16 ઓકટોબરના મહત્વના સમાચાર : અમદાવાદમાં કિર્તીદાન ગઢવીના ગરબા સ્થળે ગંદકી જોવા મળતા AMC એ ફટકારી નોટિસ
આજે 16 ઓક્ટોબરને શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
આજે 16 ઓક્ટોબરને શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
ધારાસભ્ય ચૈતર વસાવાને હાઈકોર્ટે 12 કલાક માટે આપ્યા જામીન
AAP ના દેડીયાપાડા મતવિસ્તારના ધારાસભ્ય ચૈતર વસાવાને હાઈકોર્ટે 12 કલાક માટે જામીન મંજૂર કરવામાં આવ્યા છે. હાઇકોર્ટે MLA ચૈતર વસાવાને આપ્યા જામીન. સુરત સિવિલમાં ગંભીર અવસ્થામાં દાખલ. ચૈતર વસાવાના ભાઈની તબિયત પૂછવા આપ્યા જામીન. સવારે 7 કલાકથી સાંજે 7 કલાક એમ 12 કલાકના જામીન મંજૂર કરવામાં આવ્યા છે.
-
અમદાવાદમાં કીર્તિદાન ગઢવીના પરંપરા ગરબાને AMC એ ફટકારી નોટિસ
અમદાવાદમાં કીર્તિદાન ગઢવીના પરંપરા ગરબાને AMC એ નોટિસ ફટકારી છે. સોલીડ વેસ્ટ વિભાગની ટીમની તપાસ બાદ અપાઈ નોટિસ. પરંપરા ગરબામાં કચરો જોવા મળતા અપાઈ હતી નોટિસ. તાત્કાલિક નિકાલ કરી સ્વચ્છતા જાળવવા સૂચના અપાઈ.
-
-
ખાનપુર તાલુકામાં બે બાઈક વચ્ચે સર્જાયો ગંભીર અકસ્માત, 1નું મોત, 2 ગંભીર
મહીસાગરમાં, બે બાઈક વચ્ચે ગમખ્વાર અકસ્માતમાં 1નું મોત, 2 ગંભીર રીતે ઈજાગ્રસ્ત થયો છે. ખાનપુર તાલુકામાં બે બાઈક વચ્ચે સર્જાયો ગંભીર અકસ્માત. લુણાવાડા શામળાજી હાઈવે પર આશીર્વાદ હોટલ નજીક બની દુર્ઘટના. 2 બાઈક પર સવાર 4 પૈકી 1 વ્યક્તિનું ઘટનાસ્થળે જ કમકમાટીભર્યું મોત થયું છે. 2 લોકો ગંભીર રીતે ઇજાગ્રસ્ત, 108 મારફતે સરકારી હોસ્પિટલ ખસેડાયા. પોલીસે ઘટનાસ્થળે પહોંચી આગળની કાયદેસરની તપાસ હાથ ધરી.
-
રાજકોટમાં પનીર, ઘી, આઈસક્રીમના નમૂના લેબોરેટરીમાં ફેઈલ થતા, RMC એ વસૂલ્યો દંડ
રાજકોટમાં દિવાળી પહેલા આરોગ્ય વિભાગની ફૂડ શાખાની તપાસ હાથ ધરી છે. ફૂડ શાખા દ્રારા 78 પેઢીઓની તપાસ હાથ ધરવામાં આવી. કુલ 33 કિલો અખાદ્ય જથ્થાનો કરાયો નાશ 3 પેઢીને નોટિસ આપીને 5000 રૂપિયા વહિવટી ચાર્જ વસુલ કરવામાં આવ્યો. પાંચ પેઢીમાંથી લીધેલા નમૂના થયાં ફેઇલ. બજરંગવાડીના અમૃત ડેરી ફાર્મમાંથી લીધેલ પનીરનો નમૂનો ફેઇલ. કોટેચા ચોકમાં આવેલ જય ધારેશ્વર ડેરી પનીરનો નમૂનો ફેઇલ. ઉદયનગરમાં આવેલ જલારામ ઘી ડેપોમાં ઘીનો નમૂનો ફેઇલ. આજીડેમ ચોકડી કનૈયા ડેરીમાંથી લીધેલ ઘીનો નમૂનો ફેઇલ. અંબિકા ટાઉનશીપમાં આવેલ બાલાજી કોઠી આઇસ્ક્રિમમાંથી આઇસ્ક્રિમનો નમૂનો ફેઇલ થયેલ છે.
-
જામનગરમાં, જૂની અદાવતમાં પૂર્વ કોર્પોરેટરની બાઇક સળગાવી દેવાઈ
જામનગરમાં, જૂની અદાવતમાં પૂર્વ કોર્પોરેટરની બાઇક સળગાવ્યાની ફરિયાદ નોંધાઈ છે. સમાજમાંથી રૂ. 40 લાખની લોન અપાવવાના મુદ્દે વિવાદ સર્જાયાનો આક્ષેપ. ભાજપના પૂર્વ કોર્પોરેટર અને મનપાના પૂર્વ ડે.મેયર તપન પરમારે નોંધાવી પોલીસ ફરિયાદ. અગાઉ ધમકી આપવામાં આવી હોવાનો પણ ફરિયાદમાં ઉલ્લેખ. ઘટના અંગે મેહુલ પરમાર નામના શખ્સ સામે નોંધાયો ગુનો. સિટી ‘બી’ ડિવિઝન પોલીસે ગુનો નોંધી આરોપીની ધરપકડ કરી. જૂની અદાવતની આગ હવે બાઇક સળગાવવા સુધી પહોંચી. બનાવના સીસીટીવી ફૂટેજ પણ આવ્યા છે સામે. પોલીસે આરોપી મેહુલની વધુ પૂછપરછ સહિતની આગળની કાર્યવાહી હાથ ધરી.
-
-
અન્નપૂર્ણા ખોડલધામ બનાવનારા રાજકીય વ્યક્તિઓ છેઃ દિનેશ બાંભણિયા
સુરતમાં શ્રી અન્નપૂર્ણા ખોડલધામ બનાવવા અંગે કરાયેલ જાહેરાતને લઈને ખોડલધામનાં ટ્રસ્ટી દિનેશ બાંભણિયાનું નિવેદન સામે આવ્યું છે. જે લોકો અન્નપૂર્ણા ખોડલધામ કરે છે તેઓ રાજકીય વ્યક્તિઓ છે. જો તેમનો સામાજિક ઇરાદો હશે તો સમાજ તેને સ્વીકારશે, જો તેમનો ઇરાદો રાજકીય હશે તો સમાજ વિચારશે. ખોડલધામનું નિર્માણ થયું ત્યારથી તેને પાડવા માટે અનેક ષડયંત્રો થયાં, તેનો વિરોધ કરવામાં આવ્યો છે. લોકશાહી છે એટલે કોઇપણ સંસ્થામાં પ્રત્યક્ષ કે પરોક્ષ રાજકારણ આવી જતું હોય છે. નરેશ પટેલે પણ અન્નપૂર્ણા ખોડલધામને શુભેચ્છાઓ આપી છે.
-
તેઓ ઈચ્છે છે કે આપણે અંદરોઅંદર ઝગડીએ ! કોંગ્રેસનાં પૂર્વ ધારાસભ્ય ગ્યાસુદ્દીન શેખનો ઓડિયો વાયરલ
કોંગ્રેસનાં પૂર્વ ધારાસભ્ય ગ્યાસુદ્દીન શેખનો ઓડિયો વાયરલ થયો છે. ગ્યાસુદ્દીન શેખ અપશબ્દો બોલતો હોવાનો ઓડિયો થયો વાયરલ. ગ્યાસુદ્દીન શેખનો કાર્યકર્તા સાથે વાતચીતનો ઓડિયો હોવાનું કહેવાય છે. જેમાં ગ્યાસુદિન એવું કહેતા હોવાનો દાવો કરાયો છે કે, મિયાભાઈને અંદર અંદર લડાવવાનું કામ કરે છે. મિયાભાઈ એક સાથે રહીને કામ કરો. કોઈ હિન્દુ વ્યક્તિ સાથે ઝઘડો થયા બાદ મુસ્લિમ યુવક સાથે થયેલ વાતચીતનો ઓડિયો હોવાનું કહેવાય છે. તેઓ ઈચ્છે છે કે આપણે અંદરોઅંદર ઝગડીએ. કોઈ કામને લઈ જાહેરમાં લખાણ લખવાને લઈ ગાળાગાળી થઈ હોવાનો અંદાજ. ઓડિયો અંગે ગ્યાસુદ્દીન શેખ સાથે વાતચીત નથી થઈ શકી. વાયરલ થયેલ ઓડિયો ક્લિપની TV9 પુષ્ટિ કરતું નથી.
-
અમદાવાદના ચંડોળા તળાવ પાસેના બેરલ માર્કેટમાં ચાલતા AN ગૃહ ઉદ્યોગમાંથી મળી સિન્થેટિક કલરની બોટલો
અમદાવાદના ચંડોળા તળાવ પાસેના બેરલ માર્કેટમાં આરોગ્ય શાખાના દરોડા. ગૃહ ઉદ્યોગ ચલાવતા એકમો પર તપાસ ચાલુ. સેવ, પુરી, મસાલા સિંગ બનાવતા એકમોને ત્યાં તપાસ હાથ ધરાઈ. કલરનો ઉપયોગ થયો હોવાનું, તેલનો વારંવાર ઉપયોગ અને સ્વછતાનો અભાવ જોવા મળ્યો. AN ગૃહ ઉદ્યોગના ત્યાં વાંધાજનક વસ્તુઓ મળી આવી છે. માત્ર દોઢ મહિના પહેલા જ યુનિટની કરાઇ હતી શરૂઆત. તહેવારો પૂર્વે તપાસમાં ગેરરીતિઓ આવી સામે. FSSAIના નિયમ મુજબ ફરસાણમાં સિન્થેટિક કલર ના વાપરી શકાય. યુનિટમાં સિન્થેટિક કલરની બોટલો મળી આવી. 500 કિલોથી વધુનો જથ્થો મનપાએ જપ્ત કર્યો. યુનિટ સીલ કરીને લાયસન્સ સસ્પેન્ડ કરાશે.
-
અંબાજીમાં અસામાજિક તત્ત્વોનો આતંક, લારીધારક પર હુમલો કરી લૂંટ
બનાસકાંઠા: બનાસકાંઠાના અંબાજીમાં મોડી રાત્રે અસામાજિક તત્ત્વોએ આતંક મચાવ્યો હોવાની ઘટના સામે આવી છે. લુખ્ખા તત્ત્વોના ટોળાએ પાપડ વેચતા યુવક પર લાકડી-ડંડા વડે હુમલો કરી લૂંટ ચલાવી હોવાનો આક્ષેપ છે. આ સમગ્ર ઘટના CCTV કેમેરામાં કેદ થઈ છે, જેમાં યુવક પર હુમલો કરતું ટોળું જોવા મળ્યું હોવાનું જાણવા મળ્યું છે. હુમલો કરનારાઓમાં મોટાભાગના કિશોરવયના હોવાનું અનુમાન છે. મોડી રાત્રે બનેલી આ ઘટનાને પગલે સ્થાનિક લોકોમાં ભયનો માહોલ જોવા મળી રહ્યો છે. બનાવની જાણ થતાં પોલીસે CCTV ફૂટેજના આધારે તપાસ શરૂ કરી છે. અંબાજીમાં અસામાજિક તત્ત્વો સામે કડક કાર્યવાહી કરવામાં આવે અને સ્થાનિકોની સુરક્ષા સુનિશ્ચિત કરવામાં આવે તેવી માગ ઊઠી છે.
-
બોરીસણામાં ગાડી ધીમી ચલાવવા મુદ્દે બબાલ, કારને આગ ચાંપી
ગાંધીનગર: ગાંધીનગરના બોરીસણા વિસ્તારમાં આવેલા પંચવટી હેલિપેડ ગ્રાઉન્ડમાં મોડી રાત્રે ગાડી ધીમી ચલાવવા મુદ્દે તકરાર થતાં મામલો ઉગ્ર બન્યો હતો. તકરારે હિંસક સ્વરૂપ ધારણ કરતાં કેટલાક શખ્સોએ કારમાં તોડફોડ કરી તેને આગ ચાંપી દીધી હતી. અસામાજિક તત્ત્વોએ કારના કાચ તોડી આગ લગાવતાં કાર બળીને ખાખ થઈ ગઈ હતી. ઘટનાની જાણ થતાં ફાયર વિભાગની ટીમ સ્થળ પર પહોંચી હતી અને આગ પર કાબૂ મેળવ્યો હતો. આ ઘટનામાં પાળતુ શ્વાનને પણ ખુલ્લું છોડી દેવામાં આવ્યું હોવાનો આક્ષેપ કરવામાં આવ્યો છે. બનાવને પગલે કલોલ તાલુકા પોલીસે કાર્યવાહી હાથ ધરી ત્રણ જેટલા શખ્સોની અટકાયત કરી છે. સમગ્ર મામલે પોલીસ દ્વારા વધુ તપાસ હાથ ધરવામાં આવી છે.
-
OBC સર્ટિફિકેટ મુદ્દે મજોકઠા આહિર સમાજમાં રોષ
સમાજના આગેવાનોના જણાવ્યા અનુસાર, 1978ના GR મુજબ OBC સર્ટિફિકેટ મળતું ન હોવાથી સમાજના લોકોને મુશ્કેલીઓનો સામનો કરવો પડી રહ્યો છે. 1978 બાદ સમાજને જનરલ અને OBC એમ બંને કેટેગરીમાં યોગ્ય સ્થાન ન મળતું હોવાનો આક્ષેપ કરવામાં આવ્યો છે. OBC સર્ટિફિકેટના અભાવે અનેક સરકારી કામો અટવાયા છે અને સમાજના યુવાનો સરકારી નોકરીઓની તકોથી વંચિત રહેતા હોવાનો પણ દાવો કરાયો છે. ગુજરાતમાં મજોકઠા આહિર સમાજની અંદાજિત એક લાખ જેટલી વસ્તી હોવાનું જણાવવામાં આવ્યું છે. આ મુદ્દે સમાજના લોકોએ રાજકોટ જિલ્લા કલેક્ટર કચેરી ખાતે રજૂઆત કરી પોતાની સમસ્યાનો ઉકેલ લાવવાની માગ કરી છે. સાથે જ ચીમકી ઉચ્ચારવામાં આવી છે કે જો તેમની માગણીઓ સ્વીકારવામાં નહીં આવે તો આગામી 28 ડિસેમ્બરે ધર્મ પરિવર્તન રેલીનું આયોજન કરવામાં આવશે. હવે તંત્ર આ રજૂઆત અંગે શું કાર્યવાહી કરે છે તેના પર સૌની નજર છે.
-
સુરતમાં ‘અન્નપૂર્ણા ખોડલધામ’ની જાહેરાત
સુરત: સુરતમાં બીજા ખોડલધામના નિર્માણ અંગે ચાલી રહેલી ચર્ચા પર હવે પૂર્ણવિરામ મૂકાયું છે. મોટા વરાછામાં યોજાયેલા શેરી ઓટલો નવરાત્રિ મહોત્સવ દરમિયાન બીજા ખોડલધામનું નામ ‘અન્નપૂર્ણા ખોડલધામ’ રહેશે તેવી જાહેરાત કરવામાં આવી છે. આ સાથે અન્નપૂર્ણા ખોડલધામના સ્વપ્નદ્રષ્ટા તરીકે જાણીતા ઉદ્યોગપતિ મુકેશ પટેલનું નામ જાહેર કરાયું છે. અન્નપૂર્ણા ખોડલધામના નિર્માણની આગેવાની મુકેશ પટેલ સંભાળશે, જ્યારે જયંતિ એકલારા પણ આ પ્રકલ્પના મુખ્ય ચહેરા તરીકે સામે આવ્યા છે. નવરાત્રિ મહોત્સવમાં અન્નપૂર્ણા ખોડલધામની ઝાંખી પણ રજૂ કરવામાં આવી હતી. આ જાહેરાતને પગલે સુરતમાં બીજા ખોડલધામના નિર્માણની દિશામાં મહત્ત્વપૂર્ણ પહેલ થઈ હોવાનું માનવામાં આવી રહ્યું છે. જોકે, મંદિરના નિર્માણનું સ્થળ, સમયમર્યાદા અને અન્ય વિગતો અંગે વધુ માહિતી સામે આવવાની બાકી છે.
-
વડોદરા કોર્ટ પરિસરમાં પોલીસકર્મી પર હુમલો, આરોપીની ધરપકડ
વડોદરા: વડોદરાના કોર્ટ પરિસરમાં પોલીસકર્મી પર હુમલો કરવાના કેસમાં પોલીસે ગૌરાંગ પટેલ નામના શખ્સની ધરપકડ કરી છે. પ્રાથમિક માહિતી મુજબ, આરોપી કેનેડાની નાગરિકતા ધરાવતો હોવાનું સામે આવ્યું છે. જોકે, પોલીસકર્મી પર હુમલો કરવા પાછળનું ચોક્કસ કારણ હજુ સુધી જાણવા મળ્યું નથી. આ ઘટનાને પગલે પોલીસે સમગ્ર મામલે વધુ તપાસ હાથ ધરી છે. આરોપીએ કયા સંજોગોમાં પોલીસકર્મી પર હુમલો કર્યો અને તેની પાછળનું કારણ શું હતું તે સહિતના મુદ્દાઓની તપાસ કરવામાં આવી રહી છે. તપાસમાં વધુ વિગતો સામે આવે તેવી શક્યતા છે.
-
સુરતમાં ગરબા રમતા યુવકનું મોત
સુરત: સુરતના વેલંજા વિસ્તારમાં ગરબા રમતી વખતે 39 વર્ષીય યુવકનું અચાનક ઢળી પડતાં મોત થયું છે. મૃતક યુવક રત્નકલાકાર હોવાનું સામે આવ્યું છે. મળતી માહિતી મુજબ, ગરબા રમતી વખતે થાક લાગતાં યુવક બેસવા જતો હતો, ત્યારે અચાનક ઢળી પડ્યો હતો. યુવકને અગાઉ બાયપાસ સર્જરી પણ કરાવવામાં આવી હતી. ગરબા રમતી વખતે યુવકનું મોત થતાં પરિવારમાં શોકની લાગણી ફેલાઈ ગઈ છે. આ ઘટના બાદ તબીબોએ ગરબા રમતી વખતે સાવચેતી રાખવા અપીલ કરી છે. ખાસ કરીને હૃદય સંબંધિત તકલીફનો ઇતિહાસ ધરાવતા લોકોએ પોતાની શારીરિક ક્ષમતા મુજબ જ કસરત કે ગરબા કરવા અને અસ્વસ્થતા જણાય તો તાત્કાલિક આરામ કરી તબીબી સલાહ લેવી જોઈએ.
-
કેન્દ્રીય ગૃહમંત્રી અમિત શાહ આજે ગુજરાતના પ્રવાસે
ગાંધીનગર: કેન્દ્રીય ગૃહમંત્રી અમિત શાહ આજે ગુજરાતના પ્રવાસે આવશે, જ્યાં તેઓ અડાલજ, ગાંધીનગર અને અમદાવાદમાં વિવિધ ધાર્મિક અને સાંસ્કૃતિક કાર્યક્રમોમાં હાજરી આપશે. પ્રવાસ દરમિયાન તેઓ પોતાના વતન માણસા ખાતે બહુચર માતાજીના મંદિરે દર્શન કરશે અને મોડી સાંજે માતાજીની આરતીમાં ભાગ લેશે. આ ઉપરાંત, ગાંધીનગરના રૂપાલમાં આવેલા વરદાયિની માતાજીના મંદિરે દર્શન-પૂજન કરશે. રૂપાલમાં ભગવાન શિવની 81 ફૂટ ઊંચી પ્રતિમાના નિર્માણ માટે શિલાન્યાસ કાર્યક્રમમાં પણ ઉપસ્થિત રહેશે. અમિત શાહના ગુજરાત પ્રવાસને પગલે વિવિધ સ્થળોએ કાર્યક્રમોની તૈયારીઓ કરવામાં આવી છે.
-
સુરતમાં ગરબાની સુરક્ષા માટે પોલીસ એક્શનમાં
સુરત: નવરાત્રી દરમિયાન સુરક્ષાને લઈને સુરત પોલીસ એક્શનમાં આવી છે. ડુમસ વિસ્તારમાં ત્રણ મોટા કમર્શિયલ ગરબા આયોજનો પર પોલીસની વિશેષ ટીમો અને આધુનિક ટેક્નોલોજી દ્વારા ચાંપતી નજર રાખવામાં આવશે. મહિલાઓની સુરક્ષા માટે SHE ટીમ પણ તૈનાત કરવામાં આવી છે. સુરક્ષા વ્યવસ્થા, વાહનોનું પેટ્રોલિંગ અને અન્ય કામગીરી માટે 10થી વધુ ટીમો જોડાઈ છે. આ ઉપરાંત, ‘મોબાઈલ હેલ્પ ડેસ્ક’ દ્વારા પણ સુરક્ષા સુનિશ્ચિત કરવાના પ્રયાસો કરવામાં આવશે. ગરબા સ્થળોએ ભીડનું પ્રમાણ જાણવા માટે AI કેમેરાની મદદથી ફૂટ કાઉન્ટિંગ પર પણ નજર રાખવામાં આવશે. પોલીસ દ્વારા ટેક્નોલોજી અને વિશેષ ટીમોના સંકલનથી ગરબા દરમિયાન સુરક્ષા વ્યવસ્થા મજબૂત બનાવવાનું આયોજન કરવામાં આવ્યું છે.
-
સુરતમાં બિનમંજૂર ગરબા આયોજકોને પોલીસની નોટિસ
સુરત: સુરતમાં બિનઅધિકૃત નવરાત્રી આયોજન મામલે સારોલી પોલીસે ગરબા આયોજકો સામે કાર્યવાહી હાથ ધરી છે. પુણા કેનાલ રોડ પર રાયન ડાઇંગ હોટલ નજીક યોજાનારા ‘જે.જી. નવરાત્રી’ના આયોજકોને પોલીસે નોટિસ ફટકારી છે. જરૂરી દસ્તાવેજો અને પ્રિમાઇસિસ લાયસન્સ મેળવ્યા વિના આયોજન કરવામાં આવતું હોવાનો નોટિસમાં ઉલ્લેખ કરાયો છે. અગાઉ જાણ કરવા છતાં મંજૂરી નહીં લેતાં શક્તિ પ્રફુલભાઈ ગોહિલ સહિતના આગેવાનોને નોટિસ બજાવવામાં આવી છે. પોલીસે સ્પષ્ટ તાકીદ કરી છે કે જરૂરી મંજૂરી વિના ગરબાનું આયોજન કરવામાં ન આવે. જો નિયમો અને લાયસન્સ વિના આયોજન ચાલુ રાખવામાં આવશે તો આયોજકો સામે કડક કાયદેસરની કાર્યવાહી કરવામાં આવશે. સુરત પોલીસે નિયમોનું પાલન કર્યા વિના થતા આયોજનને ચલાવી નહીં લેવાની ચેતવણી આપી છે.
-
જૂનાગઢમાં બાંગ્લાદેશી યુવતી ઝડપાઈ
જૂનાગઢ: જૂનાગઢના મધુરમ વિસ્તારમાંથી બાંગ્લાદેશની એક યુવતી ઝડપાતાં સુરક્ષા એજન્સીઓ સતર્ક બની છે. યુવતી નેપાળની નાગરિક હોવાની ખોટી ઓળખ આપી રહેતી હોવાનો ખુલાસો થયો છે. ખાલિદા ઉર્ફે મિથિલા નામથી ઓળખ છુપાવીને રહેતી આ યુવતીએ મહારાષ્ટ્ર અને સુરત બાદ જૂનાગઢમાં પોતાનું સરનામું બદલ્યું હતું. જૂનાગઢમાં તે છૂટક બ્યુટી પાર્લરમાં કામ કરતી હોવાની માહિતી સામે આવી છે. સી ડિવિઝન પોલીસે યુવતી પાસેથી મોબાઈલ ફોન સહિતના દસ્તાવેજો જપ્ત કર્યા છે. ત્યારબાદ તેને મહિલા વન સ્ટોપ સેન્ટર ખાતે મોકલવામાં આવી છે. આ મામલે ઇન્ટેલિજન્સ બ્યુરો (IB) દ્વારા તપાસ તેજ કરવામાં આવી છે અને યુવતીની ઓળખ તથા ભારતમાં રહેવા સંબંધિત વિગતોની તપાસ હાથ ધરવામાં આવી રહી છે.
-
જાફરાબાદમાં સરકારી શિક્ષક સામે દુષ્કર્મની ફરિયાદ
અમરેલી: જાફરાબાદમાં ચાર સગીર વિદ્યાર્થિનીઓ સાથે દુષ્કર્મ અને શારીરિક શોષણ કર્યાના આરોપસર સરકારી શિક્ષક રામશંકર પંડ્યા સામે POCSO એક્ટ હેઠળ ગુનો નોંધાયો છે. આરોપ છે કે શિક્ષક છેલ્લા પાંચ મહિનાથી વિદ્યાર્થિનીઓનું શોષણ કરતો હતો અને તેમની સાથે અડપલાં પણ કરતો હતો. આરોપી અગાઉ ગીર સોમનાથ જિલ્લામાં પોલીસકર્મી તરીકે ફરજ બજાવતો હોવાની માહિતી સામે આવી છે. ફરિયાદના આધારે જાફરાબાદ પોલીસે તપાસ શરૂ કરી આરોપી શિક્ષકની ધરપકડ કરી પૂછપરછ હાથ ધરી છે. ઘટનાને પગલે વાલીઓમાં ભારે રોષ જોવા મળી રહ્યો છે. અમરેલી SPએ આ મામલે કડક કાર્યવાહી કરવાના આદેશ આપ્યા છે.
-
ડીસામાં શંકાસ્પદ ઘીનો મોટો જથ્થો ઝડપાયો
બનાસકાંઠા: ડીસાના લાઠીબજાર વિસ્તારમાં ફૂડ એન્ડ ડ્રગ વિભાગે દરોડો પાડીને રહેણાંક મકાનમાંથી જાણીતી બ્રાન્ડના શંકાસ્પદ ઘીનો મોટો જથ્થો ઝડપી પાડ્યો છે. અંદાજિત લાખોની કિંમતના ઘીના 80 બોક્સ મળી આવતાં ખાદ્ય પદાર્થોમાં ભેળસેળ કરતા તત્વોમાં ફફડાટ ફેલાયો છે. ડીસામાં બે દિવસમાં ફૂડ વિભાગ દ્વારા બે દરોડા પાડવામાં આવતાં કાર્યવાહી વધુ તેજ બની છે. શંકાસ્પદ ઘીનો જથ્થો મળી આવતાં વિભાગ દ્વારા આગળની તપાસ હાથ ધરવામાં આવી છે. આ કાર્યવાહીથી નકલી ઘી બનાવતા અને વેચતા તત્વોમાં ફફડાટ ફેલાયો છે.
-
એકતાનગરમાં 17 ઓક્ટોબરથી પ્રકાશ પર્વ
નર્મદા: સ્ટેચ્યુ ઓફ યુનિટી ખાતે 17 ઓક્ટોબરથી ‘એકતા પ્રકાશ પર્વ-2026’નો પ્રારંભ થશે, જે 15 જાન્યુઆરી, 2027 સુધી ત્રણ મહિના ચાલશે. આ અંતર્ગત એકતાનગરમાં 7.6 કિલોમીટરના વિસ્તારમાં થીમ આધારિત રંગબેરંગી લાઇટિંગ કરવામાં આવશે. દીપ સુરંગ, પ્રકાશિત પુષ્પો અને સરદાર સરોવર ડેમ ખાતે ડાયનેમિક લાઇટ એન્ડ સાઉન્ડ શો પ્રવાસીઓ માટે મુખ્ય આકર્ષણ બનશે. આ ઉપરાંત ભારતની સંસ્કૃતિ, પરંપરા અને ઐતિહાસિક વારસાની ઝાંખી દર્શાવાશે. બાળકો માટે પશુઓ, મશરૂમ અને જળચર દુનિયા આધારિત લાઇટિંગ પણ ગોઠવાશે. ગત વર્ષે મળેલા સારા પ્રતિસાદને ધ્યાનમાં રાખીને આ વર્ષે ત્રણ મહિના સુધી પ્રકાશ પર્વનું આયોજન કરવામાં આવ્યું છે.
Published On - Oct 16,2026 7:42 AM
