Disha Patani એ કરી Salman Khan ની પ્રશંસા, એક્ટરને કહ્યા ‘સ્વીટ’

બોલિવૂડ એક્ટર સલમાન ખાન (Salman Khan) ની ફિલ્મ રાધે: યોર મોસ્ટ વોન્ટેડ ભાઈ (Radhe: Your Most Wanted Bhai) ટૂંક સમયમાં રિલીઝ થવાની તૈયારીમાં છે. ફિલ્મનું ટ્રેલર અને ત્રણ ગીતો રિલીઝ કરવામાં આવ્યા છે, જે દરેક જગ્યાએ છવાયેલા છે. ટ્રેલર અને ગીતોમાં સલમાન ખાન અને દિશા પાટણી વચ્ચેની આશ્ચર્યજનક કેમિસ્ટ્રી જોવા મળી રહી છે. આ દરમિયાન ‘રાધે: યોર મોસ્ટ વોન્ટેડ ભાઈ’ નો ડાયલોગ પ્રોમો રિલીઝ થયો છે. જે ખૂબ જ ઝડપથી વાયરલ થઈ રહ્યો છે.

નિર્માતાઓ દ્વારા રાધે: યોર મોસ્ટ વોન્ટેડ ભાઈનાં બે સંવાદ પ્રોમો રજૂ કરવામાં આવ્યા છે. જેમાં એકમાં સલમાન ખાન અને દિશા પાટણી એકબીજા સાથે વાત કરતા જોવા મળે છે. તે જ સમયે, બીજામાં સલમાન ખાન અને જેકી શ્રોફ વચ્ચે, ખાટી-મીઠી નોકજોક થતી દેખાઈ રહી છે. વીડિયો સોશિયલ મીડિયા પર ઝડપથી વાયરલ થઈ રહ્યો છે. ખાસ કરીને જેકી શ્રોફ અને સલમાન ખાનની વાતચીતના આ દ્રશ્ય ચાહકોને ખૂબ જ મનોરંજક લાગી રહ્યા છે.

વીડિયોમાં દિશા પાટણી સલમાન ખાનની પ્રશંસા કરતી અને તેમને ‘સ્વીટ’ કહેતી જોવા મળી રહી છે. દિશા સલમાનના ગાલને પ્રેમથી સહેલાવીને તેમને સ્વીટ કહે છે. તેમાં દિશા અને સલમાન ખાનના ડાન્સની ઝલક પણ મળે છે. બીજા વીડિયોમાં, જેકી શ્રોફ સલમાન ખાનને કહે છે – ‘સુના હૈ તુ બહુત ડેન્જરસ છે.’ બંને વીડિયોમાં ભાઈજાનની શૈલી ખૂબ જ અદભૂત લાગે છે.

તમને જણાવી દઈએ કે, દિશા પાટણી અને જેકી શ્રોફ પણ આ ફિલ્મમાં સલમાન ખાનની સાથે મહત્વપૂર્ણ ભૂમિકામાં જોવા મળશે. તે જ સમયે, રણદીપ હુડ્ડા ફિલ્મમાં વિલનની ભૂમિકામાં જોવા મળશે. સલમાન ખાન, સોહેલ ખાન અને રીલ લાઇફ પ્રોડક્શન્સ પ્રાઇવેટ લિમિટેડ દ્વારા નિર્મિત આ ફિલ્મ આ વર્ષે ઈદ નિમિત્તે 13 મેના રોજ રીલિઝ થશે. આ ફિલ્મ ઝી5 પર ‘પે-પર-વ્યૂ’ સેર્વિસ ઝીપ્લેક્સ પર જોઈ શકાય છે. ઝીપ્લેક્સ ડીટીએચ પ્લેટફોર્મ જેવાકે ડીશ, ડી 2 એચ, ટાટા સ્કાય અને એરટેલ ડિજિટલ ટીવી પર પણ ઉપલબ્ધ છે.

આ પણ વાંચો :- TMKOC : જુની અંજલિ ભાભી શોમાં પાછી ફરશે? Sunayana Fozdar એ આપ્યો જવાબ

આ પણ વાંચો :- વિદેશી મૂળની આ અભિનેત્રીઓનો બોલિવૂડમાં જલવો, અભિનય અને ડાન્સિંગ જ નહીં, સિંગીગનો પણ ચલાવ્યો જાદુ