15 જૂનના મહત્વના સમાચાર : ગુજરાત કિસાન સંઘર્ષ સમિતિની ગાંધીનગર કૂચ, સવારે 10 વાગ્યે શાંતિપુરા ચોકડીથી પ્રસ્થાન કરશે રેલી
આજે 15 જૂનને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
અમેરિકા-ઇરાન વચ્ચે ડીલ થતાં શેરબજારમાં તેજી
અમેરિકા અને ઇરાન વચ્ચે તણાવમાં ઘટાડો અને સંભવિત સમજૂતીના સંકેતો બાદ વૈશ્વિક બજારોમાં સકારાત્મક માહોલ જોવા મળ્યો છે, જેના પ્રભાવથી ભારતીય શેરબજારમાં પણ જોરદાર તેજી નોંધાઈ છે. સેન્સેક્સમાં આશરે 1100 પોઇન્ટ અને નિફ્ટીમાં 340 પોઇન્ટનો ઉછાળો જોવા મળતાં રોકાણકારોમાં ખુશીનો માહોલ છે. ઓઇલ અને ગેસના ભાવમાં ઘટાડાની આશાએ બજારને વધુ બળ મળ્યું છે. નિષ્ણાતોના મતે કાચા તેલના ભાવમાં નરમાઈથી ભારતને રાહત મળી શકે છે અને તેની અસર રૂપિયાની મજબૂતી પર પણ જોવા મળી શકે છે.
-
અમેરિકા: મિસૌરીમાં સ્કાઈડાઈવર્સ લઇ જતુ વિમાન તૂટી પડ્યું
અમેરિકાના મિસૌરી રાજ્યમાં એક ભયાવહ વિમાન દુર્ઘટના સર્જાઈ છે. સ્કાઈડાઈવિંગ માટે ઉડાન ભરનાર વિમાન ટેકઓફ બાદ થોડી જ વારમાં તૂટી પડતાં 11 સ્કાઈડાઈવર્સ સહિત કુલ 12 લોકોના મોત થયા હોવાનું જાણવા મળ્યું છે. વિમાને બટલર મેમોરિયલ એરપોર્ટથી ઉડાન ભરી હતી, પરંતુ નિશ્ચિત ઊંચાઈએ પહોંચે તે પહેલાં જ તે દુર્ઘટનાગ્રસ્ત બન્યું. ઘટનાની જાણ થતાં બચાવ અને તપાસ એજન્સીઓ તાત્કાલિક ઘટનાસ્થળે પહોંચી હતી. દુર્ઘટનાનું ચોક્કસ કારણ જાણવા માટે સત્તાવાળાઓએ તપાસ શરૂ કરી છે.
-
-
ગુજરાતીઓએ ચોમાસાની હજુ જોવી પડી શકે છે રાહ
ગુજરાતમાં ચોમાસાના આગમનને લઈને મહત્વના સમાચાર સામે આવ્યા છે. હવામાનની વર્તમાન સ્થિતિને જોતા રાજ્યમાં 20 જૂન સુધી ચોમાસાની સત્તાવાર એન્ટ્રીની શક્યતા ખૂબ ઓછી માનવામાં આવી રહી છે. ગુજરાત તરફ આગળ વધી રહેલા ચોમાસાની ગતિ ધીમી પડી ગઈ છે, જેના કારણે લોકોને હજુ વરસાદ માટે રાહ જોવી પડી શકે છે. અરબી સમુદ્રમાંથી આવતા ભેજયુક્ત પવનોને અવરોધ મળતા ચોમાસાની ઉત્તર તરફની પ્રગતિમાં વિલંબ થઈ રહ્યો છે, જેના સીધા પ્રભાવ ગુજરાત પર જોવા મળી રહ્યા છે.
-
ગુજરાત કિસાન સંઘર્ષ સમિતિની ગાંધીનગર કૂચ
ગાંધીનગરમાં ગુજરાત કિસાન સંઘર્ષ સમિતિના બેનર હેઠળ ખેડૂતોની વિશાળ ટ્રેક્ટર રેલી યોજાઈ રહી છે. શાંતિપુરા ચોકડીથી સવારે 10 વાગ્યે પ્રસ્થાન કરનારી આ કૂચમાં મોટી સંખ્યામાં ખેડૂતો જોડાયા છે. વીજ કંપનીઓની મનમાની, ખેતીની જમીનમાં વીજ ટાવર નાખવાની કાર્યવાહી તેમજ ખેડૂતોના વિવિધ પ્રશ્નોને લઈને આંદોલન કરવામાં આવી રહ્યું છે. કિસાન કોંગ્રેસ સહિત 23 જેટલા સંગઠનોના સમર્થન સાથે ખેડૂતો સરકાર અને ખાનગી કંપનીઓ સામે વિરોધ નોંધાવી રહ્યા છે.
આજે 15 જૂનને સોમવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jun 15,2026 7:48 AM
