04 સપ્ટેમ્બરના મહત્વના સમાચાર : ઇસરોએ મધ્યરાત્રિએ ઇતિહાસ રચ્યો, દેશનું પ્રથમ ઇમેજિંગ સેટેલાઇટ લોન્ચ કર્યુ
આજે 04 સપ્ટેમ્બરના શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો
LIVE NEWS & UPDATES
-
મહેસાણા: અખબારમાં ખોરાક પીરસતી બે હોટલ સામે કાર્યવાહી
મહેસાણા જિલ્લામાં ફૂડ વિભાગની ટીમોએ ખાદ્યપદાર્થોની ગુણવત્તા અને સ્વચ્છતા જાળવવા સઘન ચેકિંગ હાથ ધર્યું હતું. દરમિયાન ફતેપુરા બાયપાસ પર આવેલી માધવ રેસ્ટોરન્ટ અને પાલનપુર હાઈવે પર આવેલી માલગુડી ઇન સામે નિયમભંગ બદલ કાર્યવાહી કરવામાં આવી છે. બંને સ્થળે ખોરાકના રેપિંગ માટે અખબારનો ઉપયોગ થતો હોવાની બાબત સામે આવતા ફૂડ વિભાગે કાર્યવાહી કરી હતી. નિયમોનું ઉલ્લંઘન કરનારા એકમો સામે બે લાખ રૂપિયા સુધીના દંડની જોગવાઈ છે. સાથે જ પરવાના વિના ધંધો કરતા એકમો સામે પણ કડક કાર્યવાહી કરવામાં આવશે તેવી ચેતવણી ફૂડ વિભાગે આપી છે.
-
સુરતઃ પીપલોદ વિસ્તારમાં હોટલના પાર્સલમાંથી નીકળ્યો મૃત વંદો
સુરતના પીપલોદ વિસ્તારમાં આવેલી રાધાકૃષ્ણ હોટલમાંથી મંગાવવામાં આવેલા પાર્સલમાંથી મૃત વંદો મળી આવ્યાની ફરિયાદ સામે આવી છે. ગ્રાહકના જણાવ્યા મુજબ, ખોરાકનું પાર્સલ ખોલતા તેમાં મૃત વંદો જોવા મળ્યો હતો. ઘટનાને પગલે ગ્રાહકે સુરત મહાનગરપાલિકામાં ફરિયાદ નોંધાવી છે. હોટલના ખોરાકની ગુણવત્તા અને સ્વચ્છતા સામે સવાલો ઉઠતા મનપાની ફૂડ વિભાગ દ્વારા મામલે તપાસ અને જરૂરી કાર્યવાહી કરવામાં આવે તેવી માંગ ઉઠી છે.
-
-
જામનગર: તહેવાર પર મીઠાઈ ખરીદતા પહેલા સાવધાન, કાજુ કતરીમાં ફૂગ નીકળ્યાનો દાવો
જામનગરમાં તહેવારના સમયે મીઠાઈ ખરીદતા ગ્રાહકો માટે ચોંકાવનારી ઘટના સામે આવી છે. ‘નટબટ કંપની’ની કાજુ કતરીમાં એક્સપાયર ડેટ પહેલાં જ ફૂગ નીકળ્યાનો ગ્રાહકે આક્ષેપ કર્યો છે. ગ્રાહકના જણાવ્યા મુજબ, ₹950 પ્રતિ કિલોના ભાવે ખરીદેલી કાજુ કતરી બગડેલી હોવાનું જણાતા તેમણે કંપનીમાં ફરિયાદ કરી હતી, પરંતુ યોગ્ય જવાબ ન મળ્યાનો આરોપ લગાવ્યો છે. ત્યારબાદ ગ્રાહકે ફૂડ શાખાને જાણ કરતાં અધિકારીઓએ આઉટલેટ પર કાર્યવાહી કરી હતી. તપાસ દરમિયાન આઉટલેટ પર વધુ બગડેલી કાજુ કતરીની પ્રોડક્ટ મળી હોવાની માહિતી સામે આવી છે. ઘટનાને પગલે તહેવારોમાં મીઠાઈ ખરીદતી વખતે પેકિંગ, ઉત્પાદન તારીખ અને એક્સપાયરી ડેટ ચકાસવાની જરૂરિયાત પર ભાર મૂકાયો છે.
-
ઇસરોએ મધ્યરાત્રિએ દેશનું પ્રથમ ઇમેજિંગ સેટેલાઇટ લોન્ચ કર્યું
ઈન્ડિયન સ્પેસ રિસર્ચ ઓર્ગેનાઈઝેશન (ઈસરો) એ ગુરુવારે મધરાતે ઈતિહાસ રચી દીધો. તેણે આંધ્રપ્રદેશના શ્રીહરિકોટાથી એડવાન્સ્ડ અર્થ ઓબ્ઝર્વેશન સ્પેસક્રાફ્ટ લોન્ચ કર્યું છે. ભૌગોલિક ભ્રમણકક્ષામાં આ દેશનો પ્રથમ ઇમેજિંગ ઉપગ્રહ છે. તેને જીએસએલવી રોકેટનો ઉપયોગ કરીને સ્પેસપોર્ટ પરથી સફળતાપૂર્વક લોન્ચ કરવામાં આવ્યું હતું. ઈસરોએ કહ્યું કે EOS-05 ઉપગ્રહને સ્પેસપોર્ટ પરથી ટેકઓફ કર્યાના લગભગ 18 મિનિટ પછી નિશ્ચિત સબ-જીઓસિંક્રોનસ ટ્રાન્સફર ઓર્બિટમાં સફળતાપૂર્વક મૂકવામાં આવ્યો હતો.
આજે 04 સપ્ટેમ્બરના શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો
Published On - Sep 04,2026 7:51 AM
