અમદાવાદમાં આજે ક્ષત્રિય સંકલન સમિતિ અને ભાજપ વચ્ચે બેઠક, વિરોધનો અંત લાવવા થશે પ્રયાસ, જુઓ Video
ક્ષત્રિય આગેવાનો ઉમેદવારી પરત ખેંચ્યા સિવાય કોઈ પણ મુદ્દે સમાધાનના પક્ષમાં નથી. જેથી ક્ષત્રિય સમાજનો વિરોધ ડામવા પ્રદેશ ભાજપ દ્વારા તૈયારી ચાલી રહી છે, ત્યારે આજે અમદાવાદમાં ક્ષત્રિય સંકલન સમિતિ અને ભાજપ વચ્ચે બેઠક યોજાવાની છે.
છેલ્લા એક સપ્તાહ કરતા વધુ સમયથી પરષોત્તમ રૂપાલાના ક્ષત્રિય સમાજ અંગેના નિવેદન બાદ વિવાદ વકરી રહ્યો છે. ગઇકાલે પરશોત્તમ રૂપાલા સામે ક્ષત્રિય સમાજના વિરોધને શાંત કરવા માટે ગાંધીનગરમાં બેઠક યોજાઇ હતી. જો કે હજુ પણ કેટલીક જગ્યાએ ક્ષત્રિય સમાજમાં રોષ જોવા મળી રહ્યો છે, ત્યારે આજે અમદાવાદમાં ક્ષત્રિય સંકલન સમિતિ અને ભાજપ વચ્ચે બેઠક યોજાશે.
ક્ષત્રિય આગેવાનો ઉમેદવારી પરત ખેંચ્યા સિવાય કોઈ પણ મુદ્દે સમાધાનના પક્ષમાં નથી. જેથી ક્ષત્રિય સમાજનો વિરોધ ડામવા પ્રદેશ ભાજપ દ્વારા તૈયારી ચાલી રહી છે, ત્યારે આજે અમદાવાદમાં ક્ષત્રિય સંકલન સમિતિ અને ભાજપ વચ્ચે બેઠક યોજાવાની છે. ગોતામાં 90થી વધુ ક્ષત્રિય સમાજના આગેવાનો હાજર રહેશે. આગેવાનો અને સી. આર પાટીલ સહિતના નેતાઓ ક્ષત્રિય સમાજના નેતાઓ સાથે ચર્ચા કરશે.
બપોરે ભાજપ સાથે બેઠક પહેલા સંકલન સમિતિની કોર કમિટીની બેઠક મળવાની છે. બેઠકમાં ચર્ચાનારા મુદ્દાઓ અને પરશોત્તમ રુપાલાના નિવેદન બાદના વિવાદના અંત માટેના પ્રયાસોની પણ ચર્ચા કરવામાં આવશે.
