આ ભારતીયના દમ પર બાંગ્લાદેશે રચ્યો ઈતિહાસ, પહેલીવાર બન્યું ચેમ્પિયન

હાલમાં જ દુબઈમાં અન્ડર 19 એશિયા કપ રમાયો હતો. આ ટુર્નામેન્ટની સૌથી સફળ ટીમ ભારત છે, જેણે આઠ વખત આ ખિતાબ જીત્યો છે, પરંતુ આ વખતે ભારતના યુવા ખેલાડીઓ આ ટ્રોફી જીતવામાં સફળ રહ્યા ન હતા. બાંગ્લાદેશે આ ટુર્નામેન્ટ જીતી હતી. દુબઈ ઈન્ટરનેશનલ ક્રિકેટ સ્ટેડિયમમાં રવિવારે રમાયેલી ટાઈટલ મેચમાં બાંગ્લાદેશની અન્ડર 19 ટીમે યુએઈને 195 રનથી હરાવ્યું હતું. બાંગ્લાદેશે આ જીત સાથે ઈતિહાસ રચ્યો હતો.

પ્રથમ વખત અન્ડર 19 એશિયા કપ જીત્યો

આ ટીમે પ્રથમ વખત અન્ડર 19 એશિયા કપ જીત્યો છે અને આ જીતમાં એક ભારતીયની મોટી ભૂમિકા રહી છે. આ મેચમાં બાંગ્લાદેશને જ્યારે બેટિંગ માટે આમંત્રણ આપવામાં આવ્યું હતું, ત્યારે તેણે આઠ વિકેટ ગુમાવીને 282 રન બનાવ્યા હતા અને ત્યારબાદ UAEને 24.5 ઓવરમાં માત્ર 87 રનમાં આઉટ કરી દીધું હતું.

Web Stories View more

સર્વ પિતૃ અમાસ પર કરો આ ઉપાયો,પિતૃઓ આપશે આશીર્વાદ!

15 દિવસ સતત ખાલી પેટ જીરાનું પાણી પીવાથી જાણો શું થાય છે?

દવાઓ કરતાં પણ વધુ અસરકારક છે આ 4 છોડ ! અનેક રોગોનો રામબાણ ઈલાજ

શું દારૂ પીધા પછી ઘી ખાવાથી નશો નથી ચડતો ?

Black Pepper : માત્ર 1 કાળા મરી ખાવાથી સ્વાસ્થ્ય પર થાય છે આ અસર

એકાદશીનું વ્રત કેમ કરવું જોઈએ, ઇન્દ્રેશજી મહારાજે જણાવ્યું કારણ

પૂર્વ ભારતીય બેટ્સમેન બાંગ્લાદેશનો કોચ

બાંગ્લાદેશની આ જીતમાં જે ભારતીયનો હાથ હતો તે પૂર્વ ભારતીય ઓપનિંગ બેટ્સમેન વસીમ જાફર છે. જાફર આ ટીમનો કોચ હતો અને તેના માર્ગદર્શન હેઠળ ટીમે શાનદાર રમત રમી અને ટાઈટલ જીત્યું હતું. આ ટીમે સેમિફાઈનલમાં ભારતને હરાવ્યું હતું. ત્યારે જ આ ટીમ ટાઈટલ મેચમાં જઈ શકી હતી.

View this post on Instagram

A post shared by Wasim Jaffer (@wasimjaffer14)

વસીમ જાફર બાંગ્લાદેશની જીતથી ખુશ

પોતાના કોચિંગ હેઠળ બાંગ્લાદેશને ઐતિહાસિક જીત અપાવ્યા બાદ જાફર ઘણો ખુશ છે. તેણે તેના ઈન્સ્ટાગ્રામ પર આ અંગે પોતાની ખુશી વ્યક્ત કરી હતી. જાફરે લખ્યું છે કે તે અને ટીમ જે સપનું જોયું હતું તે પૂરું કરવામાં સફળ રહ્યા હતા. બાંગ્લાદેશ માટે આ મેચમાં અશ્કીઉર રહેમાન શિબલીએ સદી ફટકારી હતી. તેણે 139 બોલમાં 12 ચોગ્ગા અને એક છગ્ગાની મદદથી 129 રનની ઈનિંગ રમી હતી. તેના સિવાય મોહમ્મદ રિઝવાને 60 અને આરિફુલ ઇસ્લામે 50 રનની ઈનિંગ રમી હતી. અન્ય કોઈ બેટ્સમેન વધુ યોગદાન આપી શક્યા ન હતા. આ ત્રણ સિવાય માત્ર કેપ્ટન મહફજુર રહેમાન જ ડબલ ફિગરને સ્પર્શી શક્યો હતો. તેણે 21 રન બનાવ્યા હતા.

બાંગ્લાદેશની મજબૂત બોલિંગ

બેટિંગ બાદ બાંગ્લાદેશની બોલિંગ પણ મજબૂત હતી. આ ટીમના તમામ બોલરોએ યોગદાન આપ્યું અને યુએઈને સસ્તામાં આઉટ કર્યું. મારૂફ મૃધા અને રોહનત બોરસને ત્રણ-ત્રણ વિકેટ લીધી હતી. ઈકબાલ હુસૈન અને શેખ પરવેઝ જીબોને બે-બે વિકેટ લીધી હતી. UAE તરફથી માત્ર બે બેટ્સમેન ડબલ ફિગર સુધી પહોંચી શક્યા હતા. ટીમ તરફથી ધ્રુવ પાર્ષરે સૌથી વધુ 25 રન બનાવ્યા હતા. અક્ષત રાયે 11 રનનું યોગદાન આપ્યું હતું.

આ પણ વાંચો: આફ્રિકાને 400 રન પહેલા રોકવાનો હતો પ્લાન, ટીમ માત્ર 116માં ઢળી પડી