Lok Sabha Election Date 2024 : પાંચમા તબક્કા માટે 20 મેના રોજ મતદાન, 8 રાજ્યોની 49 લોકસભા બેઠકો પર મતદાન

લોકસભા ચૂંટણીની તારીખો જાહેર થઈ ગઈ છે. તારીખોની જાહેરાત કરતા ચૂંટણી પંચે કહ્યું કે, દેશમાં આ વખતે કુલ 7 તબક્કામાં મતદાન થશે જ્યારે પરિણામ 4 જૂને જાહેર કરવામાં આવશે. પાંચમા તબક્કાનું મતદાન 20મીએ થવાનું છે. આ માટેની સૂચના 26મી એપ્રિલે બહાર પાડવામાં આવશે. ઉમેદવારો 3જી મે સુધીમાં ઉમેદવારી નોંધાવશે અને 4મી મેના રોજ તેમના ઉમેદવારી પત્રોની ચકાસણી કરવામાં આવશે. તેવી જ રીતે ઉમેદવારો 6 મે સુધી તેમના ઉમેદવારીપત્રો પાછા ખેંચી શકશે.

તમામ તબક્કાના રિઝલ્ટ આવશે એકસાથે

આ તબક્કામાં 8 રાજ્યોની 49 લોકસભા સીટો પર મતદાન થશે. રાજ્યવાર બેઠકોની વાત કરીએ તો, બિહારની 5, ઝારખંડની 3, મહારાષ્ટ્રની 13, ઓડિશાની 5, ઉત્તર પ્રદેશની 14, પશ્ચિમ બંગાળની 7 અને જમ્મુ-કાશ્મીર અને લદ્દાખની 1 બેઠક પર મતદાન થશે. તમામ તબક્કાના રિઝલ્ટ 4 જૂને એકસાથે આવશે.

97 કરોડ મતદારો કરશે મતદાન

ચૂંટણી પંચ પાસેથી મળેલી માહિતી મુજબ આ વખતે દેશમાં કુલ 97 કરોડ મતદારો ચૂંટણીમાં ભાગ લેશે. જેમાં 49 કરોડ 72 લાખ પુરુષ મતદાતા છે જ્યારે 47 કરોડ 15 લાખ મહિલા મતદારો છે. આ વખતે ચૂંટણીમાં 10.5 લાખ EVM મશીનનો ઉપયોગ કરવામાં આવશે અને દેશભરમાં 10 લાખ 50 હજાર પોલિંગ બૂથ બનાવવામાં આવશે.

Web Stories View more

બાળકોને You Tube ચલાવવા માટે આપી રહ્યા છો ફોન? પહેલા સેટિંગ કરી દો

આજનું રાશિફળ તારીખ : 27-04-2024

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

ચૂંટણી પંચના જણાવ્યા અનુસાર આ ચૂંટણીમાં 1 કરોડ 50 લાખ અધિકારીઓ અને કર્મચારીઓ ભાગ લેશે. 18 થી 19 વર્ષની વયના 1 કરોડ 82 લાખ મતદારો પ્રથમ વખત મતદાન કરશે. 85 લાખ છોકરીઓ પ્રથમ વખત તેમના મતાધિકારનો ઉપયોગ કરશે. સાથે જ 85 વર્ષથી વધુ ઉંમરના મતદારો પણ ઘરે બેઠા મતદાન કરી શકશે. હાલમાં દેશમાં તેમની સંખ્યા 82 લાખ છે.

ચૂંટણીમાં ખુન-ખરાબા અને હિંસા માટે કોઈ સ્થાન નથી : EC

ચૂંટણી કમિશનરે કહ્યું કે, ચૂંટણીમાં ખુન-ખરાબા અને હિંસા માટે કોઈ સ્થાન નથી. અમને જ્યાં પણ હિંસા અંગે માહિતી મળશે અમે તેમની સામે કાર્યવાહી કરીશું. આ સાથે ચૂંટણી પંચે કહ્યું કે જો રાજકીય પક્ષો એવી વ્યક્તિને ટિકિટ આપે છે જેની સામે અપરાધિક કેસ નોંધાયેલા હોય તો આવી સ્થિતિમાં તેની પસંદગી સાથે જોડાયેલી માહિતી જાહેર કરવી પડશે. અખબારોમાં જાહેરાતો દ્વારા જણાવવું પડશે કે આવા ઉમેદવારને ટિકિટ શા માટે આપી અને તેની પાછળનું કારણ શું હતું.