ચીનમાં આયોજિત Asian Gameમાં ભારત ભાગ નહીં લે? ખેલ મંત્રી અનુરાગ ઠાકુરે આપ્યું મોટું નિવેદન

China : રમતગમત મંત્રી અનુરાગ ઠાકુરે (Anurag Thakur) શનિવારે કહ્યું કે, કોવિડ-19ના કેસ સામે લડી રહેલા યજમાન દેશ ચીન તરફથી પ્રતિક્રિયા મળ્યા બાદ આ વર્ષની એશિયન ગેમ્સ(Asian Games 2022)માં ભારતની ભાગીદારી અંગે નિર્ણય લેવામાં આવશે. ચીન શાંઘાઈ અને બેઇજિંગમાં કોવિડ-19 (Coronavirus)ના કેસને નિયંત્રણમાં લાવવાનો પ્રયાસ કરી રહ્યું છે. શાંઘાઈ લગભગ એક મહિનાથી લોકડાઉન (લોકોના બહાર નીકળવા પર પ્રતિબંધ) હેઠળ છે, જ્યારે આ રોગચાળાના કેસ વધ્યા પછી બેઇજિંગમાં વધુ નિયંત્રણો લગાવવામાં આવ્યા છે.

એવી બાબતો પણ સામે આવી રહી છે કે 10 થી 25 સપ્ટેમ્બર દરમિયાન યોજાનારી હાંગઝોઉ એશિયન ગેમ્સ રોગચાળાને કારણે સ્થગિત કરવામાં આવશે. ચીનમાં પરિસ્થિતિ શું છે અને યજમાન દેશ પરિસ્થિતિ વિશે શું કહે છે તે મહત્વનું છે.

ભારતે હજુ નિર્ણય લીધો નથી

અનુરાગ ઠાકુરે વધુમાં કહ્યું કે, અન્ય તમામ ભાગ લેનાર દેશો પણ આમાં ચર્ચા કરી રહ્યા છે અને થોડા સમયમાં ભારત પણ નક્કી કરશે, પરંતુ તે પહેલા યજમાન દેશે સ્પષ્ટ કરવું જોઈએ કે તેઓ શું વિચારી રહ્યા છે. ચીનમાં રોગચાળાને કારણે ઘણી આંતરરાષ્ટ્રીય રમતગમતની સ્પર્ધાઓ રદ કરવામાં આવી હતી, પરંતુ બેઇજિંગ વિન્ટર ઓલિમ્પિક અને પેરાલિમ્પિક 2022 ગેમ્સ કોવિડ-19ની કડક માર્ગદર્શિકા હેઠળ બાયો-સુરક્ષિત વાતાવરણમાં યોજાઈ હતી.

રમત મંત્રાલયે જુડો ખેલાડીઓને આર્થિક મદદ કરી

રમતગમત મંત્રાલયે તાજેતરમાં રાષ્ટ્રીય મહાસંઘની માન્યતા રદ કર્યા બાદ ભારતના જુડો ખેલાડીઓને આ વર્ષની એશિયન ગેમ્સ અને અન્ય આંતરરાષ્ટ્રીય સ્પર્ધાઓની તૈયારી કરવા માટે રૂ. 5 કરોડની નાણાકીય સહાયને મંજૂરી આપી છે.

મંત્રાલય અને સ્પોર્ટ્સ ઓથોરિટી ઓફ ઈન્ડિયા (SAI), જોકે, દેશના ભૂતપૂર્વ જુડો ખેલાડીઓનો સમાવેશ કરતી એક સમિતિની રચના કરવામાં આવી છે. સમિતિ એશિયન ગેમ્સ અને અન્ય આંતરરાષ્ટ્રીય સ્પર્ધાઓ માટે એક મહિનાની રાષ્ટ્રીય તૈયારી શિબિરનું આયોજન કરશે, જે 1 મેથી શરૂ થશે. SAIના નિવેદન અનુસાર, 112 એથ્લેટ આ કેમ્પનો ભાગ બનશે.

આ પણ વાંચો: આ કંપનીએ કર્મચારીઓને દરરોજ ઓફિસ જવાની ઝંઝટમાંથી આપી મુક્તિ, વર્ષમાં 90 દિવસ કામ માટે આપી આ ઓફર

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો