1 લાખ રૂપિયાના બની ગયા 47 લાખ, રેલવેનો આ શેર 4600%થી વધુ વધ્યો, હવે આપશે ડિવિડન્ડ
રેલ વિકાસ નિગમ લિમિટેડના શેર છેલ્લા સાડા ચાર વર્ષમાં 4600% થી વધુ વધ્યા છે. આ સમયગાળા દરમિયાન કંપનીના શેર 13 રૂપિયાથી વધીને 600 રૂપિયા થઈ ગયા છે.
નવરત્ન કંપની રેલ વિકાસ નિગમ લિમિટેડના શેરોએ લોકોને અમીર બનાવ્યા છે. છેલ્લા સાડા ચાર વર્ષમાં રેલવે કંપનીના શેરમાં 4600% થી વધુનો વધારો થયો છે. આ સમયગાળા દરમિયાન રેલ વિકાસ નિગમ લિમિટેડનો શેર રૂ. 13 થી વધીને રૂ. 600 થયો છે. કંપનીએ હવે તેના અંતિમ ડિવિડન્ડની રેકોર્ડ તારીખ નક્કી કરી છે. કંપની દરેક શેર પર 2.11 રૂપિયાનું અંતિમ ડિવિડન્ડ ચૂકવી રહી છે અને તેની રેકોર્ડ તારીખ 23 સપ્ટેમ્બર 2024 છે.
1 લાખ રૂપિયાના બનાવી દિધા રૂ. 47 લાખથી વધુ
રેલ વિકાસ નિગમ લિમિટેડના શેરે છેલ્લા સાડા ચાર વર્ષમાં રોકાણકારોને 4653% વળતર આપ્યું છે. રેલ કંપનીના શેર 27 માર્ચ, 2020 ના રોજ 12.80 રૂપિયાના ભાવે હતા. નવરત્ન કંપનીનો શેર 30 ઓગસ્ટ 2024ના રોજ રૂ. 608.45 પર બંધ થયો હતો. જો કોઈ વ્યક્તિએ 27 માર્ચ, 2020 ના રોજ રેલ વિકાસ નિગમ લિમિટેડ (RVNL) ના શેરમાં 1 લાખ રૂપિયાનું રોકાણ કર્યું હોય અને તેનું રોકાણ જાળવી રાખ્યું હોય, તો 1 લાખ રૂપિયામાં ખરીદેલા શેરનું વર્તમાન મૂલ્ય 47.53 લાખ રૂપિયા હોત. રેલ વિકાસ નિગમ લિમિટેડના શેરનું 52 વીક હાઇ સ્તર રૂ. 647 છે.કંપનીના શેરનું 52 વીક લો સ્તર 129.90 રૂપિયા છે.
એક વર્ષમાં કંપનીના શેરમાં 340%નો ઉછાળો આવ્યો છે
છેલ્લા એક વર્ષમાં રેલ વિકાસ નિગમ લિમિટેડ (RVNL)ના શેરમાં 340%નો ઉછાળો આવ્યો છે. સરકારી રેલ્વે કંપનીનો શેર 1 સપ્ટેમ્બર, 2023ના રોજ રૂ. 138.25 પર હતો. રેલ વિકાસ નિગમ લિમિટેડના શેર 30 ઓગસ્ટ 2024ના રોજ 608.45 રૂપિયા પર પહોંચી ગયા છે. આ વર્ષે અત્યાર સુધીમાં રેલવે કંપનીના શેરમાં 234%નો વધારો જોવા મળ્યો છે. આ વર્ષની શરૂઆતમાં 1 જાન્યુઆરી, 2024ના રોજ કંપનીના શેર રૂ. 182.15 પર હતા, જે 30 ઓગસ્ટ, 2024ના રોજ રૂ. 600ને પાર કરી ગયા છે. છેલ્લા 6 મહિનામાં રેલ્વે કંપનીના શેરમાં 147% થી વધુનો વધારો જોવા મળ્યો છે.
આઈપીઓ વખતે કંપનીના શેરની કિંમત રૂ. 19 હતી.
રેલ વિકાસ નિગમ લિમિટેડનો IPO 29 માર્ચ 2019 ના રોજ ખોલવામાં આવ્યો હતો અને તે 3 એપ્રિલ સુધી ખુલ્લો રહ્યો હતો. આઈપીઓમાં કંપનીના શેરની કિંમત રૂ. 19 હતી. કંપનીનો IPO કુલ 1.82 ગણો સબસ્ક્રાઇબ થયો હતો. IPOમાં રિટેલ રોકાણકારોનો ક્વોટા 2.92 ગણો સબસ્ક્રાઇબ થયો હતો.
