ઓસ્કાર માટે કેવી રીતે નોમિનેટ થાય છે ફિલ્મ ? જાણો તેની સમગ્ર પ્રોસેસ

બોલિવુડ ફિલ્મ લાપતા લેડીઝ આ વર્ષે માર્ચમાં રિલીઝ થઈ હતી. આ ફિલ્મની કહાનીએ લોકોને ઘણા પ્રભાવિત કર્યા હતા. મહિલાઓની ઓળખ પર સવાલો ઉઠાવતી આ ફિલ્મના પાત્રોએ પણ પોતાના અભિનયથી લોકોને હસાવ્યા હતા. હવે આ ફિલ્મ ભારતમાંથી ઓસ્કાર માટે મોકલવામાં આવી રહી છે. ત્યારે આ લેખમાં જાણીશું કે, કેવી રીતે કોઈ ફિલ્મને ઓસ્કારમાં મોકલવામાં આવે છે, તેની સંપૂર્ણ પ્રક્રિયા શું છે.

ઓસ્કાર એવોર્ડ નોમિનેશન

અમેરિકન એકેડેમી ઓફ મોશન પિક્ચર આર્ટસ એન્ડ સાયન્સ (AMPAS) દ્વારા ઓસ્કાર એવોર્ડનું આયોજન કરવામાં આવે છે. તમને જણાવી દઈએ કે, ઓસ્કાર એવોર્ડ માટે નોમિનેટ થવા માટે ફિલ્મને ઘણી ખાસ પ્રક્રિયાઓમાંથી પસાર થવું પડે છે. આ પ્રક્રિયાઓમાં ઘણા પગલાં અને નિયમો હોય છે, જેને ધ્યાનમાં રાખીને ફિલ્મનું નામાંકન કરવામાં આવે છે.

હકીકતમાં, AMPAS ઓસ્કાર એવોર્ડ માટે નિર્ણય લેતી સંસ્થા 10,000 થી વધુ સભ્યો ધરાવે છે. આ સભ્યોને વિવિધ વિભાગોમાં વિભાજિત કરવામાં આવ્યા છે, જેમ કે દિગ્દર્શક, અભિનેતા, લેખક, સિનેમેટોગ્રાફર વગેરે. દરેક સભ્ય તેમના વિભાગ અનુસાર ફિલ્મોનું મૂલ્યાંકન કરે છે.

આ સિવાય ફિલ્મને ઓસ્કારમાં એન્ટ્રી મેળવવા માટે કેટલાક નિયમોનું પાલન કરવું પડે છે. ઉદાહરણ તરીકે, ફિલ્મની લેન્થ ઓછામાં ઓછી 40 મિનિટ હોવી જોઈએ, જેથી તેને ફીચર ફિલ્મની શ્રેણીમાં રાખી શકાય. આ સિવાય ફિલ્મ લોસ એન્જલસ કાઉન્ટીના થિયેટરોમાં ઓછામાં ઓછા સાત દિવસ ચાલવી જોઈએ.

સબમિશન પ્રોસેસ

ફિલ્મ દિગ્દર્શકે પોતાની ફિલ્મને ઓસ્કાર માટે સત્તાવાર રીતે સબમિટ કરવાની હોય છે. હકીકતમાં ફિલ્મ નિર્માતાઓ એકેડમીના પોર્ટલ પર એક અરજી ફોર્મ ભરે છે, જેમાં ફિલ્મને લગતી તમામ માહિતી આપવાની હોય છે. આ સાથે ફિલ્મને ઓસ્કાર માટે નોમિનેટ કરવા માટે એકેડેમીના સભ્યોની સામે પણ ફિલ્મ દર્શાવવામાં આવે છે.

સ્ક્રીનીંગ દરમિયાન, ફિલ્મની વાર્તા, અભિનય, દિગ્દર્શન, સિનેમેટોગ્રાફી અને અન્ય તકનીકી પાસાઓનું મૂલ્યાંકન કરવામાં આવે છે. આ પછી એકેડમીના સભ્યો વોટિંગ દ્વારા વિવિધ કેટેગરીમાં ફિલ્મોનું નામાંકન કરે છે. પછી મતદાન પ્રક્રિયા પૂરી થયા પછી AMPAS નામાંકિત ફિલ્મોની યાદી તૈયાર કરે છે. આ પછી એકેડેમી દ્વારા આ યાદી જાહેરમાં જાહેર કરવામાં આવે છે.