IPL 2025 : કેએલ રાહુલ પહેલી મેચમાંથી બહાર, અચાનક દિલ્હી કેપિટલ્સ છોડીને ક્યાં ગયો?
દિલ્હી કેપિટલ્સના ખેલાડી કેએલ રાહુલની પત્ની અને બોલિવૂડ સ્ટાર આથિયા શેટ્ટી ગમે ત્યારે બાળકને જન્મ આપી શકે છે જેથી કેએલ રાહુલ લખનૌ સુપર જાયન્ટ્સ સામેની મેચમાંથી બાહર થઈ ગયો હતો અને મુંબઈ પોતાન ઘરે પરત ફર્યો હતો.
ક્રિકબઝના એક અહેવાલ મુજબ, રવિવાર, 23 માર્ચે રાહુલને સમાચાર મળ્યા કે તેની પત્ની અને બોલિવૂડ સ્ટાર આથિયા શેટ્ટી ગમે ત્યારે બાળકને જન્મ આપી શકે છે. આવી સ્થિતિમાં, રાહુલે ટીમ મેનેજમેન્ટ પાસે તાત્કાલિક ઘરે પાછા ફરવાની પરવાનગી માંગી અને ફ્રેન્ચાઈઝીએ તેને આ ખાસ પ્રસંગે તેની પત્ની સાથે ઉપલબ્ધ રહેવાની પણ મંજૂરી આપી. આવી સ્થિતિમાં, રાહુલ રવિવારે રાત્રે જ મુંબઈ પરત ફર્યો. ટીમ ઈન્ડિયાના સ્ટાર વિકેટકીપર-બેટ્સમેને થોડા મહિના પહેલા ખુલાસો કર્યો હતો કે તેની પત્ની ગર્ભવતી છે અને બંને ટૂંક સમયમાં માતા-પિતા બનવાના છે.
દિલ્હી કેપિટલ્સે મેગા ઓક્શનમાં રાહુલને 14 કરોડ રૂપિયામાં ખરીદ્યો હતો. રાહુલ પહેલી મેચમાંથી બહાર છે પરંતુ એવી અપેક્ષા છે કે તે 30 માર્ચે દિલ્હી કેપિટલ્સની બીજી મેચ માટે ઉપલબ્ધ રહેશે. રાહુલની ગેરહાજરીમાં દિલ્હી કોને તક આપશે તે જોવું રસપ્રદ રહેશે. રાહુલ આ મેચમાંથી બહાર રહેવાને કારણે, તેની જૂની ફ્રેન્ચાઈઝી લખનૌ સુપર જાયન્ટ્સનો સામનો કરવાની અને તેમની સામે મજબૂત પ્રદર્શન કરવાની તક પણ તેના હાથમાંથી સરી ગઈ. (All Photo Credit : PTI / X)
Published On - 8:58 pm, Mon, 24 March 25
