બલૂચિસ્તાનમાં ચૂંટણી બાદ વિરોધ પ્રદર્શન, પાકિસ્તાન સેના પર ગોલમાલનો આરોપ, મળી રહી છે ધમકી
પાકિસ્તાનમાં યોજાયેલી ચૂંટણી બાદ બલૂચિસ્તાનમાં વિરોધ પ્રદર્શન શરૂ થઈ ગયા છે. આરોપ છે કે સેનાના કારણે કેટલાક રાજકીય પક્ષોને ફાયદો થયો છે. પાકિસ્તાન પીપલ્સ પાર્ટી (PPP) અને પાકિસ્તાન મુસ્લિમ લીગ નવાઝ (PML-N) વિજેતા તરીકે ઉભરી આવ્યા છે. એક નેતાએ આરોપ લગાવ્યો કે તેમને સેના તરફથી ધમકીઓ મળી છે.
પાકિસ્તાનમાં સામાન્ય ચૂંટણી બાદ બલૂચિસ્તાનમાં વિરોધ પ્રદર્શન શરૂ થઈ ગયા છે. પાકિસ્તાનના એક પોસ્ટના અહેવાલ મુજબ, કેટલાક રાજકીય પક્ષોની તરફેણમાં ચૂંટણીમાં ગોલમાલના આરોપો લાગ્યા છે.
પાકિસ્તાન પીપલ્સ પાર્ટી (PPP) અને પાકિસ્તાન મુસ્લિમ લીગ નવાઝ (PML-N) બલૂચિસ્તાનમાં વિજેતા તરીકે ઉભરી આવ્યા હતા, પરંતુ વિરોધીઓ દાવો કરે છે કે આ પક્ષોને સૈન્યનું સમર્થન હતું. ઘણા રાજકીય પક્ષોએ ચૂંટણી પ્રક્રિયાની નિષ્પક્ષતા અને અખંડિતતા પર ચિંતા વ્યક્ત કરી છે, ખાસ કરીને એવા વિસ્તારોમાં જ્યાં મતદારો ઓછા હતા અથવા મતદાન મથકો મર્યાદિત હતા.
તેના જવાબમાં બલૂચિસ્તાન નેશનલ પાર્ટી, નેશનલ પાર્ટી, પખ્તુનખ્વા મિલી અવામી પાર્ટી, હજારા ડેમોક્રેટિક પાર્ટી અને ધાર્મિક પાર્ટીઓએ વિરોધ શરૂ કર્યો છે. આમાં પ્રદર્શનો અને ધરણાં સાથે હાઈવે બ્લોક કરવાનો સમાવેશ થાય છે. શનિવારે, હજારો વિરોધીઓ ચૂંટણી પંચની કચેરીઓ બહાર એકઠા થયા, વિસ્તારના નોંધપાત્ર ભાગોને બંધ કરી દીધા. વિરોધ હવે ગ્વાદર, તુર્બત, ચાગી, દાલબંદીન, ઝિયારત, મુસ્લિમ બાગ અને લોરાઈ સહિતના અન્ય શહેરોમાં ફેલાઈ ગયો છે.
ચૂંટણી પંચે શું કહ્યું?
પાકિસ્તાનના ચૂંટણી પંચ (ECP) એ મત ગણતરી દરમિયાન ગોટાળાના આરોપોને નકારી કાઢ્યા છે, પરંતુ કેટલીક અનિયમિતતાઓને સ્વીકારી છે.
ચૂંટણી પરિણામોનો વિરોધ કરી રહેલા પક્ષોએ ક્વેટામાં તાત્કાલીક બેઠક યોજી હતી, જ્યાં તેઓએ તેમની ફરિયાદો, પરિણામોને સ્વીકારવાનો ઇનકાર અને સંયુક્ત વિરોધ આંદોલન શરૂ કરવાની યોજના અંગે ચર્ચા કરી હતી. તેમનો ઉદ્દેશ્ય નવા ચૂંટાયેલા ઉમેદવારોને બલૂચિસ્તાન એસેમ્બલીમાં પ્રવેશતા અટકાવવાનો અને બલૂચિસ્તાનની રાજકીય બાબતોમાં કથિત હસ્તક્ષેપ સામે જન ચળવળ શરૂ કરવાનો છે.
પાકિસ્તાનમાં બિલાવલના હાથમાં સત્તાની ચાવી
પાકિસ્તાનમાં ચૂંટણીને 4 દિવસ વીતી ગયા છે, પરંતુ હજુ એ સ્પષ્ટ નથી થયું કે પાકિસ્તાનના આગામી વડાપ્રધાન કોણ બનશે? પાકિસ્તાન ફરી એકવાર પોતાના ઈતિહાસનું પુનરાવર્તન કરી રહ્યું છે. પાકિસ્તાન એક એવા ચોકઠા પર ઊભું છે જ્યાં લોકશાહીનું ફરી એકવાર ભંગ થઈ રહ્યું છે. દેખાવો થઈ રહ્યા છે. ધરપકડ કરવામાં આવી રહી છે અને ઠેર ઠેર વિરોધ જોવા મળી રહ્યો છે.
પરંતુ આ દરમિયાન પાકિસ્તાનના લોકોની નજરમાં તે વ્યક્તિ હીરો બનીને ઉભરી આવ્યો છે, જેને 10 મહિના પહેલા જ ખેંચીને જેલના સળિયા પાછળ ધકેલી દેવામાં આવ્યો હતો. તે છે પીટીઆઈના અધ્યક્ષ અને પૂર્વ વડાપ્રધાન ઈમરાન ખાન.
આ પણ વાંચો: પાકિસ્તાન ચૂંટણીના પરિણામો જાહેર, કોઈ પક્ષ પાસે બહુમતી નથી, પીટીઆઈ સમર્થિત અપક્ષ ઉમેદવારો જીત્યા
Latest News Updates
