રુપિયા 5 કરોડના ઘર અને 22થી વધુ મોંઘી ગાડીઓ પાણીમાં, અમદાવાદમાં વરસાદના 5 દિવસ પછી પણ ‘હાલાકી’ – જુઓ Video

અમદાવાદમાં ધોધમાર વરસાદના પાંચ દિવસ વીતી ગયા હોવા છતાં, શહેરમાં હાલાકી યથાવત છે. જોધપુર વિસ્તારમાં આવેલી અર્થ 12 એલિગન્સ સોસાયટીના રહેવાસીઓ ભારે મુશ્કેલીનો સામનો કરી રહ્યા છે.

પાંચ કરોડ રૂપિયાના ખર્ચે ખરીદેલા ઘરોમાં પાણી ભરાવાના કારણે કરોડો રૂપિયાનું નુકસાન થયું છે. સોસાયટીના બેઝમેન્ટમાં પાણી ભરાતા 22 થી વધુ મોંઘીદાટ ગાડીઓને વ્યાપક નુકસાન થયું છે. અમદાવાદ મ્યુનિસિપલ કોર્પોરેશન (AMC) દ્વારા હેવી ડી-વોટરિંગ મશીનોનો ઉપયોગ કરીને પાણી કાઢવાના પ્રયાસો કરવામાં આવ્યા પરંતુ તે સંપૂર્ણપણે સફળ રહ્યા નથી.

સ્થાનિકોનો આક્ષેપ છે કે, અનેક રજૂઆતો કરવા છતાં સોસાયટીને સ્ટ્રોમ વોટર લાઇન મળી નથી, જેના કારણે દર વર્ષે આવી પરિસ્થિતિનો સામનો કરવો પડે છે. આ ઘટના મેટ્રો સિટી અમદાવાદના ડ્રેનેજ ઇન્ફ્રાસ્ટ્રક્ચર પર ગંભીર સવાલો ઊભા કરે છે. રહેવાસીઓ ભવિષ્યમાં વધુ વરસાદની સંભાવનાથી ચિંતિત છે.

Breaking News : NEET બાદ હવે જામનગરની આયુર્વેદ યુનિવર્સિટીમાં પેપર લીકની આશંકા! 12માંથી 11 પ્રશ્નો પરીક્ષામાં પૂછાયા