30 જૂનના મહત્વના સમાચાર : ગુજરાતમાં અનેક જગ્યાએ ભારે વરસાદની ચેતવણી, દક્ષિણ ગુજરાત અને સૌરાષ્ટ્રમાં યલો અને ઓરેન્જ એલર્ટ જાહેર
આજે 30 જૂનને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
નવી મુંબઈમાં મેઘરાજાની ધમાકેદાર એન્ટ્રી, જનજીવન પ્રભાવિત
નવી મુંબઈમાં ભારે વરસાદના પગલે અનેક વિસ્તારોમાં પાણી ભરાઈ જતાં જનજીવન પ્રભાવિત થયું છે. રસ્તાઓ પર ઢીંચણ સમા પાણી ભરાતા વાહનવ્યવહાર ધીમો પડ્યો છે અને લોકોને અવરજવર કરવામાં ભારે મુશ્કેલીનો સામનો કરવો પડી રહ્યો છે. વરસાદી પાણી ભરાવાને કારણે અનેક નીચાણવાળા વિસ્તારોમાં હાલાકી સર્જાઈ છે.
-
ભરૂચ: અંકલેશ્વર હાંસોટ પંથકમાં વરસાદી માહોલ
ભરૂચ જિલ્લાના અંકલેશ્વર અને હાંસોટ પંથકમાં વહેલી સવારથી ધોધમાર વરસાદ વરસતા વાતાવરણમાં ઠંડક પ્રસરી ગઈ છે. લાંબા સમયથી વરસાદની રાહ જોતા ખેડૂતો માટે ચોમાસાનું આગમન રાહતરૂપ બન્યું છે. વિધિવત વરસાદ શરૂ થતાં ખેતીકાર્યોને વેગ મળશે તેવી આશા સાથે ખેડૂતોમાં ખુશીનો માહોલ જોવા મળી રહ્યો છે.
-
-
વડોદરામાં અસામાજિક તત્વોનો આતંક, વેપારીઓમાં ભય
વડોદરાના જાબુવા બાયપાસ પાસે આવેલી દુકાનોમાં અસામાજિક તત્વોએ મારામારી બાદ હથિયારો સાથે ફરી હુમલો કરી ભારે હોબાળો મચાવ્યો હતો. ઘટનાથી વેપારીઓ અને સ્થાનિકોમાં ભયનો માહોલ ફેલાયો છે. ડાયલ 112ની ટીમ સ્થળ પર પહોંચી હતી, પરંતુ સ્થાનિકોના આક્ષેપ મુજબ આરોપીઓની અટકાયત કર્યા વિના જ પોલીસ પરત ફરી હતી. હવે સમગ્ર મામલે પોલીસની કાર્યવાહી પર સૌની નજર છે.
-
આગામી દિવસોમાં રાજ્યને ઘમરોળશે મેઘરાજા
ગુજરાતમાં આગામી દિવસોમાં વરસાદી માહોલ વધુ સક્રિય બનવાની શક્યતા છે. હવામાન વિભાગે રાજ્યના અનેક વિસ્તારોમાં ભારે વરસાદની આગાહી સાથે યલો અને ઓરેન્જ એલર્ટ જાહેર કર્યું છે. આજથી 5 જુલાઈ સુધી દક્ષિણ ગુજરાત અને સૌરાષ્ટ્ર સહિત વિવિધ વિસ્તારોમાં કડાકા-ભડાકા, વીજ ગર્જના અને 40થી 50 કિલોમીટર પ્રતિ કલાકની ઝડપે પવન સાથે વરસાદ પડી શકે છે. દરિયાકાંઠાના વિસ્તારોમાં રહેતા લોકો, ખેડૂતો અને સંબંધિત અધિકારીઓને જરૂરી સાવચેતી રાખવા સૂચના આપવામાં આવી છે.
આજે 30 જૂનને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jun 30,2026 7:46 AM
