવા જોઇયે નહીં, પરંતુ એ પણ ધ્યાનમાં રાખવું જરૂરી છે કે દરેક તાવ ચેપ લાગવાથી નથી આવતો.
કસરત કર્યા બાદ શરીરનું તાપમાન વધે
કોઈપણ પ્રકારની કસરત પછી શરીરના તાપમાનમાં થોડા પ્રમાણમાં વધારો ચોક્કસ જોવા મળે છે. આ સ્થિતિમાં ચિંતા કરવાની જરૂર નથી કારણ કે, આ વધેલા તાપમાન પણ 10 થી 15 મિનિટમાં સામાન્ય થઈ જાય છે. દરરોજ થોડો સમય કસરત કરવી સ્વાસ્થ્ય માટે સારી છે, તેથી શરીરનું તાપમાન વધવાના ડરથી તેને બંધ ન કરો.
જો કે શરીરનું તાપમાન વધવું અને તાવ ન આવવો એ સામાન્ય બાબત છે, પરંતુ જો શરીર હળવું ગરમ થાય અને અન્ય લક્ષણો દેખાય તો તેનું મૂલ્યાંકન કરો અને તેને દૂર કરવાનો પ્રયાસ કરો. શરીરનું તાપમાન વધવાની સમસ્યાથી બચવા માટે સૌથી પહેલા બદલાયેલા હવામાનમાં પોતાની સંભાળ રાખો. ઉનાળાની ઋતુમાં, બપોરે ઘરની બહાર ન નીકળો અને નિયમિત અંતરે પાણી અને અન્ય કોઈપણ પ્રવાહી લેતા રહો. ઉનાળામાં શરીરનું તાપમાન વધવાથી કોઈ સમસ્યા નથી. તમારી જીવનશૈલીને પર્યાવરણ સાથે સુસંગત રાખો. વધારે તણાવ ન લો અને પોતાને તણાવમુક્ત રાખવા યોગ કરતા રહો.
(Desclaimer : આ સલાહ સહિત આ સામગ્રી ફક્ત સામાન્ય માહિતી પ્રદાન કરે છે. આ લેખ માત્ર જાણકારી માટે છે. સ્વાસ્થ્ય સંબંધીત કંઇ પણ અનુસરતા પહેલા આપ આપના તબીબ અથવા તજજ્ઞોની સલાહ ખાસ લેવી. TV 9 gujarati આ માહિતી માટે જવાબદાર નથી.)
Health અને લાઇફસ્ટાઇલના દરેક સમાચાર વાંચવા અહીં ક્લિક કરો
