Trending Video: રસ્તા વચ્ચે ટાયર ફાટ્યું અને દુબઈ પોલીસે કર્યું આવું કામ, ભારતીય મહિલાએ વીડિયોમાં ખોલી ત્યાંની ‘અસલી પોલ’

દુબઈ તેની હાઇ-પ્રોફાઇલ જીવનશૈલી અને આધુનિક સંસ્કૃતિ માટે જાણીતું છે. આ દરમિયાન દુબઈમાં સુરક્ષાને લઈને અવારનવાર અનેક સવાલો ઊભા થતા રહે છે.

આ જ સવાલનો જવાબ એક ભારતીય મહિલા દ્વારા શેર કરવામાં આવેલા વિડિયોમાં મળ્યો. આમાં બતાવવામાં આવ્યું છે કે, દુબઈ કેટલું સુરક્ષિત છે? મહિલાનો આ વિડિયો સોશિયલ મીડિયા પર હાલ ખૂબ Viral થઈ રહ્યો છે.

ભારતીય મહિલાએ શેર કર્યો આ ‘Trending Video’

આ વાયરલ વિડિયો (Viral Video) સોશિયલ મીડિયા પ્લેટફોર્મ પર ભારતીય મહિલા ખુશી ઓસવાલે પોતાના ઇન્સ્ટાગ્રામ એકાઉન્ટ @khushidxbrealtor પરથી શેર કર્યો છે.

વિડિયોમાં તે પોતાની ફ્રેન્ડ સાથે કારમાં બેઠેલી જોવા મળે છે. Viral Video માં ભારતીય મહિલા જણાવે છે કે, ભારે ટ્રાફિક વચ્ચે તેની કારનું ટાયર અચાનક ફાટી ગયું. જો કે, આગળ જે કંઈ પણ તેની સાથે થયું તેણે મહિલાને પૂરી રીતે હેરાન કરી દીધી.

View this post on Instagram

A post shared by Khushi Ostwal (@khushidxbrealtor)

વચ્ચે રસ્તે ટાયર ફાટતા ગભરાઈ ‘મહિલા’

મહિલા જણાવે છે કે, ‘Car’ રસ્તાની વચ્ચે ખરાબ થઈ ગઈ હતી અને મિકેનિક નવું ટાયર લેવા ગયો હતો. એવામાં તેમને લાગ્યું કે, હવે લાંબા સમય સુધી પરેશાનીનો સામનો કરવો પડશે પરંતુ થોડી જ મિનિટોમાં પરિસ્થિતિ બદલાઈ ગઈ.

મહિલાએ જણાવ્યું કે, લગભગ પાંચ મિનિટની અંદર એક રિકવરી વાહન ઘટનાસ્થળે પહોંચી ગયું. આ સાથે જ એક પોલીસની ગાડી તેમની કારની પાછળ આવીને ઊભી રહી ગઈ, જેથી પાછળથી આવતા વાહનોથી તેમની સુરક્ષા જળવાઈ રહે.

પોલીસે સુરક્ષા માટે કરી આવી ‘વ્યવસ્થા’

Video માં આગળ મહિલા કહે છે કે, આટલા વ્યસ્ત રસ્તા પર હોવા છતાં તેમને જરાય ડર નહોતો લાગી રહ્યો. તેમને ભરોસો હતો કે, પોલીસ તેમની સાથે હાજર છે અને જ્યાં સુધી સમસ્યા ઉકેલાઈ ન જાય, ત્યાં સુધી તેમની સુરક્ષાનું ધ્યાન રાખવામાં આવશે.

Video માં હાજર બીજી મહિલાએ પણ પોતાનો અનુભવ શેર કર્યો. તેણે જણાવ્યું કે, જ્યારે પોલીસ અધિકારી તેમની કાર પાસે આવ્યા ત્યારે તે થોડી ગભરાઈ ગઈ હતી પરંતુ જ્યારે અધિકારીએ શાંતિથી પૂછ્યું કે, શું થયું છે અને ટાયર ફાટવાની વાત ખબર પડી, તો તેમનું વર્તન જોઈને તે હેરાન રહી ગઈ.

દુબઈની સુરક્ષા વ્યવસ્થા જોઈ હેરાન રહી ગઈ ‘મહિલા’

પોલીસ અધિકારીએ તેમની સાથે હિન્દીમાં વાત કરી અને પૂછ્યું કે, મિકેનિક આવવામાં કેટલો સમય લાગશે? તો મહિલાએ કહ્યું કે, લગભગ 10 મિનિટ લાગશે.

આ પછી અધિકારીએ હસતા હસતા કહ્યું, “કોઈ વાંધો નહીં, હું તમારી સુરક્ષા માટે અહીં પાછળ જ ઊભો રહીશ.” આ વાત સાંભળીને બંને મહિલાઓ ખૂબ પ્રભાવિત થઈ. તેમણે કહ્યું કે, તેમને એવું અનુભવાયું જાણે તેમની સુરક્ષા જ સૌથી પહેલી પ્રાથમિકતા હોય.

Video પર લોકો પણ કરી રહ્યા છે ‘દુબઈ પોલીસના વખાણ’

Video ના અંતમાં ખુશી ઓસવાલે કહ્યું કે, આ જ કારણ છે કે તેમને દુબઈ આટલું સુરક્ષિત લાગે છે. તેમના જણાવ્યા અનુસાર, અહીં લોકોની સુરક્ષા અને મદદ માટે વહીવટીતંત્ર હંમેશા તૈયાર રહે છે.

સોશિયલ મીડિયા પર પણ આ વિડિયોને ખૂબ પસંદ કરવામાં આવી રહ્યો છે. અનેક યુઝર્સે દુબઈ પોલીસના આ વર્તનની પ્રશંસા કરી અને કહ્યું કે, આવી નાની-નાની બાબતો જ કોઈ શહેરને લોકો માટે ખાસ અને ભરોસાપાત્ર બનાવે છે.

Trending Video : કોમનવેલ્થ ગેમ્સમાં જિમ્નાસ્ટનું બેલેન્સ બગડતા માથું સીધું જમીન પર પટકાયું, જુઓ Video