19 ઇંચના તો કંઈ કાન હોતા હશે? ના વિશ્વાસ આવતો હોય તો જોઈ લો વિડિયો, ગિનીસ બુક ઓફ વર્લ્ડ રેકોર્ડમાં નોંઘાવ્યું નામ
ગિનીસ બુક ઓફ વર્લ્ડ રેકોર્ડ (Guinness World Records) તેના અજીબ- ગરીબ રેકોર્ડ માટે પ્રખ્યાત છે, આજે અમે તમને આવા જ એક રેકોર્ડની વાત કરવા જઇ રહ્યા છીએ જેમ તમે વાંચશો તો આશ્ચર્ય ચકિત થઇ જશો.
ગિનીસ બુક ઓફ વર્લ્ડ રેકોર્ડ (Guinness World Records) માં એના કેટલાય રેકોર્ડ છે જેને સાંભળશો તો તમે ચોકી જશો. જો કે, વર્લ્ડ રેકોર્ડના આ પુસ્તકમાં માત્ર માણસો જ નહીં પરંતુ પ્રાણીઓ સાથે પણ સંબંધિત અનોખા રેકોર્ડ નોંધાયેલા છે. આજે અમે તમને એક એવી બકરી વિશે જણાવવા જઈ રહ્યા છીએ જેણે જન્મતાની સાથે જ વર્લ્ડ રેકોર્ડ હોલ્ડર બનવાનો દાવો કર્યો છે. હા, તમે તે બિલકુલ સાચું વાંચ્યું. પાકિસ્તાન (Pakistan)ના કરાચીમાં જન્મેલી બકરીના કાન અસામાન્ય રીતે લાંબા છે. જ્યારે ઇંચની ટેપથી માપવામાં આવે છે, ત્યારે કાન આશ્ચર્યજનક 19 ઇંચ લાંબા (Goat Born With 19Inch Ears) હોવાનું બહાર આવ્યું હતું. હવે બકરી માલિક પોતાનું નામ ગિનિસ બુકમાં નોંધાવવાની તૈયારી કરી રહ્યો છે.
યુકેની વેબસાઈટ એક્સપ્રેસ અનુસાર સિંબા નામની બકરીનો જન્મ સિંધમાં 5 જૂને થયો હતો. બકરીએ તેના માલિક, મુહમ્મદ હસન નરેજોને આશ્ચર્યચકિત કર્યા, જ્યારે તેણી તેના અસામાન્ય લાંબા કાન સાથે જન્મી. તમને જણાવી દઈએ કે સિમ્બા પાકિસ્તાનના કોઈ સેલેબથી કમ નથી. દૂર-દૂરથી લોકો તેને જોવા માટે આવે છે. સિમ્બાના કાન એટલા લાંબા છે કે ચાલતી વખતે તે જમીન સાથે અથડાય છે.
બકરીનો વીડિયો જુઓ
Baby goat “Simba” in Karachi, Pakistan has made a world record with its ears as long as 48 centimeters, very much longer than the normal size of ears.https://t.co/YM9lJZDNtw
📹: Yousuf Khan pic.twitter.com/z6kZnrbpwl
— Anadolu Images (@anadoluimages) June 17, 2022
આ લાંબા કાનનું કારણ હોઈ શકે છે
તે જ સમયે, ટેલિગ્રાફના અહેવાલ મુજબ, બકરીના બાળકના લાંબા કાન પાછળનું કારણ જીન મ્યુટેશન અથવા આનુવંશિક વિકૃતિ હોઈ શકે છે. જો કે, સિમ્બાના જન્મથી, તેના માલિક નરેજોને આશા છે કે તે ટૂંક સમયમાં ગિનીસ વર્લ્ડ રેકોર્ડમાં પ્રવેશ કરશે.
ન્યુબિયન જાતિની બકરી
સિમ્બા એક ન્યુબિયન જાતિ છે જે તેના લાંબા કાન માટે જાણીતી છે. તે ગરમ હવામાનમાં શરીરને ઠંડુ રાખવામાં મદદ કરે છે. જો કે, સિમ્બાના નુબિયન ધોરણો દ્વારા લાંબા કાન છે. પરંતુ સદભાગ્યે તે સિમ્બા માટે યોગ્ય રહેશે, કારણ કે ઉનાળા દરમિયાન કરાચી અને તેની આસપાસનું તાપમાન 47 ડિગ્રી સુધી પહોંચે છે. એક્સપ્રેસ અનુસાર, પાકિસ્તાનમાં જોવા મળતી બકરીનો સૌથી સામાન્ય પ્રકાર સિંધ પ્રાંતમાં જોવા મળતી કામોરી છે. લગભગ 54 મિલિયન બકરાઓ સાથે પાકિસ્તાન વિશ્વમાં ત્રીજા ક્રમનું સૌથી મોટું બકરી ઉત્પાદક હોવાનું કહેવાય છે.
Latest News Updates
