09 સપ્ટેમ્બરના મહત્વના સમાચાર : જામનગરના ઘ્રોલમાં 2 ઈંચ, ભાવનગરના મહુવામાં 1, કચ્છના અબડાસામાં અડધો ઈંચ વરસાદ

કાંકરેજના સિહોરી વિસ્તારમાંથી ત્રણ લાખની નકલી ચલણી નોટો પકડાઈ

બનાસકાંઠાના કાંકરેજના સિહોરી વિસ્તારમાંથી એસઓજીએ અંદાજિત ત્રણ લાખની નકલી ચલણી નોટો પકડી પાડી છે. શિહોરી વિસ્તારમાંથી એક ઈસમ એકટીવા પરથી પસાર થઈ રહ્યો હતો ત્યારે તેની પાસેથી ડુપ્લીકેટ નોટો પકડાઈ. એસઓજીએ ડુપ્લીકેટ નોટો સાથે આ ઈસમને શિહોરી પોલીસ મથકે લઈ ગયા. ડુપ્લીકેટ નોટ અને લઈને વધુ તપાસ હાથ ધરી છે.

જામનગરના ઘ્રોલમાં 2 ઈંચ, ભાવનગરના મહુવામાં 1, કચ્છના અબડાસામાં અડધો ઈંચ વરસાદ

ગુજરાતમાં છેલ્લા ઘણા દિવસો બાદ, કેટલાક તાલુકાઓમાં વરસાદ વરસ્યો છે. આજે સવારના 6 વાગ્યાથી રાતના આઠ વાગ્યા સુધીમાં જામનગરના ઘ્રોલમાં 2 ઈંચ વરસ્યો છે. ભાવનગરના મહુવામાં એક ઈંચ વરસાદ તો કચ્છના અબડાસામાં અડધો ઈંચ સુધીનો વરસાદ નોંધાયો છે. જાફરાબાદ, લખપત, ઉપલેટા, જૂનાગઢ, માંડવીમાં વરસાદી ઝાપટા વરસ્યા હતા.

નર્મદા જિલ્લાના મહાત્મા ગાંધી આશ્રમ શાળા મોસ્કુટના 8 બાળકોને ફૂડ પોઇઝનીગ થયું

નર્મદા જિલ્લાના મહાત્મા ગાંધી આશ્રમ શાળા મોસ્કુટના બાળકોને ફૂડ પોઇઝનીગ થયું. ડેડીયાપાડા ખાતે તાત્કાલિક સારવાર બાદ રાજપીપલા સિવિલ હોસ્પિટલ ખાતે રીફર કરવામાં આવ્યા. આશ્રમ શાળા બાળકોને થયેલ ફૂડ પોઇઝનીગનું કારણ હજુ સુધી જાણવા મળેલ નથી. આશ્રમ શાળાના 8 થી 10 બાળકોને થયું હતું ફૂડ પોઇઝનીગ

ગુજરાત કોંગ્રેસના નવનિયુક્ત પ્રદેશ પ્રભારી 12 સપ્ટેમ્બરે ગુજરાત આવશે

ગુજરાત કોંગ્રેસના નવનિયુક્ત પ્રદેશ પ્રભારી 12 સપ્ટેમ્બરે ગુજરાત આવશે. પ્રભારી બન્યા બાદ રણદીપ સુરજેવાલાનો પ્રથમ ગુજરાત પ્રવાસ. પ્રદેશ હોદ્દેદારો અને ધારાસભ્યો સાથે કરશે બેઠક. ગુજરાતના કોંગ્રેસના નવા સંગઠન અને નવા કાર્યક્રમો અંગે થશે ચર્ચા.

મહેસાણાના કડીમાં કેનાલ રોડ પર લૂંટ ચલાવતી ગેંગ ઝડપાઈ

મહેસાણામાં કડીમાં કેનાલ રોડ પર લૂંટ ચલાવતી ગેંગ ઝડપાઈ છે. પોલીસે ચાર સાગરીતો સહિત બે સગીરોને ઝડપી લીધા હતા. રક્ષાબંધનની રાત્રે કારમાં બેઠેલા દંપતીને છરી બતાવી લૂંટ્યા હતા. પથ્થર મારી ગાડીના કાચ તોડી દાગીના લૂંટી લીધા હતા. ટોળકીએ અગાઉ બે ટ્રક ચાલકોને પણ લૂંટ્યા હતા. પોલીસે બે બાઇક અને છરી સહિત મુદ્દામાલ જપ્ત કર્યો. કડી પોલીસે કુલ 1.16 લાખનો મુદ્દામાલ રિકવર કર્યો છે.

અરવિંદ રૈયાણીએ કહ્યું-પોતાને કારણે 13 બેઠક જીત્યાનું કોઈએ માનવુ નહીં, પલોઠી વાળીને નહીં બેસુ યોગ્ય સ્થળે રજૂઆત કરીશ

રાજકોટ લોધિકા સંઘની ચૂંટણીમાં હાર બાદ પૂર્વ મંત્રી અરવિંદ રૈયાણીનું નિવેદન. રૈયાણીએ નામ લીધાં વિના જયેશ રાદડિયા પર કર્યા પ્રહારો. અરવિંદ રૈયાણીએ કહ્યું કે, કોઇ એવું માનતું હોય કે મારા કારણે 13 સીટ જીત્યા તો તેવું નથી. પાર્ટીથી મોટું કોઇ વ્યક્તિ ક્યારેય ન હોય.  હું મારી હાર સ્વિકારુ છું. હું લોકશાહી ઢબે આ ચૂંટણી લડ્યો છું. મેં કોઇનું અપહરણ નથી કર્યું. મારી સાથે જે અન્યાય થયો છે તેની હું યોગ્ય જગ્યાએ રજૂઆત કરીશ. હું પલોઠી વાળીને બેસી રહેવાનો નથી. પાર્ટીના શિર્ષ નેતૃત્વએ મેન્ડેન્ટનો નિર્ણય કર્યો હતો. તેનો અનાદર કરનાર ભાજપના કાર્યકર્તા હોઇ શકે નહિ. કોને શું કર્યું છે તેની પાર્ટીને ખબર છે.

રાજ્ય સરકાર ભાડાના મકાન અને કોમર્શિયલ મિલકતોને લગતા કાયદામાં કરશે ફેરફાર

રાજ્ય સરકાર ભાડાના મકાન અને કોમર્શિયલ મિલકતોને લગતા કાયદામાં કરશે ફેરફાર. શહેરી વિકાસ મંત્રી કનુ દેસાઈએ GUJARAT RENT BILL 2026 રજૂ કરવા કરી દરખાસ્ત. આ વિધેયક વિધાનસભામાં થશે રજૂ. નવા કાયદા મુજબ હવે ભાડા કરાર લેખિતમાં કરવો ફરજિયાત બનશે. મકાન માલિક 3 મહિનાથી વધુ સિકયુરિટી ડિપોઝિટ નહીં લઈ શકે. મકાન ખાલી કર્યા બાદ કપાત પછી એક માસમાં ડિપોઝિટ કરવી પડશે પરત. નવી RENT AUTHORITY ની રચના કરવાની પણ વિધેયકમાં જોગવાઈ. મકાન ભાડા અંગેની વિગતો RENT AUTHORITY ને આપવી પડશે. ઓથોરિટીના વડા તરીકે કલેક્ટર કે આસી. મ્યુનિ. કમિશનરથી નીચેની કેડરની નિમણૂક નહીં કરી શકાય. મકાન માલિકો માળખાગત સમારકામ માટે અને ભાડૂઆતો નિયમિત સમારકામ માટે ઠરશે જવાબદાર. કરાર પૂર્ણ થયા પછી પણ ભાડુઆત કબજો જાળવે તો ચૂકવવું પડશે બમણું ભાડું.

જેસર તાલુકામાં પણ મેઘરાજાનું આગમનથી પાક બચવાની ખેડૂતોમાં જાગી આશા

ભાવનગર મહુવા પંથક બાદ હવે જેસર તાલુકામાં પણ મેઘરાજાનું આગમન થયું છે. રાણીગામ, દેપલા, પા, કરજાળા, ઝડકલા, હિપાવડલી સહિતના ગામડાઓમાં વરસાદ વરસ્યો છે. એક મહિના બાદ મેઘરાજાનું આગમન થતાં ખેડૂતોના પાક બચી શકે તેવી શક્યતા વ્યક્ત થઇ રહી છે. છેલ્લા લાંબા સમયથી મેઘરાજા ના વિરામ નાં કારણે ખેડૂતો મુંજવણ માં મુકાયા હતા.

AMTS બસમાં લગાવાયા AI ટેકનોલોજી આધારિત ડેશ કેમેરા

અમદાવાદમાં AMTS બસ દ્વારા થતા અકસ્માતો નિવારવા માટે તંત્ર દ્વારા એક મહત્વનો નવતર પ્રયોગ હાથ ધરવામાં આવ્યો છે. જો હવે ચાલુ બસ દરમિયાન ડ્રાઇવર ફોનનો ઉપયોગ કરશે કે ડ્રાઇવિંગ વખતે ઊંઘતા ઝડપાશે, તો તાત્કાલિક કંટ્રોલ રૂમને એલર્ટ મળી જશે. આ માટે AMTS દ્વારા પાયલોટ પ્રોજેક્ટ હેઠળ બસોમાં ખાસ AI ટેકનોલોજી આધારિત ડૅશ કેમેરા લગાવવામાં આવ્યા છે, જેનું સીધું મોનિટરિંગ કંટ્રોલ રૂમ દ્વારા કરવામાં આવશે.

સાવરકુંડલા પંથક અને જાફરાબાદ શહેરમાં વરસાદી ઝાપટું વરસ્યું

અમરેલી જિલ્લાના વાતાવરણમાં પલટો આવ્યો હતો. સાવરકુંડલા પંથક અને જાફરાબાદ શહેરમાં વરસાદી ઝાપટું વરસ્યું હતું. જાફરાબાદના કેટલાક વિસ્તારોમા છૂટા છવાયા ઝાપટા પડ્યા હતા. સાવરકુંડલાના ખડસલી ગામે ધોધમાર વરસાદ વરસ્યો. ખડસલી ગામમાં અચાનક ધોધમાર વરસાદી ખેડૂતોને રાહત. ખડસલી ગામની શેરીઓમાં વરસાદી પાણી નીકળ્યા. વરસાદી ઝાપટાથી ખેડૂતોમાં વરસાદની આશાઓ બંધાણી.

મહુવાના ગ્રામ્ય વિસ્તાર બાદ ભાવનગરના શહેરી વિસ્તારમાં વરસ્યો વરસાદ

ભાવનગર મહુવાના ગ્રામ્ય વિસ્તાર બાદ સીટી વિસ્તારમાં શરૂ થયો વરસાદ. ગાંધી બાગ, સ્ટેશન રોડ, કોલેજ રોડ, સ્વામિનારાયણ મંદિર, કુંભારવાડા સહિતના સીટી વિસ્તારમાં મેઘરાજા મહેર થયા. ખાસ કરીને વરસાદનું આગમન થયું છે તેને લઈને ચોમાસું ખરીદ પાકને ફાયદો થશે. વરસાદ ના આગમનથી શહેરી જનો અને ખેડૂતો થયા ખુશ ખુશાલ

સુરતની શ્યામ સંગિની માર્કેટમાં લાગેલી આગ 17 કલાક બાદ પણ બેકાબૂ

સુરતની શ્યામ સંગિની માર્કેટમાં લાગેલી આગનો મામલો. 17 કલાક બાદ પણ આગ પર સંપૂર્ણ કાબૂ મેળવી શકાયો નથી. કુલિંગની કામગીરી દરમિયાન ફરી આગ લાગી રહી છે. આસપાસની દુકાનો પણ આગની ઝપેટમાં આવી રહી છે. 17 કલાક બાદ પણ આગ બેકાબૂ થઈ અને વધુ 3 દુકાનો આગની ચપેટમાં આવી ગઈ છે.

અમદાવાદમાં બાળ ભિક્ષાવૃત્તિ સામે પોલીસ અને AMCની સંયુક્ત કાર્યવાહી, કુલ 146 લોકોનું કરાયું રેસ્ક્યૂ

અમદાવાદમાં બાળ ભિક્ષાવૃત્તિ સામે પોલીસ અને એએમસીની સ્પેશિયલ ડ્રાઇવ. મહિલા સેલ, ક્રાઈમ બ્રાન્ચ અને AMCની સંયુક્ત કાર્યવાહી. બાળ ભિક્ષાવૃત્તિ કરતા બાળકોને રેસ્ક્યૂ કરાયા. ડ્રાઇવ દરમિયાન કુલ 146 લોકોનું રેસ્ક્યૂ કરાયા. 74 બાળકો અને 72 વ્યક્તિઓને રેસ્ક્યૂ કરવામાં આવ્યા. રેસ્ક્યૂ કરાયેલા બાળકોના પુનર્વસન કરાવવામાં આવશે. બાળકોને શિક્ષણ અને સુરક્ષિત ભવિષ્ય તરફ વાળવાનો પ્રયાસ કરશે.

મેં વંદેમાતરમનું અપમાન કર્યું નથી, 1937માં નક્કી થયેલા ગાનના ભાગ સમયે હુ ઊભો હતોઃ ઈમરાન ખેડાવાલા

વંદેમાતરમના અપમાનના આક્ષેપો પર કોંગ્રેસના ધારાસભ્ય ઈમરાન ખેડાવાલાએ સ્પષ્ટતા કરી છે. ઈમરાન ખેડાવાલાએ કહ્યું, વંદેમાતરમનું અપમાન નથી કર્યું. વંદેમાતરમ ગીત ચાલતું હતું ત્યારે હું ઊભો હતો. 1937માં નક્કી કરાયેલા વંદેમાતરમના ભાગ વખતે ઊભો હતો. પાછળથી ઉમેરાયેલા શબ્દો વખતે ઊભો નહોતો. BJPએ વધારેલા ગીતના ભાગ વખતે ઊભો ન હોવાનો દાવો. ઈમરાન ખેડાવાલાએ કહ્યું, હું દેશને પ્રેમ કરું છું. સરદાર પટેલ અને મહાત્મા ગાંધીની વિચારધારા સાથે જોડાયેલો છું. કોંગ્રેસ સાથેની વિચારધારા અંગે ઈમરાન ખેડાવાલાનું નિવેદન. લોકસભા અને રાજ્યસભામાં પસાર થયેલા નિર્ણયનો ઉલ્લેખ કર્યો. 1937માં નક્કી થયેલું વંદેમાતરમ જેટલુ જ ગાવું જોઈએ. 1937નું વંદેમાતરમ ગાવું એ મારું વ્યક્તિગત સ્ટેન્ડ છે તેમ ખેડાવાલાએ જણાવ્યું હતુ. ઈબાદત ખુદાની છે અને દેશ માટે પ્રેમ પણ છે તેમ ખેડાવાલાએ જણાવ્યું હતું. મંદિર સહિતના શબ્દો મુદ્દે સ્પષ્ટતા કરવાની જરૂર નથીતેમ ખેડાવાલાએ જણાવ્યું હતું.

ભાવનગર મહુવા પંથકના બગદાણા ગામમાં લાંબા વિરામ બાદ વરસાદ

ભાવનગર મહુવા પંથકના બગદાણા ગામમાં લાંબા વિરામ બાદ વરસાદ વરસ્યો છે. બપોર બાદ અચાનક વાતાવરણમાં પલટો આવ્યો અને હાલ વરસાદી વાતાવરણ જોવા મળી રહ્યું છે. છેલ્લા ઘણા સમયથી ખેડૂતો વરસાદની રાહ જોઈ રહ્યા હતા. હાલ માત્ર બગદાણા ગામમાં જ વરસાદ વરસી રહ્યો છે. ખેડૂતો પ્રાર્થના કરી રહ્યા છે કે સમગ્ર જિલ્લામાં મેઘરાજા મહેર થાય.

સરવે પૂર્ણ થાય બાદ રાજ્યમાં 3 કિમીના સ્થાને 7 કિમી વિસ્તારમાં આવતા તળાવ સૌની યોજના દ્વારા ભરવામાં આવશે: જળસંપત્તિ અને પાણી પુરવઠા પ્રધાન

રાજ્યના નાગરિકો અને ખેડૂતોના હિતમાં મુખ્ય પ્રધાન ભૂપેન્દ્ર પટેલ તેમજ નાયબ‌ મુખ્ય પ્રધાન હર્ષ સંઘવીના માર્ગદર્શન સૌરાષ્ટ્રમાં સૌની યોજના થકી અગાઉની 3 કિમીની મર્યાદા વધારીને 7 કિમી સુધીના તળાવ ભરવાનો મહત્વપૂર્ણ નિર્ણય કરવામાં આવ્યો છે. આ સરવે પૂર્ણ થાય બાદ રાજ્યમાં 3 કિમીના સ્થાને 7 કિમી વિસ્તારમાં આવતા તળાવ સૌની યોજના દ્વારા ભરવામાં આવશે તેમ, વિધાનસભા ગૃહમાં આજે જળસંપત્તિ અને પાણી પુરવઠા પ્રધાન ઈશ્વરસિંહ પટેલે પ્રશ્નનો જવાબ આપતાં જણાવ્યું હતું.

ઈશ્વરસિંહે સભ્ય દ્વારા પૂછાયેલા પેટા પ્રશ્ન અંગે વધુ વિગતો આપતાં જણાવ્યું હતું કે, અમરેલીના રાજુલા તાલુકામાં સૌની યોજનાની પાઈપ લાઈનના સ્કાવર વાલ્વથી 7 કિ.મી.મી મર્યાદામાં આવેલ તળાવોને સૌની યોજના થકી જોડાણ આપવા સર્વે માટેની ટેન્ડર પ્રક્રિયા પૂર્ણ થ‌ઈ ગ‌ઈ છે અને આગામી ઓક્ટોબર 2026 સુધીમાં સર્વેની કામગીરી પૂર્ણ કરવાનું લક્ષ્યાંક નક્કી કરવામાં આવ્યું છે.

આ ઉપરાંત ધોળીધજા ડેમથી વડોદ ડેમ સુધીની નર્મદા નિગમની બોટાદ બ્રાંચ કેનાલને સમાંતર 22 કિ.મી.ની ડ્યુઅલ પાઈપ લાઈન મંજૂર કરવામાં આવી છે જે કામગીરી એપ્રિલ-2028 સુધીમાં પૂર્ણ કરવાનું આયોજન છે. સૌની યોજના થકી પાણી પહોંચાડવા બાકી કામો જલ્દી પૂર્ણ કરવામાં આવશે તેમ, જળસંપત્તિ અને પાણી પુરવઠા પ્રધાન ઉમેર્યું હતું.

ખોટી રીતે માન્યતા મેળવીને ચાલતી પાંડેસરાની સંત શ્રી રઘુદાસ પ્રાથમિક અંગ્રેજી માધ્યમ શાળાની માન્યતા રદ કરાઈ

ખોટી રીતે માન્યતા મેળવી ચાલતી શાળા સામે સુરતના DEOએ કાર્યવાહી હાથ ધરી છે. પાંડેસરાની સંત શ્રી રઘુદાસ પ્રાથમિક અંગ્રેજી માધ્યમ શાળાની માન્યતા રદ કરવામાં આવી છે. બોગસ મંજૂરી પત્રથી ધોરણ 1 થી 8ની માન્યતા મેળવી હોવાનો ખુલાસો કરાયો છે. 2011ના મંજૂરી પત્ર પર સહી કરનાર DEOની 2010માં બદલી થઈ હતી. બદલી થયેલા DEOની સહીના બોગસ દસ્તાવેજથી 2025માં શાળા શરૂ કરાઈ. DEOની તપાસમાં માન્યતા સંબંધિત દસ્તાવેજોમાં ગંભીર છબરડા સામે આવ્યા. 2010 અને 2011ના મંજૂરી પત્રો શંકાસ્પદ જણાયા. શાળા મૂળ મંજૂરી પત્રો રજૂ કરી શકી નહીં. માન્યતા રદ થતાં આશરે 200 વિદ્યાર્થીઓને અન્ય શાળામાં ખસેડાશે. RTEના વિદ્યાર્થીઓને નજીકની ખાનગી પ્રાથમિક શાળામાં પ્રવેશ અપાવાશે. વિદ્યાર્થીઓના સ્થળાંતરની તમામ વ્યવસ્થા DEO કચેરી કરશે.

નડિયાદના સંતરામ રોડ પર સુપર બેકર્સમાં મનપા દરોડા, બિનઆરોગ્યપ્રદ પાવ અને બેકરી આઈટમ વેચાતી હોવાનો આક્ષેપ

નડિયાદના સંતરામ રોડ પર સુપર બેકર્સમાં મનપાની આરોગ્ય શાખાએ દરોડા પાડ્યા છે. બિનઆરોગ્યપ્રદ પાવ અને બેકરી આઈટમ વેચાતી હોવાનો આક્ષેપ. મનપાના ફૂડ વિભાગે દરોડો પાડી રૂ. 50 હજારનો દંડ ફટકાર્યો. દરોડા દરમિયાન પાવના સેમ્પલ જપ્ત કરાયા. સેમ્પલ પૃથ્થકરણ માટે ફૂડ ટેસ્ટિંગ લેબોરેટરીમાં મોકલાયા. લેબોરેટરી રિપોર્ટ બાદ વધુ કાયદાકીય કાર્યવાહી થશે. બિનઆરોગ્યપ્રદ કે વાસી ખાદ્યપદાર્થ વેચનાર સામે કડક કાર્યવાહીની ચેતવણી મ્યુનિસિપલ કમિશનરની વેપારીઓને પોલીસ ફરિયાદની પણ ચેતવણી.

વડોદરાના વાઘોડિયા રોડ પર ગણેશ પંડાલમાં તોડફોડ કરાઈ

વડોદરાના વાઘોડિયા રોડ પર ગણેશ પંડાલમાં તોડફોડ કરાઈ છે. મોપેડ પર આવેલા 3 શખ્સોએ લોખંડના ટેબલો ઉથલાવ્યા હતા. ક્રિષ્ના પાર્ક સોસાયટીમાં રાત્રિના સમયે તોડફોડ. મંડપમાં તોડફોડ કરી ટેબલો ઊંધા વાળી નુકસાન પહોંચાડ્યું. સમગ્ર ઘટના CCTV કેમેરામાં કેદ થઈ. મંડળના યુવક પ્રદીપસિંહ વાઘેલાએ બાપોદ પોલીસમાં અરજી કરી. જગ્યા વધારવા મુદ્દે વાતચીત બાદ તોડફોડ થઈ હોવાની વિગતો. પોલીસે બંને પક્ષોને બોલાવી સમજાવટ કરી. તોડફોડ કરનાર 3 શખ્સોની શોધખોળ શરૂ. શખ્સો સામે કાર્યવાહી કરવા પોલીસે તપાસ હાથ ધરી છે.

વડોદરા: માંજલપુરમાં જીમ સંચાલક સામે દાદાગીરીનો આક્ષેપ

વડોદરાના માંજલપુર વિસ્તારમાં જીમ સંચાલક સહિત ત્રણ શખ્સો સામે દાદાગીરી અને ધમકી આપવાના આક્ષેપમાં પોલીસ ફરિયાદ નોંધાઈ છે. લોકેશ શર્મા સહિત ત્રણ શખ્સો વિરુદ્ધ માંજલપુર પોલીસ મથકે ગુનો નોંધાયો છે. ફરિયાદ મુજબ, જૂની અદાવતને લઈને આરોપીઓ હથિયારો સાથે મહિલાના ઘરે પહોંચ્યા હતા અને તેના દિયર તથા પતિ ઘરે ન મળતા તેમને મારી નાખવાની ધમકી આપી હતી. મહિલાની ફરિયાદના આધારે પોલીસે ગુનો નોંધી સમગ્ર મામલે તપાસ શરૂ કરી છે.

ગુજરાતમાં 2 વર્ષમાં 161 બ્રિજ ભયજનક સ્થિતિમાં

ગુજરાત સરકારે વીજળીની ખરીદીનાં આંકડા જાહેર કર્યા

ગુજરાત સરકારે વર્ષ 2024 અને 2025 દરમિયાન પાવર એક્સચેન્જ પાસેથી ખરીદેલી વીજળીના આંકડા વિધાનસભામાં જાહેર કર્યા છે. સરકારના લેખિત જવાબ મુજબ, વર્ષ 2024માં ઈન્ડિયન એનર્જી એક્સચેન્જ પાસેથી 129.21 મિલિયન યુનિટ, પાવર એક્સચેન્જ ઓફ ઈન્ડિયા પાસેથી 39.08 મિલિયન યુનિટ અને હિન્દુસ્તાન પાવર એક્સચેન્જ પાસેથી 118.45 મિલિયન યુનિટ વીજળી ખરીદવામાં આવી હતી. જ્યારે વર્ષ 2025માં ઈન્ડિયન એનર્જી એક્સચેન્જ પાસેથી 68.48 મિલિયન યુનિટ, પાવર એક્સચેન્જ ઓફ ઈન્ડિયા પાસેથી 36.29 મિલિયન યુનિટ અને હિન્દુસ્તાન પાવર એક્સચેન્જ પાસેથી 5.48 મિલિયન યુનિટ વીજળી ખરીદવામાં આવી હતી. રાજ્યમાં વીજળીની માંગ વધતા જરૂરિયાત મુજબ પાવર એક્સચેન્જમાંથી વીજળી ખરીદવામાં આવી હોવાનું સરકારે લેખિત જવાબમાં જણાવ્યું છે.

સરકારી ભરતીને લઈને વિધાનસભામાં મોટો ખુલાસો

ગુજરાત વિધાનસભામાં સરકારી ભરતીને લઈને મોટો ખુલાસો થયો છે. ધારાસભ્ય શૈલેષ પરમારે રાજ્ય સરકાર પાસે ભરતી કેલેન્ડર જાહેર કરવાની માંગ સાથે 2013થી 2024 દરમિયાન થયેલી ભરતી પ્રક્રિયા અંગે સવાલો કર્યા હતા. 165 ભરતી પ્રક્રિયા માટેના માંગણાપત્રો અંગે સરકારનું શું આયોજન છે તે અંગે પણ પ્રશ્ન કરવામાં આવ્યો હતો. જેના જવાબમાં મંત્રી ઋષિકેશ પટેલે જણાવ્યું કે અગાઉ 149 જૂની મહેકમની જગ્યાઓ હતી, જ્યારે નવી 177 જગ્યાઓ ઊભી કરવામાં આવી છે, જેમાંથી 161 જગ્યાઓ ભરાઈ ચૂકી છે. 165 જગ્યાઓમાંથી 123 જગ્યાઓ સીધી ભરતીથી ભરવામાં આવશે. બઢતીના નિયમોમાં સુધારા કરવાની પ્રક્રિયા હાલ ચાલી રહી છે અને ત્યારબાદ DPC (ડિપાર્ટમેન્ટલ પ્રમોશન કમિટી)ની પ્રક્રિયા હાથ ધરાશે. આ પ્રક્રિયા પૂર્ણ થયા બાદ બાકી રહેલી જગ્યાઓ પણ આગામી સમયમાં ભરવામાં આવશે.

સુરતઃ સુમુલ ડેરીમાં ચૂંટણી બાદ પણ હોદ્દા માટે ખેંચતાણ યથાવત

સુરતઃ સુમુલ ડેરીની ચૂંટણી પૂર્ણ થયા બાદ પણ પ્રમુખ અને ઉપપ્રમુખના હોદ્દાને લઈને ભાજપમાં આંતરિક ખેંચતાણ યથાવત છે. જેના પગલે સુમુલ ડેરીના પ્રમુખ-ઉપપ્રમુખની ચૂંટણી સતત બીજી વખત મોકૂફ રાખવામાં આવી છે. ભાજપમાં ચાલી રહેલા જૂથવાદને કારણે મેન્ડેટ નક્કી કરવામાં વિલંબ થઈ રહ્યો હોવાનું ચર્ચાઈ રહ્યું છે. 19માંથી 15 બેઠકો ભાજપ પ્રેરિત પેનલે જીત્યા બાદ પણ પ્રમુખ અને ઉપપ્રમુખના નામ નક્કી કરવામાં વિલંબ થતાં આંતરિક ખેંચતાણ ચરમસીમાએ પહોંચી હોવાનું માનવામાં આવે છે. સમગ્ર મામલે આગામી સમયમાં હાઈકોર્ટના દ્વાર ખખડાવવાની ચીમકી પણ આપવામાં આવી છે.

મોરબીઃ શનાળા રોડ પર CNG કારમાં લાગી આગ

મોરબીઃ શનાળા રોડ પર પેટ્રોલ પંપથી માત્ર 10 મીટરના અંતરે એક CNG કારમાં અચાનક આગ લાગતા દોડધામ મચી ગઈ હતી. આગની ઘટનાને પગલે રસ્તા પર ટ્રાફિકજામ સર્જાયો હતો. ઘટનાની જાણ થતાં ફાયર બ્રિગેડની ટીમ તાત્કાલિક સ્થળ પર પહોંચી હતી અને આગ પર કાબૂ મેળવ્યો હતો. સદનસીબે આગને સમયસર કાબૂમાં લેતા મોટી દુર્ઘટના ટળી હતી.

ગુજરાત વિધાનસભાના ચોમાસું સત્રનો આજથી પ્રારંભ

ગુજરાત વિધાનસભાના ચોમાસુ સત્રનો આજથી પ્રારંભ થયો છે. 9થી 11 સપ્ટેમ્બર સુધી ત્રણ દિવસ ચાલનારા આ સત્ર દરમિયાન કુલ 9 વિધેયક ગૃહમાં રજૂ કરવામાં આવશે. સત્રની શરૂઆતમાં ગૃહ દ્વારા દિવંગત સભ્યોને શ્રદ્ધાંજલિ અને શોકાંજલિ અર્પણ કરવામાં આવશે. દરમિયાન રાજ્યમાં અછતની સ્થિતિ અને ખેડૂતોની મુશ્કેલીઓ સહિતના મહત્વના મુદ્દાઓ ચર્ચાના કેન્દ્રમાં રહેવાની શક્યતા છે. સત્ર શરૂ થાય તે પહેલાં સવારે 10 વાગ્યે ભાજપની વિધાનસભા દળની બેઠક પણ યોજાશે.

રાજકોટની લોધિકા ખરીદ વેચાણ સંઘની ચૂંટણીમાં મોટો ઉલટફેર

રાજકોટઃ લોધિકા ખરીદ-વેચાણ સંઘની ચૂંટણીમાં રાદડિયા જૂથનો દબદબો જોવા મળ્યો છે. ભાજપના મેન્ડેટ વિરુદ્ધ ઉમેદવારી કરનારા બે બળવાખોર ઉમેદવારોનો વિજય થયો છે. માધાપર બેઠક પર વિજય સખિયા અને કુવાડવા બેઠક પર નીતિન ચોવટીયા વિજેતા બન્યા છે. જ્યારે ત્રંબા બેઠક પર ટાઇ પડતાં ચિઠ્ઠી ઉછાળીને નિર્ણય કરવામાં આવ્યો હતો, જેમાં નીતિન રામાણીનો વિજય થયો છે. હલેન્ડા બેઠક પર ભાજપના મેન્ડેટ પર મહેશ આસોદરિયાની જીત થઈ છે. બીજી તરફ, ખોખડદડ બેઠક પર જયેશ રાદડિયા વિરુદ્ધ જૂથના માનવામાં આવતા બાબુ નસીત વિજેતા બન્યા છે. બાબુ નસીતની બેઠક પર એક મતદારે મતદાન કર્યું નહોતું. આમ, પાંચમાંથી ત્રણ બેઠકો પર ભાજપના વ્હિપનો અનાદર થયો હોવાનું સામે આવ્યું છે.

રાજકોટઃ લોધિકા ખરીદ વેચાણ સંઘની ચૂંટણીમાં મોટા સમાચાર

રાજકોટઃ લોધિકા ખરીદ વેચાણ સંઘની ચૂંટણીમાં માધાપર બેઠકનું પરિણામ જાહેર થતાં ભાજપને મોટો ઝટકો લાગ્યો છે. ભાજપ દ્વારા ઘોઘુભા જાડેજાના નામનો વ્હિપ જાહેર કરવામાં આવ્યો હોવા છતાં વ્હિપ વિરુદ્ધ મતદાન થયું હતું. પરિણામે માધાપર બેઠક પરથી રાદડિયા જૂથના વિજય સખિયાનો વિજય થયો છે, જ્યારે ભાજપ સમર્થિત ઘોઘુભા જાડેજાની હાર થઈ છે.

કચ્છમાં વરસાદ ખેંચાતા માલધારીઓની હિઝરત

કચ્છ જિલ્લામાં નહિવત વરસાદના કારણે પશુપાલકો અને માલધારીઓ મુશ્કેલીમાં મુકાયા. પશુઓ માટે ઘાસચારા અને પાણીના અભાવે હવે માલધારીઓને હિજરત કરવાની ફરજ પડી. લખપત તાલુકામાંથી 700થી વધુ પશુધન સાથે માલધારીઓની હિજરત કરી. પશુઓને ઘાસચારા અને પાણીની અછતથી બચાવવા માલધારીઓ અન્ય વિસ્તારો તરફ રવાના થયા. લખપત પંથકના આશરે 25 ગામોમાંથી માલધારીઓ પશુધન અને પરિવાર સાથે સ્થળાંતર કર્યું.

રાજકોટઃ લોધિકા ખરીદ વેચાણ સંઘની ચૂંટણીનું આજે પરિણામ

રાજકોટઃ લોધિકા ખરીદ વેચાણ સંઘની પાંચ બેઠકો માટે ગઇકાલે યોજાયેલા મતદાન બાદ આજે પરિણામ જાહેર થવાનું છે. કુલ 21 પૈકી 20 મતદારોએ મતદાન કર્યું હતું. જોકે, મતગણતરી શરૂ થાય તે પહેલાં જ હલેન્ડા જૂથની બેઠક પર મહેશ આસોદરિયાની જીત નિશ્ચિત માનવામાં આવી રહી છે. ભાજપ દ્વારા મહેશ આસોદરિયાના નામનો વ્હિપ જાહેર કરવામાં આવ્યો હતો. જ્યારે અન્ય ત્રણ બેઠકો પર વ્હિપનો અનાદર થયો હોવાની શક્યતા વ્યક્ત કરવામાં આવી રહી છે. હવે મતગણતરી બાદ થોડી જ વારમાં સમગ્ર ચિત્ર સ્પષ્ટ થશે.

અમેરિકા-ઈરાન યુદ્ધથી ક્રુડ ઓઈલમાં ફરી ભડકો, 100 ડોલર નજીક ભાવ

અમેરિકાએ ઈરાનના 5 ઓઈલ ટેન્કરોનો નાશ કર્યો

યુએસ સેન્ટ્રલ કમાન્ડે ટ્વિટ કર્યું, ‘સેન્ટકોમ દળોએ 8 સપ્ટેમ્બરે ઈરાની ક્રૂડ ઓઈલ વહન કરતા પાંચ જહાજોનો નાશ કર્યો હતો. અગાઉ, ઈસ્લામિક રિવોલ્યુશનરી ગાર્ડ કોર્પ્સ (આઈઆરજીસી) એ છેલ્લા બે દિવસમાં બે વખત બેલેસ્ટિક મિસાઈલોથી યુ.એસ. પર હુમલો કર્યો હતો. નૌકાદળના યુદ્ધ જહાજને નિશાન બનાવવામાં આવ્યું હતું.યુ.એસ. યુદ્ધ જહાજ સફળતાપૂર્વક ઈરાનના હુમલાઓથી બચી ગયું અને વિસ્તારના પાણીમાં પેટ્રોલિંગ ચાલુ રાખ્યું. કોઈપણ અમેરિકન કર્મચારીઓને કોઈ નુકસાન થયું નથી.

જુનાગઢમાં જળસંકટના એંધાણ! માત્ર 30 દિવસ ચાલે તેટલું જ પાણી

જુનાગઢમાં વરસાદની અછત વચ્ચે આગામી દિવસોમાં પાણીની કટોકટી સર્જાવાની ભીતિ ઉભી થઈ છે. હસ્નપુર-આણંદપુર ડેમમાં પાણીનો જથ્થો સતત ઘટી રહ્યો છે, જ્યારે નરસી મહેતા સરોવર પણ તળિયા ઝાટક કરવાની સ્થિતિમાં પહોંચ્યું છે. હાલની સ્થિતિમાં જુનાગઢ શહેરમાં માત્ર 30 દિવસ ચાલે તેટલો જ પાણીનો જથ્થો ઉપલબ્ધ હોવાનું સામે આવ્યું છે. આ અંગે મનપાના બાંધકામ સમિતિના ચેરમેન જયેશ બોધરાએ મુખ્યપ્રધાનને પત્ર લખી નર્મદા આધારિત પાણીની કાયમી વ્યવસ્થા કરવાની માંગ કરી છે. સાથે જ સ્થાનિક ડેમ અને જળાશયોમાં નર્મદાનું પાણી પહોંચાડવા માટે તાત્કાલિક પગલાં ભરવા રજૂઆત કરવામાં આવી છે.

જમ્મુ-કાશ્મીર અને પાકિસ્તાનમાં ભૂકંપના આંચકા અનુભવાયા

જમ્મુ-કાશ્મીર તેમજ પાકિસ્તાનમાં ભૂકંપના આંચકા અનુભવાયા. બુધવારે સવારે જમ્મુ-કાશ્મીરના કિશ્તવાડમાં 3.2 ની તીવ્રતાનો ભૂકંપ આવ્યો. પાકિસ્તાનમાં 4.0 ની તીવ્રતાનો ભૂકંપ આવ્યો.