વડોદરા: ખેડૂતોનો હલ્લાબોલ! જૂના ઠરાવ મુજબ ખરીદી કરવાની ઉગ્ર માગ, નાયબ કલેકટરને આપ્યું આવેદન – જુઓ Video

વડોદરા જિલ્લાના ડભોઇમાં ખેડૂતો પોતાની પડતર માગણીઓને લઈને આંદોલનના માર્ગે ઉતર્યા છે. સરકારના વર્તમાન ઠરાવ પ્રમાણે ખેડૂતોને જુવારના પૂરતા ભાવ મળી રહ્યા નથી, જેના કારણે ખેડૂતોમાં ભારે રોષ જોવા મળી રહ્યો છે. ખેડૂતોની મુખ્ય માગ છે કે, સરકાર દ્વારા જૂના ઠરાવ મૂજબ જ જુવારની ખરીદી કરવામાં આવે.

જો જૂના ઠરાવ પ્રમાણે ખરીદી નહીં થાય, તો જગતના તાતને મોટું આર્થિક નુકસાન વેઠવાનો વારો આવશે. આ ઉપરાંત, જો સમયસર જુવારની ખરીદી શરૂ કરવામાં નહીં આવે તો કિંમતી પાક સડી જવાની ભીતિ પણ સેવાઈ રહી છે. પોતાના આ જ આક્રોશને વાચા આપવા માટે મોટી સંખ્યામાં એકઠા થયેલા ખેડૂતોએ APMC ખાતે ઉપવાસ પર બેસીને વિરોધ નોંધાવ્યો હતો. ત્યારબાદ ખેડૂતોએ એક રેલી યોજી હતી અને નાયબ કલેકટરને આવેદનપત્ર આપીને પોતાની માગણીઓ પૂરી કરવા રજૂઆત કરી હતી.

Surat Breaking News : નાસીર નગર ડિમોલિશન વિવાદમાં SMC અધિકારી અને કોન્ટ્રાક્ટરની મીલીભગતના લાગ્યા આરોપ !