27 એપ્રિલના મહત્વના સમાચાર : મહાનગરપાલિકામાં 55.11 %, નગરપાલિકાઓમાં 65.53 %, તાલુકા પંચાયતમાં 67.25 %, જિલ્લા પંચાયતની ચૂંટણીમાં 66.62 % મતદાન નોંધાયું
Gujarat Live Updates આજ 27 એપ્રિલના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો..
LIVE NEWS & UPDATES
-
અમદાવાદના કલગી ચાર રસ્તા પાસે જીપ અને કાર વચ્ચે અકસ્માત 2ને ઈજા
અમદાવાદના કલગી ચાર રસ્તા પાસે જીપ અને કાર વચ્ચે અકસ્માત સર્જાતા કારમાં સવાર 2ને ઈજા થવા પામી છે. બેફામ આવતી જીપે, કારને ટક્કર મારતાં કાર પલટી ખાઈ ગઈ હતી. કારમાં સવાર 2 લોકોને ઈજા થતાં સારવાર અર્થે હોસ્પિટલ ખસેડાયા છે. જીપચાલક નશામાં હોવાનો સ્થાનિકોએ કર્યો આક્ષેપ.
-
મહાનગરપાલિકામાં 55.11 %, નગરપાલિકાઓમાં 65.53 %, તાલુકા પંચાયતમાં 67.25 %, જિલ્લા પંચાયતની ચૂંટણીમાં 66.62 % મતદાન નોંધાયું
ગુજરાતમાં ગઈકાલ 26મી એપ્રિલના રોજ મહાનગરપાલિકા, નગરપાલિકા, તાલુકા પંચાયત અને જિલ્લા પંચાયતની ચૂંટણી યોજાઈ હતી. આ પૈકી મહાનગરપાલિકામાં 55.11 % મતદાન નોંધાયું હતું. નગરપાલિકાઓમાં કુલ 65.53 % મતદાન થયું છે. જિલ્લા પંચાયતોની ચૂંટણીમાં 66.62 ટકા મતદાન થયુ હતું. જ્યારે તાલુકા પંચાયતની ચૂંટણીમાં 67.25 % મતદાન નોંધાયું હતું.
-
-
વડોદરામાં કોંગ્રેસના મહિલા ઉમેદવારના નામે કોઈએ બોગસ મતદાન કરી નાખ્યાનો આક્ષેપ
વડોદરાનાં વોર્ડ નં 11 માં બોગસ વોટિંગનો આરોપ. કોંગ્રેસનાં મહિલા ઉમેદવારનું વોટિંગ અન્ય કોઇ કરી ગયું. ગદાપુરાનાં ડી.આર.અમીન સ્કૂલ મતદાન કેન્દ્રની ઘટના. ઉમેદવાર મતદાન મથકે પહોંચે તે પહેલાં તેમના નામે કોઈએ lમતદાન કરી નાખ્યું હતું. મતદાન થઇ જતા ઉમેદવારે ટેન્ડર વોટિંગ કરવું પડ્યું. વોર્ડ નં 9 નાં કોંગ્રેસ ઉમેદવાર મીના વસાવા બોગસ મતદાનના ભોગ બન્યા. વોર્ડ 11 માં ફરીથી ચૂંટણી કરાવવાં કોંગી ઉમેદવારની માંગ. ચૂંટણી અધિકારીને પત્ર લખી ઉમેદવારે રી-ઇલેક્શન માંગ્યું.
-
તાલાલા ગીરના આંકોલવાડી રેન્જના જંગલ વિસ્તારમાં ગેરકાનૂની રીતે સિંહ દર્શન કરતા યુવાનો ઝડપાયા
ગીર સોમનાથના તલાલા ગીરના આંકોલવાડી રેન્જના જંગલ વિસ્તારમાં ગેરકાનૂની રીતે સિંહ દર્શન કરવા પહોંચેલા યુવાનોને વનવિભાગે ઝડપી પાડ્યા હતા. ત્રણેય યુવાનો પાસેથી રૂપિયા 75000 નો દંડ વસૂલવામાં આવ્યો હતો. બે યુવાનો સ્થાનિક જ્યારે એક યુવાન વેરાવળનો હોવાનું સામે આવ્યું છે.
-
જસદણના આલણ સાગર તળાવમાં નાહવા પડેલા ચાર માસૂમ બાળકો ડૂબ્યા
જસદણના આલણ સાગર તળાવમાં નાહવા પડેલા ચાર માસૂમ બાળકો ડૂબ્યા. રાજકોટ જિલ્લાના જસદણથી ચાર કિલોમીટર દૂર આવેલ બાખલવડ પાસેના તળાવમાં ડૂબ્યા હતા. તળાવની પાળ પરથી માત્ર સાયકલ અને કપડાં મળી આવતા પરિવારજનોને ખબર પડી હતી. સામાન્ય પરિવારના બાળકોને બચાવવા સ્થાનિક તરવૈયાઓ અને ફાયર વિભાગ દ્વારા ડેમના ઊંડા પાણીમાં યુદ્ધના ધોરણે શોધખોળ શરૂ કરાઈ હતી પરંતુ ચારેયના મૃતદેહ હાથ લાગ્યા હતા.
-
આજે 27 એપ્રિલને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો…
Published On - Apr 27,2026 7:16 AM
