13 એપ્રિલના મહત્વના સમાચાર : રાજ્યના 6 શહેરોમાં ગરમીનો પારો 40 ડિગ્રીને પાર

નાયબ મુખ્યપ્રધાન હર્ષ સંઘવીનો અનોખો અંદાજ

ભરૂચમાં નાયબ મુખ્યપ્રધાન હર્ષ સંઘવી કંઈક અનોખો અંદાજમાં જોવા મળ્યા, સ્થાનિક સ્વરાજની ચૂંટણીમાં પ્રચાર દરમિયાન હર્ષ સંઘવીએ ભરૂચમાં નાસ્તાની રેંકડી પર ભાજપ કાર્યકરો સાથે બેઠક જમાવી હતી.સિક્યુરિટી પ્રોટોકોલ તોડીને હર્ષ સંઘવીએ નાગરિકની જેમ રેંકડી પર નાસ્તો કરતા કાર્યકરો સાથે ચૂંટણી અંગે ચર્ચા કરી હતી.ભાજપના કાર્યકરો અને સ્થાનિક ધારાસભ્ય પણ આ ચર્ચામાં જોડાયા હતા.

દ્વારકાઃ SOGની ગેરકાયદે માછીમારી કરતી બોટ સામે કાર્યવાહી

રાજ્યમાં કાળઝાળ ગરમીનો પ્રકોપ

રાજ્યમાં કાળઝાળ ગરમીનો પ્રકોપ જોવા મળી રહ્યો છે.  રાજ્યના 6 શહેરોમાં ગરમીનો પારો 40 ડિગ્રીને પાર ગયો છે. રાજ્યમાં સૌથી વધુ ગરમી રાજકોટમાં નોંધાઈ. રાજકોટમાંથી 41.7 ડિગ્રી ગરમી નોંધાઈ. અમદાવાદમાં 40.7 ડિગ્રી પર પારો રહ્યો. ભૂજ, કંડલા, વડોદરા, ગાંધીનગરમાં 40 ડિગ્રીથી વધુ તાપમાન નોંધાયુ.