સુરતથી કોંગ્રેસના ઉમેદવારના ફોર્મ વિવાદ મુદ્દે કોંગ્રેસે ચૂંટણી પંચ પર લગાવ્યો આરોપ, ભાજપના ઈશારે કરી રહ્યુ છે કામ, હાઈકોર્ટમાં જવાની બતાવી તૈયારી
સુરતથી કોંગ્રેસના ઉમેદવાર નિલેશ કુંભાણીના ફોર્મમાં વિવાદ મુદ્દે કોંગ્રેસે ભાજપ પર મોટો આરોપ લગાવ્યો, પ્રવક્તા મનિષ દોશીએ જણાવ્યુ કે ભાજપે આખુ તંત્ર ઉભુ કર્યુ છે. ટેકેદારો સાથે વેવર કર્યા બાદ વાંધો ઊભો થયો છે. અમારી લીગલ ટીમ દ્વારા હાલ સંભાવનાઓ ચકાસવામાં આવી રહી છે. ભાજપ પ્રશાસનનો ઉપયોગ કરી રહ્યું છે અને તંત્ર ભાજપ સામે નતમસ્તક છે.
સુરત લોકસભા બેઠક પરથી કોંગ્રેસના ઉમેદવાર નિલેશ કુંભાણીના ફોર્મ વિવાદ મુદ્દે કોંગ્રેસે ભાજપ પર મોટો આરોપ લગાવ્યો છે. કોંગ્રેસ પ્રવક્તા મનિષ દોશીએ દાવો કર્યો કે સુરતમાં જે ખેલ ખેલવામાં આવ્યો છે તેની પાછળ ભાજપના પ્યાદાઓને કોંગ્રેસ ખુલ્લા પાડશે. એટલુ જ નહીં રમત રમનારા કોણ છે અને કોણે ધાક ધમકી આપી છે તે પણ સામે લાવવાની મનિષ દોશીએ વાત કરી છે. કોંગ્રેસે કેન્દ્રીય ચૂંટણી પંચને ન્યાયિક અને પારદર્શક રીતે ચૂંટણી યોજવા માટે રજૂઆત કરી છે.
“ભાજપ હાર ભાળી ગયું છે એટલે અમારા ઉમેદવારોને દબાવે છે”
આ તરફ ગુજરાત કોંગ્રેસના પ્રદેશ પ્રમુખ શક્તિસિંહે જણાવ્યુ કે ભાજપ હાર ભાળી ગયુ છે એટલે અમારા ઉમેદવારોને દબાવે છે. ભાજપે 4 સમર્થકોને દબાવીને ફોર્મમાં અમે સહી નથી કરી તેનુ પોલીસ જાપ્તા નીચે દબાણ કરતા ફોર્મ રદ થવાની વાત છે. ફોર્મ ભરતી વખતે ટેકેદારો અમારી સાથે હતા, કેમેરામાં પણ તેઓ આવ્યા હોવા છતા ક્યા કારણોસર તેમણે આ એફિડેવિટ કરી છે તે એક સવાલ છે. વધુમાં શક્તિસિંહે જણાવ્યુ કે ભાજપનો અહંકાર ભાજપને ડૂબાડી દેશે. રૂપિયાના બળે નેતા ખરીદી શકાય પણ જનતાના મત નહીં. 400 પારને બદલે ભાજપ તડીપાર થશે.
આ પણ વાંચો: ઉનાળાની ગરમીમાં તપી રહ્યું છે ઘર, AC કે કુલર વગર આ 6 જુગાડ વડે તમારું ઘર થશે કુલ કુલ
