‘ગોલમાલ 5’ માટે રોહિત શેટ્ટીનો માસ્ટરપ્લાન તૈયાર, આટલા વર્ષોમાં રિલીઝ થશે ફિલ્મ
બોલિવુડની કેટલીક એવી ફિલ્મો છે જેના અપકમિંગ પાર્ટની ફેન્સ આતુરતાથી રાહ જોઈ રહ્યા છે. આવી જ ડાયરેક્ટર રોહિત શેટ્ટીની એક ફિલ્મ ગોલમાલ પણ છે. જેની અપકમિંગ સિક્વલને લઈને રોહિત શેટ્ટીએ એક મોટું અપડેટ આપ્યું છે. ગોલમાલ 5ની રાહ જોઈ રહેલા ફેન્સ માટે એક સારા સમાચાર સામે આવ્યા છે.
બોલિવુડના બેસ્ટ ડાયરેક્ટર્સમાંના એક રોહિત શેટ્ટી પોતાની દરેક ફિલ્મ સાથે કંઈક અલગ અને સારું કરવાનો પ્રયાસ કરે છે. રોહિત શેટ્ટીનું નામ સક્સેસફુલ ડાયરેક્ટર્સની લિસ્ટમાં આવે છે. તેની ફિલ્મોમાં ઘણી બધી એક્શન અને ડ્રામા જોવા મળે છે. હાલમાં જ રોહિત શેટ્ટી ટૂંક સમયમાં ઓટીટી ડેબ્યૂ કરવા જઈ રહ્યો છે. તેમના દ્વારા બનાવવામાં આવેલ ઈન્ડિયન પોલીસ ફોર્સ ટૂંક સમયમાં ઓટીટી પર રિલીઝ થશે. આ દરમિયાન રોહિત શેટ્ટીની ગોલમાલ ફ્રેન્ચાઈઝીને લઈને એક નવું અપડેટ સામે આવ્યું છે.
ગોલમાલ 5 માટે રોહિતનો માસ્ટર પ્લાન તૈયાર
હાલમાં જ એક ઈન્ટરવ્યુ દરમિયાન રોહિત શેટ્ટીએ ગોલમાલના અપકમિંગ પાર્ટને લઈને એટલે કે ગોલમાલ 5 માટે તેનો માસ્ટર પ્લાન જાહેર કર્યો છે. પિંકવિલાના રિપોર્ટ મુજબ રોહિત શેટ્ટીને ‘ગોલમાલ 5’ વિશે અપડેટ પૂછવામાં આવ્યું હતું. તેને અજય દેવગન અને તેની ગેંગની વાપસીને લઈને સવાલ કરવામાં આવ્યો હતો, જેનો રોહિત શેટ્ટીએ ખુલ્લેઆમ જવાબ આપ્યો હતો. રોહિતે કહ્યું કે ‘ગોલમાલ 5’ જરૂર બનશે.
આટલા વર્ષમાં રિલીઝ થશે ફિલ્મ
ડાયરેક્ટરની વાત માનીએ તો તે આ ફિલ્મ ટૂંક સમયમાં બનાવશે. તેને લાગે છે કે આવનારા 2 વર્ષમાં તે ‘ગોલમાલ 5’ બધાની સામે રજૂ કરશે. આ સિવાય રોહિતે એ પણ વચન આપ્યું છે કે ગોલમાલનો અપકમિંગ પાર્ટ અગાઉના પાર્ટ કરતા ઘણો મોટો અને સારો હશે. તેમના મતે સિનેમા પહેલાની સરખામણીમાં હવે ઘણું બદલાઈ ગયું છે. જેના કારણે હવે ઓલ ધ બેસ્ટ અને ગોલમાલ જેવી ફિલ્મોને વધુ સારી અને મોટી બનાવવી પડશે.
રોહિત શેટ્ટીના મતે તે ગોલમેનમાં એક્શન એડ કરી શકતો નથી, પરંતુ તે તેનો સ્કેલ હાઈ કરી શકે છે. ગોલમેનના ઘણા ફેન્સ છે અને તેને ફેન્સ માટે આ બ્રાન્ડ બનાવી છે. આવામાં ગોલમાલનો આગળનો પાર્ટ કોમેડી ફ્રેન્ચાઈઝી હોવા છતાં મોટો અને સારો હોવો જોઈએ.
આ પણ વાંચો: યુવરાજ સિંહની બાયોપિકમાં જોવા મળશે રણબીર કપૂર? ક્રિકેટરે તોડ્યું મૌન
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
