તિરુપતિ પ્રસાદમ વિવાદ વધુ વકર્યો, CM નાયડુના આરોપો સામે YSRCP હાઈકોર્ટ પહોચ્યું
સીએમ ચંદ્રબાબુ નાયડુએ દાવો કર્યો હતો કે, અગાઉની વાયએસ જગન મોહન રેડ્ડીની આગેવાનીવાળી સરકાર તિરુપતિના શ્રી વેંકટેશ્વર સ્વામી મંદિરમાં લાડુ બનાવવા માટે હલકી ગુણવત્તાવાળા ઘટકો અને પશુ ચરબીનો ઉપયોગ કરતી હતી. આ પછી વિવાદ દેશભરમાં વધી રહ્યો છે.
વિશ્વ પ્રસિદ્ધ તિરુપતિના લાડુમાં પ્રાણીઓની ચરબીના ઉપયોગને લઈને વિરોધ અને નારાજગી વધી રહી છે. પ્રસાદમ વિવાદ પર, આંધ્ર પ્રદેશના નાયબ મુખ્ય પ્રધાન પવન કલ્યાણે કહ્યું કે, અમારી સરકાર પ્રસાદમ તૈયાર કરવામાં પ્રાણીની ચરબીનો ઉપયોગ કરવાના કિસ્સામાં શક્ય તમામ કડક પગલાં લેવા માટે પ્રતિબદ્ધ છે. કેન્દ્રીય ખાદ્ય મંત્રી પ્રહલાદ જોશીએ તિરુપતિના લાડુમાં જાનવરોની ચરબીના આરોપોની વિસ્તૃત તપાસની માંગ કરી છે. જો કે, વાયએસઆરસીપીએ આવા આરોપોને નકારી કાઢ્યા હતા અને તપાસની માંગણી સાથે કોર્ટનો સંપર્ક કર્યો હતો.
કેન્દ્રીય ખાદ્ય મંત્રી પ્રહલાદ જોશીએ શુક્રવારે આંધ્રપ્રદેશના સીએમ ચંદ્રબાબુ નાયડુ દ્વારા તિરુપતિના લાડુમાં પ્રાણીની ચરબીના ઉપયોગ અંગેના આરોપોની વિગતવાર તપાસની માંગ કરી હતી. તેમણે એક કાર્યક્રમમાં કહ્યું, “આંધ્રના મુખ્યમંત્રી નાયડુએ જે પણ કહ્યું છે તે ખૂબ જ ચિંતાનો વિષય છે. આ મામલાની ઝીણવટભરી તપાસની જરૂર છે અને ગુનેગારને સજા મળવી જોઈએ.”
આ વિવાદની સુનાવણી બુધવારે કોર્ટમાં થશે
અગાઉ, ગત બુધવારે બોલાવવામાં આવેલી એનડીએ વિધાનસભ્ય પક્ષની બેઠક દરમિયાન, સીએમ નાયડુએ દાવો કર્યો હતો કે વાયએસ જગન મોહન રેડ્ડીની આગેવાનીવાળી સરકારે તિરુપતિના શ્રી વેંકટેશ્વર સ્વામી મંદિરમાં લાડુ બનાવવા માટે હલકી ગુણવત્તાવાળા ઘટકો અને પ્રાણીની ચરબીનો ઉપયોગ કર્યો હતો.
જ્યારે YSRCP નેતાઓ આવા આરોપોને સતત નકારી રહ્યા છે. સીએમ ચંદ્રબાબુ દ્વારા લાડૂ પ્રસાદમ પર લગાવવામાં આવેલા આરોપો પર પાર્ટીએ હાઈકોર્ટમાં અરજી કરી છે. હાઈકોર્ટે કહ્યું કે તે આ કેસની સુનાવણી આગામી બુધવારે કરશે. સીએમ ચંદ્રબાબુ વતી વકીલે પ્રસાદમમાં પ્રાણીઓની ચરબી ભેળવવામાં આવી હોવાના દાવા અંગે વર્તમાન ન્યાયાધીશ અથવા હાઈકોર્ટની સમિતિ દ્વારા તપાસ કરાવવાની માંગ કરી છે.
TTD બોર્ડે જવાબ આપવો પડશેઃ કલ્યાણ
બીજી તરફ નાયબ મુખ્યમંત્રી પવન કલ્યાણે સોશિયલ મીડિયા પર પોતાની લાંબી પોસ્ટમાં તત્કાલીન YSRCP સરકાર દ્વારા રચવામાં આવેલ TTD બોર્ડને ઘણા પ્રશ્નોના જવાબ આપવા પડશે. અમારી સરકાર આ બાબતે શક્ય તમામ કડક પગલાં લેવા પ્રતિબદ્ધ છે.”
નવા બોર્ડની રચના વિશે વાત કરતાં, તેમણે કહ્યું, “તે મંદિરોની અપવિત્રતા, જમીન સંબંધિત બાબતો અને અન્ય ધાર્મિક પ્રથાઓ સંબંધિત ઘણા મુદ્દાઓ પર પણ પ્રકાશ ફેંકે છે. “હવે સમય આવી ગયો છે કે સમગ્ર ભારતમાં મંદિરો સંબંધિત તમામ મુદ્દાઓ પર વિચાર કરવા માટે રાષ્ટ્રીય સ્તરે સનાતન ધર્મ રક્ષા બોર્ડની રચના કરવામાં આવે.”
We are all deeply disturbed with the findings of animal fat (fish oil,pork fat and beef fat )mixed in Tirupathi Balaji Prasad. Many questions to be answered by the TTD board constituted by YCP Govt then. Our Govt is committed to take stringent action possible. But,this throws… https://t.co/SA4DCPZDHy
— Pawan Kalyan (@PawanKalyan) September 20, 2024
આસ્થાને બદનામ કરવાનું ષડયંત્રઃ ભાજપના સાંસદ
તેમણે કહ્યું કે રાષ્ટ્રીય સ્તરે તમામ નીતિ ઘડવૈયાઓ, ધાર્મિક સંગઠનોના વડાઓ, ન્યાયતંત્ર, સામાન્ય જનતા, મીડિયા અને અન્ય તમામ દ્વારા પોતપોતાના ક્ષેત્રમાં આ મુદ્દે ચર્ચા થવી જોઈએ. મને લાગે છે કે આપણે બધાએ સાથે મળીને સનાતન ધર્મનું કોઈપણ સ્વરૂપમાં અપમાન થતું અટકાવવું જોઈએ.
પ્રસાદમ વિવાદને લઈને લોકોમાં નારાજગી વધી રહી છે. ભારતીય જનતા પાર્ટી (BJP)ના સાંસદ સંજય જયસ્વાલે તિરુપતિ પ્રસાદમ વિવાદ પર કહ્યું, “દુનિયાભરના લોકો તિરુપતિમાં વિશ્વાસ ધરાવે છે અને તિરુપતિ બાલાજી મંદિરનો પ્રસાદ પોસ્ટ અથવા કુરિયર દ્વારા વિશ્વના દરેક ખૂણે પહોંચે છે. પ્રસાદમને લઈને જે પ્રકારની ગેરરીતિઓ પ્રકાશમાં આવી છે તે સ્પષ્ટપણે દર્શાવે છે કે જગન રેડ્ડી અને YSRCPએ હિન્દુઓની આસ્થાને બદનામ કરવા માટે આ ષડયંત્ર રચ્યું છે.
આ બહુ ગંભીર બાબત છેઃ સંદીપ દીક્ષિત
કોંગ્રેસના નેતા અને પૂર્વ સાંસદ સંદીપ દીક્ષિતે પણ આ મામલે કહ્યું, “આ ખૂબ જ ગંભીર મામલો છે. સરકારે આ મામલે વધુ ગંભીરતાથી તપાસ કરવી જોઈએ. આ ઉપરાંત 2-3 વધુ લેબમાં પણ તેનું પરીક્ષણ કરવું જોઈએ. તિરુપતિના લાડુ દેશભરમાં ખૂબ જ પ્રખ્યાત છે, દરેક વ્યક્તિ તેનું સેવન કરે છે.” તેણે એમ પણ કહ્યું, “આ વિશ્વાસ સાથે જોડાયેલી મામલો છે. હું ઈચ્છું છું કે આની તપાસ થાય. આ મુદ્દે રાજકારણ થશે. કોઈપણ નિષ્કર્ષ પર પહોંચતા પહેલા, તે જાણવું જોઈએ કે તે કોણે કરાર કર્યો, કઈ સિસ્ટમ દ્વારા અને ક્યાંથી અને પછી જ સમગ્ર સત્ય જાણી શકાશે.
