7th Pay Commission: DA અને DR બાદ બેઝિક સેલેરી પણ વધી શકે છે ? જાણો સંસદમાં પુછાયેલા પ્રશ્નનો સરકારે શું આપ્યો જવાબ
જુલાઈ 2021 માં કેન્દ્રીય કર્મચારીઓના મોંઘવારી ભથ્થા(Dearness Allowance) અને પેન્શનરોને મોંઘવારી રાહત(Dearness Relief)માં વધારો કર્યો છે.
7th Pay Commission: કેન્દ્રની નરેન્દ્ર મોદી સરકારે(Modi Government) જુલાઈ 2021 માં કેન્દ્રીય કર્મચારીઓના મોંઘવારી ભથ્થા(Dearness Allowance) અને પેન્શનરોને મોંઘવારી રાહત(Dearness Relief)માં વધારો કર્યો છે. આ અંગે તમામ વિભાગો દ્વારા આદેશ જારી કરવામાં આવ્યા છે. થોડા સમય પહેલા કેન્દ્ર સરકારે કર્મચારીઓના બેઝિક સેલેરીમાં(Basic Salary Hike) ટૂંક સમયમાં વધારો કરવાની વાત કરી હતી. સંસદના ચોમાસુ સત્ર દરમિયાન આ અંગે એક સાંસદ દ્વારા પ્રશ્ન પૂછવામાં આવ્યો ત્યારે નાણાં મંત્રાલયે સ્પષ્ટપણે ઇન્કાર કરી અટકળો ઉપર પૂર્ણવિરામ મૂકી દીધો છે.
શું કહ્યું સરકારે ? ચોમાસું સત્ર દરમિયાન સાંસદે નાણાં મંત્રાલયને પૂછ્યું કે શું કેન્દ્ર સરકાર સરકારી કર્મચારીઓને સાતમા નાણા પંચ(7th Pay Commission)ના ફિટમેન્ટ ફેક્ટર મુજબ મોંઘવારી ભથ્થું (DA) અને મોંઘવારી રાહત (DR) આપશે. બેઝિક સેલેરી પણ વધી રહ્યો છે ? આ અંગે પ્રતિક્રિયા આપતા નાણા રાજ્યમંત્રી પંકજ ચૌધરીએ જણાવ્યું હતું કે હાલમાં આવી કોઈ યોજના પર વિચાર કરવામાં આવી રહ્યો નથી. તેમણે કહ્યું કે આ અંગે કોઈ પ્રસ્તાવ સરકારના સ્તરે વિચારણા હેઠળ નથી.
સરકારી કર્મચારીઓને કેટલો લાભ મળ્યો? કેન્દ્રીય કર્મચારીઓને હાલમાં 17 ટકા DA મળી રહ્યું છે પરંતુ કેન્દ્ર સરકારના નવા આદેશ બાદ હવે 1 જુલાઈ 2021 થી 28 ટકા મોંઘવારી ભથ્થું મળશે. કર્મચારીઓને સપ્ટેમ્બર 2021 ના પગારમાં વધારા સાથે DA મળશે. કોરોના સંકટના કારણે DA અને DR ને ગયા વર્ષથી અસ્થાયી રૂપે રોકવામાં આવ્યા હતા. તેના કારણે કેન્દ્રીય કર્મચારીઓને DA અને DR ના ત્રણ હપ્તા ચૂકવી શકાયા નથી. ડીએ અને ડીઆર સાથે સરકારે સરકારી કર્મચારીઓના હાઉસ રેન્ટ ભથ્થા (HRA) પણ વધારીને 27 ટકા કર્યા છે.
બેઝિક સેલેરી 21 હજાર રૂપિયા કરવાનીની ચર્ચાઓ થઇ રહી હતી અત્યાર સુધી એવું કહેવામાં આવતું હતું કે જો 1 ઓક્ટોબરથી લેબર કોડના નિયમો લાગુ કરવામાં આવે તો કર્મચારીઓનો મૂળ પગાર 15000 રૂપિયાથી વધીને 21000 રૂપિયા થઈ શકે છે. નવા ડ્રાફ્ટ નિયમ મુજબ મૂળભૂત વેતન 50% અથવા કુલ પગારથી વધુ મળશે. આ મોટા ભાગના કર્મચારીઓના પગાર માળખામાં ફેરફાર તરફ દોરી જશે. બેઝિક સેલેરીમાં વધારા સાથે પીએફ અને ગ્રેચ્યુઇટી માટે કાપવામાં આવેલી રકમમાં વધારો થશે કારણ કે આમાં નાણાં બેઝિકના આધારે ગણતરીમાં લેવાય છે. મજદૂર સંઘે માંગ કરી હતી કે લઘુત્તમ મૂળભૂત પગાર વધારીને 21000 રૂપિયા કરવામાં આવે જેથી પીએફ અને ગ્રેચ્યુઇટીમાં નાણાં કાપ્યા પછી પણ ટેક હોમ પગારમાં કોઈ ઘટાડો ન થાય.
આ પણ વાંચો: Rudrakhs: કયા ક્ષેત્રમાં સફળતા મેળવવા માટે કયો રુદ્રાક્ષ ધારણ કરવો લાભકારી ? વાંચો અને ધારણ કરો રૂદ્રાક્ષ
