GT vs MI : મુંબઈ ઈન્ડિયન્સને લાગ્યું ‘સૂર્યગ્રહણ’, ગુજરાત સામે પૂરી થશે 167 દિવસની રાહ?
છેલ્લા ત્રણ-ચાર IPL સિઝન મુંબઈ ઈન્ડિયન્સ માટે ખૂબ જ ખરાબ રહ્યા છે. પરંતુ આ ખરાબ સમયમાં પણ સૂર્યકુમાર યાદવનું બેટ સતત ચાલતું જ રહ્યું હતું. નવી સિઝનમાં પણ મુંબઈની શરૂઆત સારી રહી ન હતી, સાથે જ આ વખતે સૂર્યાનું બેટ પણ શાંત છે. સૂર્યકુમાર યાદવના પરફોર્મન્સને 'ગ્રહણ' લાગ્યું છે અને હવે મુંબઈ ઈન્ડિયન્સ 'સૂર્યગ્રહણ'થી ચિંતિત છે.
પરંતુ છેલ્લા કેટલાક મહિનાઓથી સૂર્યકુમારના તેજસ્વી ફોર્મને ગ્રહણ લાગ્યું હોય તેવું લાગે છે. ગયા વર્ષે ટીમ ઈન્ડિયાની કેપ્ટનશીપ સંભાળી ત્યારથી સૂર્યાનું બેટ શાંત પડી રહ્યું હોય તેવું લાગે છે. ખાસ કરીને છેલ્લા 6 મહિનાથી તે આ ફોર્મેટમાં ફ્લોપ સાબિત થયો છે અને તેમાં IPL 2025ની પહેલી મેચનો પણ સમાવેશ થાય છે, જેમાં તે ટીમનું નેતૃત્વ કરી રહ્યો હતો.
આંકડા દર્શાવે છે કે સૂર્યકુમાર યાદવે છેલ્લા 167 દિવસમાં 9 T20 મેચ રમી છે અને આ દરમિયાન તે એક પણ અડધી સદી ફટકારી શક્યો નથી. આ દિગ્ગજ ભારતીય બેટ્સમેનના બેટમાંથી છેલ્લી અડધી સદી 12 ઓક્ટોબર 2024ના રોજ બાંગ્લાદેશ સામે આવી હતી. ત્યારથી, તેણે રમેલી 9 T20 મેચોમાં તેનો સર્વોચ્ચ સ્કોર 29 રન રહ્યો છે, જે ચેન્નાઈ સામેની પહેલી IPL મેચમાં આવ્યો હતો, જ્યારે આ દરમિયાન તે બે વાર પોતાનું ખાતું પણ ખોલી શક્યો ન હતો.
સૂર્યકુમાર યાદવ, જે T20 ફોર્મેટમાં પોતાની ઈચ્છા મુજબ મેદાનના કોઈપણ ભાગમાં ગમે ત્યારે કોઈપણ શોટ રમવા માટે જાણીતો છે, તેનું આવું ફોર્મ ખરેખર મુંબઈ માટે ચિંતાનો વિષય છે. જોકે, સૂર્યા અને તેની ટીમ આશા રાખશે કે તે શક્ય તેટલી વહેલી તકે ફોર્મમાં પાછો ફરે અને આ માટે ગુજરાત ટાઈટન્સ સામેની મેચ કરતા વધુ સારી કોઈ મેચ હોઈ શકે નહીં.
ગુજરાત ટાઈટન્સ સામે સૂર્યાએ 4 ઈનિંગ્સમાં 66.66ની સરેરાશ અને 181.81ના સ્ટ્રાઈક રેટથી 200 રન બનાવ્યા છે. આનો અર્થ એ થયો કે સૂર્યા આ મેચમાં સારા ફોર્મમાં આવી શકે છે. અને જો તેઓ આ વખતે પણ નિષ્ફળ જાય છે, તો ભૂતપૂર્વ ચેમ્પિયન ટીમની સફર આ સિઝનમાં પણ ખૂબ જ મુશ્કેલ બની જશે. (All Photo Credit : PTI / X / IPL)
Published On - 7:24 pm, Sat, 29 March 25
